पुणे, दि. ३ : महाराष्ट्र राज्य परीक्षा परिषदेमार्फत २६ एप्रिल २०२६ रोजी घेण्यात येणाऱ्या प्राथमिक व उच्च प्राथमिक शिष्यवृत्ती परीक्षेसाठी शाळा नोंदणी व विद्यार्थ्यांना ऑनलाईन आवेदनपत्र नियमित शुल्कासह भरण्यास १३ फेब्रुवारी २०२६ पर्यंत मुदतवाढ देण्यात आली आहे.
परीक्षेचे शाळा नोंदणी व विद्यार्थ्यांचे अर्ज http://www.mscepune.in व http://puppssmsce.in या संकेतस्थळावर विलंब शुल्कासह १४ ते २० फेब्रुवारी, अतिविलंब शुल्कासह २१ ते २४ फेब्रुवारीपर्यंत तसेच अतिविशेष विलंब शुल्कासह २५ ते २८ फेब्रुवारीपर्यंत सादर करता येतील. २८ फेब्रुवारीनंतर कोणत्याही परिस्थितीत विद्यार्थ्यांना ऑनलाईन अथवा ऑफलाईन आवेदनपत्र भरता येणार नाही याची नोंद घ्यावी, असे परीक्षा परिषदेच्या आयुक्त अनुराधा ओक यांनी कळविले आहे.
0000
