*🚩 “कृतज्ञतेचा सोहळा – लोकशाही दीपस्तंभ सन्मान २०२५ आमदार भिमराव अण्णा तापकीर यांच्या शुभहस्ते” नुकताच झाला🚩*

नांदेड सिटी येथे करवीर निवासिनी श्री महालक्ष्मी माता मंदिर व श्री स्वामी समर्थ महाराज आणि महावतार बाबाजी महाराज मठ येथे *लोकशाही दीपस्तंभ सन्मान २०२५* हा भव्य सोहळा अत्यंत उत्साहात आणि भावपूर्ण वातावरणात पार पडला. समाजासाठी नि:स्वार्थ भावनेने आणि लोकशाही मूल्यांप्रती निष्ठेने कार्य करणाऱ्या मान्यवरांचा या वेळी सन्मान करण्यात आला.

या सन्मानाने गौरविण्यात आलेले मान्यवर म्हणजे *श्री आनंद गलगली, श्री प्रकाश गोरे, श्री सतीश काळगावकर आणि श्री संजय दाते. या सर्वांचा सन्मान आमदार भीमराव अण्णा तापकीर यांच्या शुभहस्ते करण्यात आला*. कार्यक्रमाला मोठ्या संख्येने नागरिक, महिला व युवक कार्यकर्ते उपस्थित होते.

सोहळ्याची सुरुवात दीपप्रज्वलनाने झाली. त्यानंतर चारही मान्यवरांच्या कार्यातील अनुभव, सामाजिक योगदान आणि प्रवासाबद्दल भावपूर्ण शब्दांत मांडणी केली. त्यांच्या विचारांना उपस्थितांनी टाळ्यांच्या गजरात उत्स्फूर्त दाद दिली. विशेष म्हणजे, *श्री सुधीर काळकर* यांनी आपल्या मनोगतात सांगितले की,*“हा सन्मान केवळ व्यक्तीचा नाही, तर तो संपूर्ण समाजाच्या सेवाभावी विचारांचा गौरव आहे. समाजातील कार्यकर्त्यांना प्रेरणा देणारा आणि नवीन पिढीला आदर्श दाखवणारा हा उपक्रम खरोखरच गरजेचा आहे.”*

कार्यक्रमाचे *अध्यक्षपद प. पू. गुरुश्री यांनी भूषविले. सोहळ्याचे विश्वस्त व उत्सव प्रमुख ॲड. नरसिंग (रावसाहेब) संभाजीराव लगड* यांनी सांगितले की, “लोकशाही दीपस्तंभ सन्मान हा केवळ पुरस्कार नाही, तर समाजासाठी केलेल्या नि:स्वार्थ कार्याचा जनतेकडून मिळालेला खरीखुरी सलामी आहे. हा सन्मान म्हणजे कृतज्ञतेची व अभिमानाची भावना व्यक्त करणारा लोकमान्य गौरव आहे.”

प्रास्ताविकात *श्री अशोक वाकोडकर यांनी या सन्मान सोहळ्याचा हेतू व समाजासाठी आयुष्यभर कार्य करणाऱ्या व्यक्तींच्या गौरवाचे महत्त्व प्रभावीपणे स्पष्ट केले. कार्यक्रमाच्या शेवटी श्री रवि कल्याणे* यांनी सन्मान स्वीकारणाऱ्या मान्यवरांचे तसेच कार्यक्रम यशस्वी करण्यासाठी योगदान देणाऱ्या सर्व कार्यकर्त्यांचे, उपस्थित नागरिकांचे व विशेष पाहुण्यांचे मन:पूर्वक आभार मानले. त्यांनी समाजकार्याच्या वाटचालीत लोकसहभाग हाच खरा बळ असल्याचे सांगत पुढील काळात अशा उपक्रमांना अधिक बळकटी देण्याचा विश्वास व्यक्त केला.

या भव्य सोहळ्याला खडकवासला भाजप पदाधिकारी *श्री रुपेश घुले व श्री सचिन दांगट, तसेच राष्ट्रीय स्वयंसेवक संघाचे पदाधिकारी* मोठ्या संख्येने उपस्थित होते. त्यांच्यासोबतच *श्री किशोर पोकळे, श्री शरद वाल्हेकर (चेअरमन सरगम सोसायटी), श्री विशाल कदम (पोलीस पाटील), श्री गिरीश वासेकर, श्री तानाजी गडवे आणि ॲड. राजीव राऊत* या मान्यवरांची उपस्थिती कार्यक्रमाचे विशेष आकर्षण ठरली. त्यांच्या सहवासामुळे संपूर्ण सोहळ्याला अधिक उत्साह, प्रतिष्ठा आणि ऊर्जा लाभली.