पुढील 3 ते 5 वर्षांतील अॅमवे इंडियाच्या प्रगती आणि परिवर्तनासाठी रु. 100 कोटी (अंदाजे USD 12 दशलक्ष*) गुंतवणुकीची घोषणा
स्थानिक उत्पादनाच्या दशकपूर्तीचा टप्पा गाठत, अॅमवे इंडियाच्या नवोन्मेष आणि सर्वसमावेशक प्रगतीच्या पुढील पर्वाची सुरुवात – विकसित भारत 2047 च्या दृष्टीकोनाशी सुसंगत
ही गुंतवणूक अॅमवे व्यवसायमालक/वितरकांची क्षमता वाढवणे, ग्राहकांचा अनुभव अधिक समृद्ध करणे आणि संपूर्ण भारतात कंपनीची भौतिक उपस्थिती विस्तारण्यासाठी उद्दिष्टित आहे.
नवी दिल्ली, 29 ऑक्टोबर 2025: अॅमवेचे अध्यक्ष आणि मुख्य कार्यकारी अधिकारी मायकेल नेल्सन यांनी यंदा भारताचा दौरा करून देशातील कंपनीच्या उत्पादन प्रवासाच्या 10 वर्षांच्या यशस्वी टप्प्याचे स्मरण केले — हा एक महत्त्वपूर्ण मैलाचा दगड असून अॅमवेच्या जागतिक कार्यप्रणालीमध्ये भारताचे धोरणात्मक महत्त्व अधोरेखित करतो. अमेरिका आणि चीनसह भारत हा अॅमवेच्या केवळ तीन जागतिक उत्पादन केंद्रांपैकी एक आहे. या मजबूत पायावर आधारित, कंपनी पुढील तीन ते पाच वर्षांत रु. 100 कोटी (अंदाजे USD 12 दशलक्ष*) गुंतवणूक करून अॅमवे व्यवसायमालक/वितरकांची क्षमता वृद्धिंगत करणे, आपली भौतिक उपस्थिती बळकट व विस्तारित करणे आणि ग्राहकांचा अनुभव अधिक उंचावणे यावर भर देणार आहे.
अध्यक्ष आणि मुख्य कार्यकारी अधिकारी पद स्वीकारल्यानंतर नेल्सन यांचा हा भारताचा पहिलाच दौरा असून, तो अॅमवेच्या जागतिक वाढ धोरणात भारताच्या निर्णायक भूमिकेला अधोरेखित करतो तसेच या प्रदेशातील सर्वसमावेशक आणि शाश्वत प्रगतीसाठी कंपनीच्या दीर्घकालीन बांधिलकीची पुन्हा पुष्टी करतो.
“भारत अॅमवेच्या जागतिक दृष्टीच्या केंद्रस्थानी आहे,” असे अॅमवेचे अध्यक्ष आणि मुख्य कार्यकारी अधिकारी मि. मायकेल नेल्सन यांनी सांगितले. “डिजिटलदृष्ट्या सक्षम लोकसंख्या, गतिशील आणि तरुण कामगारवर्ग तसेच वेगाने वाढणारी ‘गिग इकॉनॉमी’ यांच्या बळावर भारत हा प्रचंड क्षमतेचा देश आहे. अॅमवेसाठी भारत हा परिवर्तनाच्या उंबरठ्यावर उभा आहे आणि या बदलाला गती देण्यासाठी आम्ही सातत्याने महत्त्वपूर्ण गुंतवणुकी करत आहोत. आमच्या प्रमुख प्राधान्यक्रमांमध्ये आमच्या मूल्ये आणि संस्कृती अधिक मजबूत करणे, ग्राहकांच्या बदलत्या गरजांना अनुरूप अशी उत्पादन नवकल्पना गतीमान करणे आणि शिक्षण व प्रशिक्षणाद्वारे वितरक भागीदारी अधिक दृढ करणे यांचा समावेश आहे. भारताच्या झपाट्याने वाढणाऱ्या अर्थव्यवस्थेमुळे आणि सर्वांगिण आरोग्यदृष्टीवर वाढत्या भरामुळे, तो अॅमवेच्या जागतिक वाढीचा एक प्रमुख प्रेरक घटक ठरणार आहे. देशाची ऊर्जा, विविधता, उत्साह आणि उद्योजक वृत्ती ही अॅमवेच्या ‘आर्थिक सक्षमीकरण आणि आरोग्यद्वारे लोकांचे जीवन अधिक चांगले बनवणे’ या ध्येयाशी पूर्णपणे सुसंगत आहे. स्थानिक उत्पादनाच्या दशकपूर्तीचा आनंद साजरा करताना, आम्हाला आमच्या साध्यांबद्दल अभिमान आहे आणि पुढे असलेल्या असामान्य संधींबद्दल अधिक प्रेरणा मिळत आहे.”
रु. 100 कोटींची ही गुंतवणूक कंपनीची भौतिक उपस्थिती वाढवून आणि विद्यमान स्टोअर्सचे रूपांतर नव्याने डिझाइन केलेल्या लेआउट्स, विशेष प्रशिक्षण विभाग आणि उन्नत सेवा अनुभवांसह संवाद-केंद्रित गतिशील केंद्रांमध्ये करून वितरक आणि ग्राहकांचा अनुभव अधिक उंचावण्यासाठी करण्यात येत आहे. तसेच ही गुंतवणूक उत्पादन ज्ञान, गुणवत्ता हमी मानके आणि प्रमाणन यांवरील संरचित प्रशिक्षण कार्यक्रमांद्वारे वितरकांना सक्षम बनविण्यावर केंद्रित राहील, ज्यामुळे ग्राहकांशी संवाद अधिक दृढ होईल आणि उद्योजकीय यशाला चालना मिळेल.
अॅमवे इंडियाचे व्यवस्थापकीय संचालक श्री. राजनीश चोपड़ा यांनी सांगितले, “जसजसा भारत विकसित भारत 2047 च्या दृष्टीने वाटचाल करत आहे, तसतसा स्थानिक उपस्थिती मजबूत करून आणि लोकांमध्ये व नवकल्पनांमध्ये गुंतवणूक करून या परिवर्तनकारी प्रवासात योगदान देताना आम्हाला अभिमान वाटतो. आमच्या मूल्ये आणि संस्थापकांच्या मूलभूत तत्त्वांनी मार्गदर्शित होऊन, भारतासाठी आमची बांधिलकी फक्त व्यवसायापुरती मर्यादित नाही, ती उद्योजकता प्रोत्साहित करण्याबाबत, ग्राहकांचा विश्वास वाढविण्याबाबत आणि सर्वांगिण आरोग्यास समर्थन देणाऱ्या विज्ञानाधारित उत्पादन नवकल्पना पुढे नेण्याबाबत आहे. या प्रयत्नांद्वारे, आम्ही राष्ट्राच्या प्रगती, स्वावलंबन आणि आरोग्यदृष्ट्या अधिक सक्षम भारत या दृष्टीकोनाशी निकट
तेने सुसंगत राहण्याचा
