भारतातील दुसरी सर्वात जुनी मालमत्ता व्यवस्थापन कंपनी (“एएमसी”) कॅनरा रोबेको अॅसेट मॅनेजमेंट कंपनी लिमिटेडने (स्रोत: क्रिसिल रिपोर्ट) सेबीकडे इनिशियल पब्लिक ऑफरिंगसाठी (आयपीओ) ड्राफ्ट रेड हेरिंग प्रॉस्पेक्टस (डीआरएचपी) सादर केला आहे.
कॅनरा बँक आणि ओआरआयएक्स कॉर्पोरेशन युरोप एन.व्ही हे कंपनीचे प्रवर्तक आहेत.
या ऑफरमध्ये प्रत्येकी ₹10 दर्शनी मूल्याच्या 49,854,357 इक्विटी शेअर्सची ऑफर फॉर सेल (“ऑफर फॉर सेल”) समाविष्ट आहे, ज्यामध्ये कॅनरा बँकेचे 25,924,266 इक्विटी शेअर्स आणि ओरिक्स कॉर्पोरेशन युरोप एन.व्ही. (“प्रमोटर सेलिंग शेअरहोल्डर्स”) यांच्या 23,930,091 इक्विटी शेअर्सचा समावेश आहे.
कॅनरा रोबेको अॅसेट मॅनेजमेंट कंपनी लिमिटेडच्या मूलभूत कार्यक्षेत्रात म्युच्युअल फंडांचे व्यवस्थापन आणि भारतीय इक्विटीजवर गुंतवणूक सल्ला देणे याचा समावेश होतो. 31 डिसेंबर 2024 पर्यंत, 12 इक्विटी योजनांसह 25 योजनांचे व्यवस्थापन करते, यात 10 कर्ज योजना आणि तीन हायब्रिड योजनांचा समावेश आहे. यांची तिमाहीतील सरासरी AUM 31 डिसेंबर 2024 पर्यंत ₹1,083.66 अब्ज आहे. कंपनीकडे एक मल्टी-चॅनेल विक्री आणि वितरण नेटवर्क आहे जे ग्राहकांना उत्पादने आणि सेवा देते. यात थर्ड पार्टी वितरक, तसेच नेटवर्कच्या शाखा आणि डिजिटल प्लॅटफॉर्मद्वारे केलेल्या विक्रीचा समावेश होतो.
31 मार्च 2022 ते 31 मार्च 2024 दरम्यान कंपनीने 34.75% CAGR एवढी वाढ नोंदवली आहे, तर उद्योगातील वाढ 18.8% होती (स्रोत: CRISIL अहवाल). या अहवालानुसार, इक्विटी (इक्विटी-ओरिएंटेड हायब्रिडसह) AUM मध्ये कंपनीचा तिसरा सर्वाधिक वाटा होता आणि 31 डिसेंबर 2024 पर्यंत भारतातील सर्वोच्च 10 AMC च्या तुलनेत, इक्विटी-ओरिएंटेड AUM मध्ये कंपनीचा सर्वाधिक वाटा होता.
बीएसई लिमिटेड (“बीएसई”) आणि नॅशनल स्टॉक एक्सचेंज ऑफ इंडिया लिमिटेड (“एनएसई”) आणि बीएसईसह एकत्रितरित्या “स्टॉक एक्स्चेंज”) या स्टॉक एक्स्चेंजवर इक्विटी शेअर्स सूचीबद्ध करण्याचा प्रस्ताव आहे.
एसबीआय कॅपिटल मार्केट्स लिमिटेड, अॅक्सिस कॅपिटल लिमिटेड आणि जेएम फायनान्शियल लिमिटेड हे या इश्यूचे बुक रनिंग लीड मॅनेजर आहेत.
डीआरएचपी सादर केले
डीआरएचपी लिंक: https://nsearchives.nseindia.com/corporate/Registration_25042025154732_CanaraRobecoAssetManagementCompanyLimitedDRHP.pdf
