पुणे, दि. 23 : एकात्मिक फलोत्पादन विकास अभियानांतर्गत सन 2025-26 अंतर्गत अनुसूचित जाती व जमाती प्रवर्गातील लाभार्थ्यांकरिता राबविण्यात येत असलेल्या विशेष मोहिमेचा अधिकाधिक लाभार्थ्यांनी लाभ घ्यावा, असे आवाहन कृषी विभागाच्यावतीने करण्यात येत आहे.
या अभियानांतर्गत विविध कृषी योजनांचा लाभ घेण्यासाठी महाडीबीटी पोर्टलवर https://mahadbt.maharashtra.gov.in/Farmer/AgriLogin/AgriLogin संकेतस्थळावर ऑनलाईन अर्ज करावा, ‘प्रथम अर्ज, प्रथम लाभ’ या तत्त्वावर लाभार्थ्यांची निवड करण्यात येणार आहे. अर्ज करताना शेतकरी ओळखपत्र (फार्मर आयडी) असणे आवश्यक आहे.
कृषी विभागाच्या मसाला पिके, जुन्या फळबागांचे पुनरुज्जीवन, सामूहिक शेततळे, शेततळे अस्तरीकरण, शेडनेट हाऊस, पॉलिहाऊस, प्लास्टिक मल्चिंग, पॅक हाऊस, कांदाचाळ, यांत्रिकीकरण, मशरूम उत्पादन आणि काढणी पश्चात व्यवस्थापन या घटकांसाठी अर्ज करावेत, असे आवाहन जिल्हा अधीक्षक कृषी अधिकारी संजय काचोळे यांनी केले आहे.
0000
