🚩पाडव्याला गुढीबरोबरच फडकणार भगवा ध्वज 🚩

पुणे ः महाराष्ट्रातील घरांवर यंदा गुढीपाडव्याला गुढीबरोबरच भगवा ध्वजही फडकविण्यात येणार आहेत. प्राचीन संस्कार संवर्धन फोरमच्या वतीने घर, मंदिरे, दुकाने, सोसायटी आणि सार्वजनिक ठिकाणी भगवे ध्वज लावण्याची मोहीमच हाती घेण्यात आली आहे.

गुढीपाडवा हा हिंदू नववर्षाचा आरंभ आहे. त्यांमुळे तो गौरवशाली संस्कृतीचा अभिमान बाळगण्याचा क्षण आहे, असे मत फोरमचे संचालक संजय मुळांद्रे यांनी दिली. ते म्हणाले, “प्रत्येक हिंदू कुटुंबाने आपल्या घरावर भगवा ध्वज फडकत अस्मितेचा अभिमान व्यक्त करावा. यामुळे समाजात ऐक्याची भावना वाढीस लागेल व संस्कृतीचे संरक्षण होईल. यासाठी संपूर्ण राज्यभरात अभियान राबविण्यात येत आहे.” संस्थेचे सचिव मनोहर ओक यांनी यासंबंधी प्रसिद्धी पत्रक जारी केले आहे. ओक म्हणतात, “आपल्या घराच्या गच्चीवर, बाल्कनीत अथवा प्रवेशद्वारावर भगवा ध्वज लावावा, गुढीपाडव्याच्या दिवशी भगव्या ध्वजासह शोभायात्रा व जनजागृती मोहिम राबवावी. संघटितपणे भगव्या ध्वजाचे पूजन करून नववर्ष साजरे करावे. तसेच अभिमानाने सोशल मिडियावर बॅनर व पत्रकांचा वापर करावा, असे आवाहन आम्ही नागरिकांना केले आहे.” फोरमच्या वतीने ओंकार असलेले ध्वज उपलब्ध करून देण्यात आली आहे. त्यासाठी पुण्यातील सदाशिव पेठेतील ओक वाडा येथे संपर्क करावा असे आवहन फोरमचे पदाधिकारी महेंद्र देवी यांनी केले आहे.

संपर्क – 9579878139

—-