यूपीआय एमडीआर: ग्राहक आणि व्यापाऱ्यांना काय माहित असणे आवश्यक आहे
यूपीआय ग्राहकांसाठी मोफतच राहणार आहे!
एमडीआर म्हणजे ग्राहकाकडून कार्ड किंवा डिजिटल पेमेंट स्वीकारण्यासाठी व्यापाऱ्याने भरायचे शुल्क. निवडक यूपीआय व्यापारी व्यवहारांवर हे शुल्क लागू करण्यात आले आहे.
याचा ग्राहकांवर काय परिणाम होईल:
यूपीआय ग्राहकांसाठी मोफतच राहणार आहे
यूपीआय द्वारे कुटुंबीय आणि मित्रांना पैसे पाठवणे पूर्णपणे मोफत राहील.
यूपीआय द्वारे कोणत्याही व्यापाऱ्याला कोणत्याही रकमेचे पेमेंट करणे मोफत राहील.
तुम्ही दुकानातून खरेदी करत असाल, स्थानिक बाजारात पेमेंट करत असाल किंवा रस्त्यावरील विक्रेत्याच्या QR कोडवर स्कॅन करून पेमेंट करत असाल ते मोफतच राहील.
व्यापारी एमडीआर चा भार ग्राहकांवर टाकू शकत नाहीत.
याचा व्यापाऱ्यांवर काय परिणाम होईल:
2,000 रु. पर्यंतच्या सर्व यूपीआय व्यापारी पेमेंटवर शून्य एमडीआर किंवा कोणतेही शुल्क आकारले जाणार नाही, त्यामुळे व्यापाऱ्यांचे 96% व्यवहार मोफत राहतील.
यूपीआय QR कोडद्वारे आपल्या बँक खात्यांमध्ये दरमहा 1 लाख रु. पर्यंत रक्कम प्राप्त करणारे रस्त्यावरील विक्रेते, परिसरातील दुकानदार आणि लघु व्यावसायिक यांसारखे छोटे व्यापारी शून्य MDRचा लाभ घेत राहतील.
2,000 रु. पेक्षा अधिक रकमेच्या पात्र व्यापारी व्यवहारांवर 0.4% एमडीआर आकारला जाईल.
75,000 रु. आणि त्याहून अधिक रकमेच्या व्यवहारांसाठी एमडीआर प्रति व्यवहार 300 रु. इतका मर्यादित असेल.
आवश्यक सेवांसाठी विशेष एमडीआर दर कोणते आहेत:
2,000 रु. पेक्षा कमी रकमेच्या पेमेंटवर शून्य एमडीआर कायम राहील.
इंधन, शिक्षण, विमा, रेल्वे, दूरसंचार आणि युटिलिटी सेवा (वीज, पाणी आणि पाईपद्वारे पुरवला जाणारा नैसर्गिक वायू) यांसह इतर सेवांसाठी 2,000 रु. पेक्षा अधिक रकमेच्या पेमेंटवर प्रति व्यवहार 5 रु. इतका निश्चित एमडीआर आकारला जाईल.
