सुहाना वेअरहाऊस, यवत यांना IGBC नेट झिरो एनर्जी प्रमाणपत्र पुण्याच्या IGBC ग्रीन समिटमध्ये प्रदान

३० मे २०२५, पुणे: सुहाना वेअरहाऊस, यवत, पुणे यांनी आज इंडियन ग्रीन बिल्डिंग कौन्सिल (IGBC) तर्फे आयोजित IGBC ग्रीन समिट आणि अभिनंदन २०२५ या कार्यक्रमात प्रतिष्ठित नेट झिरो एनर्जी प्रमाणपत्र प्राप्त केले आहे. IGBC पुणे कडून या उपलब्धीला मान्यता मिळाली आहे.
या कार्यक्रमात मुख्य अतिथी पंकजा मुंडे, महाराष्ट्राच्या पर्यावरण, वन आणि हवामान बदल मंत्री, यांच्या हस्ते सुहाना मसालाचे तंत्रज्ञान व नावीन्यता संचालक आणि द इको फॅक्टरी फाउंडेशन (TEFF) चे संस्थापक आनंद चोरडिया यांना प्रमाणपत्र प्रदान करण्यात आले, आयजीबीसी पुणे चॅप्टरच्या अध्यक्षा डॉ. पूर्वा केसकर, आयजीबीसी पुणे चॅप्टरचे सह-अध्यक्ष हृषीकेश मांजरेकर आणि आयजीबीसीच्या इतर समिती सदस्यांच्या उपस्थितीत.
CII-IGBC पुणे चॅप्टरद्वारे आयोजित हा सोहळा हयात पुणे येथे झाला, ज्याला अनेक प्रतिष्ठित व्यक्ती उपस्थित होत्या.
आनंद चोरडिया यांनी संकल्पित आणि डिझाइन केलेला हा प्रकल्प देशातील वेअरहाऊस आणि औद्योगिक श्रेणीमध्ये प्रथम क्रमांकावर आहे. हे प्रमाणपत्र पर्यावरणीय शाश्वतता, ऊर्जा कार्यक्षमता आणि समुदायाच्या सर्वांगीण हितासाठी सुहाना मसाला संघाच्या कटिबद्धतेचे प्रतीक आहे. ही उपलब्धी सुहाना मसालाच्या उच्च दर्जा, उत्कृष्ट डिझाइन आणि पर्यावरण-स्नेही जागा निर्माण करण्याच्या समर्पणाचा पुरावा आहे.
“सुहाना वेअरहाऊस Reduce (कमी करा), Regenerate (पुनर्निर्मिती करा), Renew (नूतनीकरण करा) आणि Repurpose (पुन्हा वापर करा) या तत्त्वांचे पालन करते आणि पूर्णतः नूतनीकरणीय ऊर्जा स्त्रोतांवर आधारित आहे, इमारत आणि प्रक्रियांसाठी १००% सौर ऊर्जेवर चालते,” असे आनंद चोरडिया यांनी अभिमानाने सांगितले.
प्रमाणपत्र मिळाल्याबद्दल आनंद चोरडिया यांनी कृतज्ञता व्यक्त करताना म्हटले, “IGBC कडून नेट झिरो एनर्जी प्रमाणपत्र मिळणे ही आमच्या शाश्वततेच्या वचनबद्धतेची ओळख आहे. आमचे आताचे आणि भविष्यातील सर्व प्रकल्प जबाबदार आणि पर्यावरणाबाबत सजग विकासाचे उदाहरण ठरतील, ज्यातून नावीन्यता आणि पर्यावरणीय जागृती एकत्रितपणे विकसित होऊ शकते हे दर्शविले जाईल.”
उद्योगांनी अशा प्रकारचे प्रयत्न केले तर भारत नेट झिरो देश होण्याचे पंतप्रधान नरेंद्र मोदीजी यांचे स्वप्न लवकरच पूर्ण होईल, तसेच देशाचा कार्बन फूटप्रिंट देखील कमी होईल.