*विशेष लेख
सार्वजनिक शांतता आणि सुव्यवस्थेवर परिणाम करणाऱ्या काही घटना ठाणे शहर पोलीस आयुक्तालयाच्या हद्दीतील बार, परमिट रुम, रेस्टॉरंट इत्यादीमध्ये आणि आजूबाजूला वारंवार घडत आहेत.
अशा आस्थापनांचे काही मालक एकतर अशा घटना रोखण्यासाठी योग्य ती दक्षता घेत नाहीत किंवा अशा घटनांना कारणीभूत ठरणारी काही कृत्ये जाणूनबुजून करत आहेत. अशा आस्थापनांचे काही मालक अनिवार्य नियम व नियमांचे सर्रास उल्लंघन करत आहेत. ज्यामुळे अशा आक्षेपार्ह घटनांसाठी एक सुपिक जमीन तयार होत आहे आणि अशा आस्थापनांना भेट देणारे काही पाहुणे ग्राहक अशोभनीय वर्तन करतात आणि अशा गोंधळामुळे महिलांसह इतर ग्राहकांमध्ये असुरक्षिततेची भावना निर्माण होत आहे.
अशा घटनांना आळा घालण्यासाठी आणि प्रतिबंधित करण्याच्या दृष्टीकोनातून आणि अशा आस्थापनांमध्ये आणि आजूबाजूला शांतता कायम राहील याची खात्री करण्यासाठी भारतीय नागरिक सुरक्षा संहिता 2023 चे कलम 163 प्रमाणे अधिसूचना जारी करण्यात आली आहे.
सर्व बार/परमिट रुम मध्यरात्री 01.30 च्या वेळेच्या मर्यादचे कोटेकोरपणे पालन करतील. आणि त्यांच्या आस्थापना मध्यरात्री 01.30 पर्यंत बंद करतील.
सर्व इनडोअर संगीत कार्यक्रम मध्यरात्री 01.30 पर्यंत बंद केले जातील आऊटडोअर स्टेज परफॉर्मन्स इवेंट्ससाठी निर्धारित कालावधी रात्री 10.00 पर्यंत आहे.
मध्यरात्री 01.15 नंतर अन्न आणि मद्य इत्यादीसाठी कोणतेही ऑर्डर घेतले जाऊ शकत नाहीत. वरील अनु.क्र.1 व 2 चे काटेकोरपणे पालन केले जाईल
ज्या परमिट रुममध्ये दारु दिली जात आहे त्याठिकाणी 18 वर्षाखालील मुलांना प्रवेश दिला जाणार नाही. (अपवादः पालकांसमवेत असल्यास)
प्रचलित अबकारी नियमांनुसार दारुच्या सेवेसाठी अनिवार्य वयाचे निकष (बीअर-21 वर्ष, व्हीस्को, रम इ.25 वर्ष) पाळले जातील.
जर परदेशातील व्यावसायिक कलाकार डीजे इत्यादींकडून अशा आस्थापनांमध्ये सादरीकरण केले जाणार असेल तर अशा कलाकारांच्या तपशिलांसह 15 दिवस अगोदर पूर्व सूचना दिली जाईल जसे की पासपोर्टची प्रत, व्हिसा तपशील, आगमनाची तारीख, प्रस्थानाची तारीख, राहण्याचे ठिकाण इत्यादी.
आस्थापनांचा प्रवेश, बाहेर जाण्याचा मार्ग, सेवा क्षेत्र, आसन व्यवस्था, बार काऊंटर इत्यादी क्षेत्र सीसीटीव्हीच्या कार्यक्षेत्रात येईल. सीसीटीव्हीचे रेकॉडींग 30 दिवसांच्या कालावधीसाठी ठेवणे आवश्यक आहे.
अशा आस्थापनांच्या सर्व सुरक्षा कर्मचाऱ्यांचे (सामान्यत बाऊंसर म्हणून संबोधले जाते) चारित्र्य पडताळणी पूर्ण करणे आवश्यक आहे. आणि मागील 10 वर्षातील गुन्हयांची नोंद असलेल्या कोणत्याही सुरक्षा कर्मचाऱ्याला बाऊंसर म्हणून काम देताना संबंधित परिमंडळीय पोलीस उप आयुक्त यांचे परवानगीशिवाय कामावर ठेवू नये.
अशा पुरुष आणि महिला सुरक्षा कर्मचाऱ्यांची संख्या
आस्थापना सुनिश्चित करेल की, त्यांच्या ग्राहकांना व्यवस्थापित करण्यासाठी नेहमी उपस्थित असेल आणि हे सुनिश्चित केले जाईल की, हे सुरक्षा कर्मचारी कोणत्याही प्रकारे गैरकृत्य करणार नाहीत जो प्रचलित कायद्यांतर्गत गुन्हा ठरतो.
अशा आस्थापनांमध्ये प्रवेश करु इच्छिणाऱ्या किंवा त्यामध्ये असणाऱ्या महिलांसह अतिथींची सुरक्षा आणि सन्मान राखण्याची एकंदर जबाबदारी अशा आस्थापनांच्या मालकांवर राहील, ज्यांच्या नावांने परवाना जारी करण्यात आलेला आहे.
