मुंबई, ऑगस्ट 29, 2025: शिक्षणावर केंद्रित अग्रगण्य नॉन-बँकिंग फायनान्शिअल कंपनी (NBFC) अवान्स फायनान्शिअल सर्व्हिसेस ने भारतातील प्रमुख जीवन विमा कंपनींपैकी एक एचडीएफसी लाइफ सोबत भागीदारी जाहीर केली आहे. या भागीदारीद्वारे अवान्सच्या एज्युकेशनल इंस्टिट्यूशन लोन (EIL) ग्राहकांना एचडीएफसी लाइफच्या रिटेल व गट क्रेडिट लाइफ इन्शुरन्स योजनांद्वारे संरक्षण मिळेल.
अवान्सचे ध्येय प्रत्येक पात्र भारतीय विद्यार्थ्यासाठी शिक्षण वित्तपुरवठा सोपा व परवडणारा करणे आहे. त्यांची एज्युकेशनल इंस्टिट्यूशन लोन उत्पादने भारतातील शाळा व महाविद्यालयांची वृद्धी व कार्यकारी भांडवलाच्या गरजा पूर्ण करण्यासाठी तयार केली आहेत. या कर्जांमुळे संस्थांना पायाभूत सुविधा उभारणी, दैनंदिन खर्च, विस्तार प्रकल्प आणि इतर विकास उपक्रमांसाठी निधी मिळतो. संस्थांना अधिक सक्षम बनवून आणि चांगला शिक्षण अनुभव देण्यासाठी मदत करून अवान्स भारतातील शिक्षणाची गुणवत्ता आणि उपलब्धता सुधारण्यात महत्त्वाची भूमिका बजावतो.
ग्राहक-प्रथम दृष्टिकोन असलेल्या अवान्स फायनान्शिअल सर्व्हिसेसचे प्रयत्न आणि एचडीएफसी लाइफचे विविध उत्पादने, दर्जेदार सेवा, प्रगत तंत्रज्ञानावर आधारित प्लॅटफॉर्म आणि उच्च दावा सेटलमेंट प्रमाण — हे एकत्रितपणे ग्राहकांसाठी प्रभावी समाधान देतात. ही भागीदारी व्यक्ती व संस्था यांना अनपेक्षित आर्थिक अडचणींपासून सुरक्षित ठेवण्याचे आणि जीवन विमा त्यांच्या आर्थिक पायाभूत रचनेचा महत्त्वाचा भाग बनवण्याचे उद्दिष्ट ठेवते, ज्यामुळे ते आत्मविश्वासाने मोठी स्वप्ने पाहू शकतील.
भागीदारीबाबत प्रतिक्रिया देताना, अवान्स फायनान्शिअल सर्व्हिसेसचे व्यवस्थापकीय संचालक व सीईओ अमित गैंदा म्हणाले “अवान्स फायनान्शिअल सर्व्हिसेसमध्ये आम्ही प्रत्येक विद्यार्थ्यासाठी शिक्षण कर्ज सुलभ व परवडणारे करण्याचा आणि भारताच्या शिक्षण व्यवस्थेची वाढ वेगवान करण्याचा प्रयत्न करत आहे. एचडीएफसी लाइफसोबतची आमची भागीदारी आमच्या ग्राहक-प्रथम दृष्टिकोनाशी सुसंगत आहे आणि आमच्या एज्युकेशनल इंस्टिट्यूशन लोन ग्राहकांसाठी अधिक मजबूत आर्थिक सुरक्षा देईल. आमच्या उत्पादनांमध्ये संपूर्ण संरक्षण उपाय जोडून आम्ही संस्थांना जागतिक दर्जाचे शिक्षण देण्यावर लक्ष केंद्रित करण्यास मदत करू इच्छितो, तर त्यांच्या आर्थिक स्थैर्य आणि दीर्घकालीन टिकावाची जबाबदारी आम्ही घेऊ.”
भागीदारीबद्दल बोलताना, एचडीएफसी लाइफच्या व्यवस्थापकीय संचालिका व मुख्य कार्यकारी अधिकारी विभा पडालकर म्हणाल्या “एचडीएफसी लाइफमध्ये आमचा एकमेव लक्षआहे – आमच्या ग्राहकांची आर्थिक सुरक्षितता. हाच उद्देश डोळ्यासमोर ठेवून आम्ही मजबूत व दीर्घकालीन भागीदाऱ्या निर्माण करण्याचा प्रयत्न करतो. अवान्स फायनान्शियल सर्व्हिसेससोबतची आमची भागीदारी सर्वांसाठी आर्थिक संरक्षणाच्या आमच्या ध्येयाला अधिक गती देईल याचा आम्हाला आनंद आहे, कारण यामुळे देशभरातील विद्यार्थ्यांच्या भविष्याच्या घडणीत महत्त्वाची भूमिका बजावणाऱ्या शैक्षणिक संस्थांना आर्थिक सुरक्षा कवच उपलब्ध होईल. आम्हाला विश्वास आहे की कर्जवाटप क्षेत्रातील त्यांचे कौशल्य आणि संपूर्ण भारतभरातील त्यांची मजबूत उपस्थिती आमचा पोहोच अधिक मजबूत करेल, ज्यामुळे आम्हाला त्यांच्याकडील ग्राहकांपर्यंत जीवन विमा पोहोचवता येईल.”
शैक्षणिक क्षेत्रावर लक्ष केंद्रित केलेली संस्था म्हणून, अवान्स संपूर्ण शैक्षणिक क्षेत्रात स्वप्नांना बळ देते – भारतात आणि परदेशात उच्च पदवी घेऊ इच्छिणाऱ्या विद्यार्थ्यांपासून ते आपली शैक्षणिक सेवा वाढवून आधुनिक करण्याचा प्रयत्न करणाऱ्या संस्थांपर्यंत. 31 मार्च, 2025 पर्यंत, अवान्सने सुमारे ~2,000 शैक्षणिक संस्थांना निधी पुरवून पायाभूत सुविधा मजबूत केल्या आहेत आणि अधिक चांगले शिक्षण वातावरण निर्माण केले आहे, जे मोठ्या प्रमाणात गुणवत्तापूर्ण शिक्षणाला पाठिंबा देतात.
