*
पुणे, दि. २१: जिल्हा कौशल्य विकास, रोजगार व उद्योजकता मार्गदर्शन केंद्र व हुजूरपागा श्रीमती दुर्गाबाई मुकुंददास लोहिया महिला वाणिज्य महाविद्यालय यांच्या संयुक्त विद्यमाने मंगळवार २५ ऑगस्ट रोजी ६९१, नारायण पेठ, लक्ष्मी रोड, पुणे येथे रोजगार मेळाव्याचे सकाळी १० वाजता आयोजन करण्यात आले आहे.
या रोजगार मेळाव्यामध्ये पुणे जिल्ह्यातील १३ उद्योजकांनी त्यांचा सहभाग दर्शविलेला असून, त्यांच्याकडून ४११ पेक्षा जास्त रिक्तपदे कळविण्यात आली आहेत. ही सर्व पदे ट्रेनी, सेल्स एक्झिक्युटिव्ह, ऑपरेशनल वर्क, ट्रेनी एक्झिक्यूटिव्ह, सेल्स अँड मार्केटिंग, कस्टमर सपोर्ट, सेल्स मॅनेजर, उमेदवारांसाठी असून जिल्ह्यातील जास्तीत जास्त नोकरी इच्छुक उमेदवारांना या रोजगार मेळाव्याच्या मनातून नोकरीच्या विविध संधी उपलब्ध करुन देण्यात येत आहेत.
रोजगार मेळाव्याच्या माध्यमातून बेरोजगार उमेदवारांसाठी नोकरीची संधी उपलब्ध होत आल्याने इच्छुक उमेदवारानी रिक्तपदांच्या अधिक माहितीसाठी या विभागाच्या www.rojgar.mahaswayam.gov.in या वेबसाईटला भेट देऊन मेळाव्यातील रिक्त पदांसाठी अर्ज करावेत. रिक्तपदांच्या प्रत्यक्ष मुलाखतीसाठी (Walk-in-Interview) जास्तीत जास्त उमेदवारांनी रोजगार मेळाव्याच्या ठिकाणी उपस्थित राहून, आपला सहभाग नोंदवावा.
उमेदवारांनी सर्व शैक्षणिक कागदपत्राच्या छायांकित प्रती सोबत ठेवाव्यात. अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, ४८१ रास्ता पेठ, सरदार मुदलीयार रोड, पुणे ४११०११ येथे प्रत्यक्ष अथवा ०२०- २६१३३६०६, या दूरध्वनीवर संपर्क साधावा, असे सहायक आयुक्त सु. रा. वराडे यांनी कळविले आहे.
००००
