• निसान मोटर इंडियाने निसान सनी, निसान किक्स आणि निसान मायक्रा यांच्या यशाच्या पायावर न्यू निसान मॅग्नाइटकडून प्रेरित १.२ दशलक्ष कारची एकत्रित निर्यात साध्य केली.
• १२ लाखावी कार मेड इन इंडिया, मेड फॉर द वर्ल्ड न्यू निसान मॅग्नाइट असून ती जीसीसी प्रदेशात निर्यात केली गेली.
गुरूग्राम, ३० ऑक्टोबर २०२५: निसान मोटर इंडियाने भारतातून त्यांच्या १२ लाख गाड्यांच्या निर्यातीसह आपल्या निर्यातीतील एक महत्त्वाचा टप्पा गाठला. ही कामगिरी निसानच्या ‘मेक इन इंडिया, मेक फॉर द वर्ल्ड’ तत्वज्ञानाप्रती असलेली दृढ वचनबद्धता आणि अमिओ प्रदेशात कंपनीसाठी धोरणात्मक निर्यात केंद्र म्हणून भारताची महत्त्वाची भूमिका नव्याने अधोरेखित करते. जीसीसी प्रदेशासाठी ठरलेली १.२ दशलक्षावी गाडी न्यू निसान मॅग्नाइट बी-एसयूव्ही असून तिला निसान मोटर इंडियाचे व्यवस्थापकीय संचालक श्री. सौरभ वत्स यांनी तामिळनाडूतील एन्नोर येथील कामराजर बंदर येथे हिरवा झेंडा दाखवला.
निर्यात सुरू झाल्यापासून निसान मोटर इंडियाने आफ्रिका, मध्य पूर्व, लॅटिन अमेरिका आणि आग्नेय आशियातील जागतिक बाजारपेठांमध्ये निसान मॅग्नाइट, निसान सनी, निसान किक्स आणि निसान मायक्रासह विविध मॉडेल्सची निर्यात केली आहे. न्यू निसान मॅग्नाइटच्या आगमनाने ६५ देशांमध्ये एलएचडी आणि आरएचडी दोन्ही प्रकारच्या वाहनांत निसान मोटर इंडियाच्या निर्यात धोरणाचा ठसा उमटला.
या प्रसंगी बोलताना निसान मोटर इंडियाचे व्यवस्थापकीय संचालक श्री. सौरभ वत्स म्हणाले: “भारतातून १.२ दशलक्ष निसान वाहने निर्यात करण्याचा आणखी एक ऐतिहासिक टप्पा साजरा करताना आम्हाला अभिमान वाटतो. ही कामगिरी आमच्या टीमच्या सामूहिक कष्टांचे आणि जगभरातील ग्राहकांच्या आमच्या मेड-इन-इंडिया कारवरील विश्वासाचे प्रतिबिंब आहे. निसान मॅग्नाइट ही एक जागतिक यशोगाथा आहे. आम्ही त्यात डिझाइन, गुणवत्ता आणि नाविन्यपूर्णतेवर लक्ष केंद्रित केले आहे.”
न्यू निसान मॅग्नाइटला सर्वात सुरक्षित बी-एसयूव्ही म्हणून मान्यता मिळाली आहे. प्रौढ प्रवाशांच्या संरक्षणासाठी प्रतिष्ठित ५-स्टार ग्लोबल एनसीएपी रेटिंग आणि बाल प्रवाशांच्या संरक्षणासाठी ३ स्टार मिळाले आहेत. तिच्या धाडसी डिझाइनसह, २० हून अधिक प्रथम आणि सर्वोत्तम श्रेणीतील वैशिष्ट्ये आणि ५५+ सुरक्षा वैशिष्ट्यांसह मॅग्नाइट कॉम्पॅक्ट एसयूव्ही विभागात मानक स्थापित करत आहे.
भारतात उत्पादित न्यू निसान मॅग्नाइट निसानच्या ‘एक कार, एक जग’ धोरणाचे प्रतीक आहे आणि आता उजव्या हाताने आणि डाव्या हाताने चालविणाऱ्या दोन्ही बाजारपेठांमध्ये ६५ हून अधिक देशांमध्ये विकली जाते आणि ती जागतिक स्तरावर भारताच्या उत्पादन उत्कृष्टतेचे प्रदर्शन करते. कंपनी आपल्या नवीन जागतिक सी-एसयूव्ही, निसान टेक्टनच्या आगामी लाँचसाठी देखील सज्ज आहे. ही गाडी पुढील वर्षी भारतात सादर केली जाईल आणि निवडक आंतरराष्ट्रीय बाजारपेठांमध्ये निर्यात केली जाईल.
