अमीरचंद जगदीश कुमार (एक्स्पोर्ट्स) लिमिटेड (यांचा प्रमुख नोंदणीकृत आणि ट्रेडमार्क असलेला ब्रँड “एअरप्लेन”) ही भारतातील बासमती तांदूळ आणि इतर एफएमसीजी उत्पादनांची प्रक्रिया करणारी व निर्यात करणारी कंपनी आहे. कंपनीच्या प्रवर्तकांच्या चार दशकांहून अधिक अनुभवाचा फायदा घेत, ही कंपनी बासमती तांदळाच्या उद्योगात मजबूत उपस्थिती निर्माण करत आहे. या कंपनीने आपला ड्राफ्ट रेड हेरिंग प्रॉस्पेक्टस (DRHP) मार्केट रेग्युलेटर भारतीय सिक्युरिटीज आणि एक्स्चेंज बोर्ड (SEBI) कडे दाखल केला आहे. कंपनीने इक्विटी शेअर्स (प्रत्येकी ₹10 दर्शनी मूल्य असलेले)च्या प्रारंभिक सार्वजनिक समभाग विक्रीमधून एकूण ₹550 कोटी (₹5500 दशलक्ष) उभारण्याची योजना आखली आहे.
या ऑफरमध्ये ₹550 कोटी (₹5500 दशलक्ष) पर्यंतच्या नवीन इक्विटी शेअर्सच्या इश्यूचा (Fresh Issue) समावेश आहे.
CARE रिपोर्टनुसार, महसुलाच्या दृष्टीने अमीरचंद जगदीश कुमार (एक्स्पोर्ट्स) लिमिटेड ही कंपनी आपल्या क्षेत्रातील प्रतिस्पर्ध्यांमध्ये तिसऱ्या क्रमांकावर आहे. ब्रँडेड तांदळासोबतच एफएमसीजी क्षेत्रातील अत्यावश्यक वस्तूंमध्ये प्रवेश करणाऱ्या मोजक्या भारतीय कंपन्यांपैकी ही एक आहे. ही कंपनी बासमती तांदळाच्या मूल्यसाखळीतील सर्व टप्प्यांमध्ये उपस्थित असलेली आणि संपूर्णपणे एकत्रित (fully integrated) कार्यपद्धती असलेली मोजकी भारतीय कंपनी असल्याचा दावा करते. त्यामध्ये खरेदी, साठवणूक, प्रक्रिया, विपणन आणि विक्री यांचा समावेश होतो. एफएमसीजी उत्पादनांमध्येही विविधता आणत, कंपनी आता आवश्यक स्वयंपाकघर उपयोगी वस्तू जसे की, आटा, मैदा, सूजी, बेसन, मीठ आणि साखर यांचे उत्पादन आणि विपणन करते. कंपनी आपल्या उत्पादनांचे विपणन नोंदणीकृत व ट्रेडमार्क असलेल्या मुख्य ब्रँड “AEROPLANE”च्या अंतर्गत करते आणि त्या अंतर्गत “Aeroplane La-Taste”, “Aeroplane Classic”, “Ali Baba”, “World Cup” आणि “Jet” यांसारखे 40 हून अधिक उप-ब्रँड्स आहेत. या ड्राफ्ट रेड हेरिंग प्रॉस्पेक्टसच्या तारखेपर्यंत कंपनीने एकूण 100 ट्रेडमार्क नोंदविले आहेत, यामध्ये 70 भारतात आणि 30 ट्रेडमार्क 26 देशांमध्ये (प्रामुख्याने युरोप, आशिया आणि आफ्रिका) आहेत, तसेच भारतात 22 कॉपीराइट्सही नोंदविलेले आहेत.
कंपनी खालील उद्दिष्टांसाठी निव्वळ उत्पन्नाचा (Net Proceeds) उपयोग करण्याचा प्रस्ताव ठेवते — (i) कंपनीच्या कार्यभांडवलाच्या गरजा पूर्ण करणे, ज्यासाठी अंदाजे ₹500 कोटी (₹5000 दशलक्ष) खर्च होईल आणि (ii) उर्वरित रक्कम सामान्य कॉर्पोरेट गरजांसाठी वापरण्यात येईल. (The “Object of Issue”).
रेड हेरिंग प्रॉस्पेक्टसद्वारे ऑफर करण्यात येणारे इक्विटी शेअर्स हे बीएसई लिमिटेड (BSE) आणि नॅशनल स्टॉक एक्स्चेंज ऑफ इंडिया लिमिटेड (NSE) या शेअर बाजारांवर लिस्ट करण्याचा प्रस्ताव आहे. (हे “लिस्टिंग डिटेल्स” म्हणून ओळखले जाते).
या इश्यूसाठी एमके ग्लोबल फायनान्शियल सर्व्हिसेस लिमिटेड आणि के-फिन टेक्नॉलॉजीज लिमिटेड हे बुक रनिंग लीड मॅनेजर्स (BRLMs) म्हणून काम पाहत आहेत.