नियमन करणे आणि आवाराबाहेरील वाहतूक ही अशा आस्थापनांच्या पार्किंगचे मालकांची एकमात्र जबाबदारी असेल. आणि “ड्रिंक अॅन्ड ड्राईव्ह” बाबत वाहतूक नियमांचे ऐच्छिक पालन करण्याबाबत त्यांचेकडून जनजागृती करण्यासाठी प्रयत्न केले जातील
गोंधळ किंवा अनियंत्रित वर्तन करणाऱ्या व्यक्तींचे मूल्यांकन आस्थापना कर्मचाऱ्यांकडून / आस्थापनेद्वारे केले जाईल आणि अशा अनियंत्रित व्यक्तींना मद्याची सेवा ताबडतोब बंद केली जाईल आणि त्यांच्या वर्तनामुळे इतर पाहुण्यांना त्रास होण्यापूर्वी सुरक्षा कर्मचाऱ्यांकडून त्यांना योग्यरित्या बाहेर काढले जाईल. अशी कृती व्हिडिओ रेकॉडिंग अंतर्गत केली जाणे आवश्यक आहे.
ज्या आस्थापनांमध्ये धुम्रपान करण्यास परवानगी आहे, तेथे केवळ निर्दिष्ट केलेल्या जागेत (एकतर बंद किंवा खुल्या जागेत) परवानगी दिली जाईल. सिगारेट आणि इतर तंबाखू उत्पादने कायदा (COTPA), 2003 च्या तरतुदींचे काटेकोरपणे पालन करणे आवश्यक आहे. इलेक्ट्रॉनीक सिगारेट प्रतिबंध कायदा, 2019 नुसार अशा सर्व आस्थापनांकडून त्यांच्या परिसरात कोणतीही ई-सिगारेट (Vapes सह) वापरली जाणार नाहीत याची देखील खात्री केली जाईल.
अशा कोणत्याही आस्थापनांकडून हुक्का / शीशा सार्वजनिक ठिकाणी खाद्यगृहांच्या ठिकाणी दिला जाणार नाही.
“FL III” परवान्यांमध्ये परमिट रुम म्हणून नमूद केल्याप्रमाणे खुल्या भागात / टेरेसवर दारुची सेवा सेवन होत नाही याची खात्री करणे ही छत (Rooftop) असलेल्या आस्थापनाच्या मालकाची जबाबदारी असेल.
छत (Rooftop) असलेल्या आस्थापना मालकांची एअर म्युझिकमुळे संबंधित इमारतीतील रहीवाशांना त्रास होत नाही याची खातरजमा करण्याची जबाबदारी असेल. ध्वनी प्रदूषण (नियम आणि नियंत्रण) नियम, 2000 संबंधित तरतुदींचे पालन केले जात नसल्याचे निदर्शनास आल्यास नमूद नियमानुसार कायदेशीर कारवाई केली जाईल. सार्वजनिक ठिकाणी लाऊडस्पीकरसाठी मर्यादा साधारणपणे रात्री 10.00 अशी आहे.
सर्व आस्थापनांनी “NO DRUGS ALLOWED / DRUG CONSUMPTION IS BANNED असे आस्थापनेच्या दर्शनी भागांवर फलक लावावेत. आस्थापनांकडून मादक पदार्थाचे सेवन केले जात नाही याची खात्री करण्यासाठी कसून तपासणी केली जाईल.
उत्पादन शुल्क परवानगीच्या अटींसंदर्भात शासनाने जारी केलेल्या सर्व प्रचलित नियमांचे काटेकोरपणे पालन केले जाईल.
वैध अबकारी परवाना नसलेले कोणतेही खाद्यगृह / ढाबा / आस्थापना त्यांच्या ग्राहकांना दारु पिण्यास किंवा विक्री करण्यास परवानगी देऊ शकत नाहीत.
अशा आस्थापनांचे मालक विशिष्ट कार्यक्रम आयोजित करण्यासाठी किंवा त्यांचा परिसर व्यवस्थापित करण्यासाठी बाह्य एजन्सी किंवा व्यवस्थापकांना नियुक्त करतात अशावेळी. वर नमूद केलेल्या सर्व मुद्यांच्या अंमलबजावणीची संपूर्ण जबाबदारी आणि उत्तरदायित्व अशा आस्थापनांच्या मालकांवर अवलंबून असेल.
आस्थापनांतील व्यवस्थापक यांनी कोणताही गोंधळ किंवा अनुचित घटनेची माहिती स्थानिक पोलीस ठाणे / वरिष्ठ पोलीस अधिकाऱ्यांपर्यंत पोहचविणे तसेच अशी माहिती त्वरित पोलीस नियंत्रण कक्षाच्या डायल क्र.112 वर कळविणे अपेक्षित आहे.
या आदेशाचे उल्लंघन केल्यास संबंधित व्यक्ती प्रत्येक प्रकरणाच्या आधारावर भारतीय न्याय संहिता 2023 चे कलम 223 सह इतर संबंधित कायद्यातील कलमानुसार गुन्हेगारा अपराधास पात्र राहील.
हा आदेश दि.31 ऑगस्ट 2024 च्या 00.01 वाजे पासून ते दि.29 ऑक्टोंबर 2024 च्या रात्री 12.00 वाजे पर्यंत कालावधी पूर्वी जारी करणाऱ्या अधिकाऱ्याने मागे घेतल्याशिवाय अंमलात राहील.
या आदेशाबाबत आक्षेप असल्यास या कार्यालयाच्या ई-मेल आयडी cp.thane@mahapolice.gov.in यावर किंवा पोलीस आयुक्त कार्यालय, ठाणे शहर येथे सादर केले जाऊ शकतात. आक्षेपांचा योग्य विचार केला जाईल आणि आवश्यक असल्यास योग्य फेरबदल केले जातील असे आयुक्त आशुतोष डुंबरे यांनी अधिसूचनेद्वारे जाहीर केले आहे.
मनोज सुमन शिवाजी सानप
जिल्हा माहिती अधिकारी
ठाणे
0000000
