• भारतातील सर्वात मोठी इंधन रिटेल साइट, जे इंधन, सीएनजी, ईव्ही चार्जिंग आणि कॅफे अनुभव एकत्र आणते
• 28 चार्जिंग पॉइंट्सवर 360 किलोवॅट पर्यंत विजेचा पुरवठा करणारे सुपरफास्ट डीसी चार्जर्ससह सुसज्ज
• ग्राहकांना सोयीस्कर आणि शाश्वत प्रवासाचा नवा अर्थ देणारे फ्लॅगशिप रिटेल आउटलेट
जिओ-बीपीने आज देवणहळ्ळी, बेंगळुरू येथे 28 ईव्ही चार्जिंग पॉइंट्ससह रिटेल आउटलेटमध्ये भारतातील आपल्या प्रकारचे पहिले आणि सर्वात मोठे एकात्मिक मोबिलिटी हब सुरू केल्याची घोषणा केली. हे देशाच्या स्वच्छ आणि स्मार्ट मोबिलिटीच्या दिशेने एक महत्त्वपूर्ण टप्पा आहे.
देवणहळ्ळी येथील हे आउटलेट मल्टी-फ्युएल रिटेल साइट आहे ज्यामध्ये पेट्रोल, डिझेल, सीएनजी आणि वाइल्डबीन कॅफेचा समावेश आहे. आता यामध्ये अत्याधुनिक ईव्ही चार्जिंग हब जोडण्यात आला आहे, ज्यात 28 सुपरफास्ट डीसी चार्जर्स आहेत जे 360 किलोवॅटपर्यंत ऊर्जा पुरवतात. हे फ्लॅगशिप डेस्टिनेशन एकाच छताखाली इंधन, सीएनजी, ईव्ही, रिटेल आणि कॅफेचा अनुभव एकत्र आणते, ज्यामुळे ग्राहक आणि प्रवाशांसाठी सोयीची नवी व्याख्या होते.
लाँचबद्दल बोलताना, जिओ-बीपीचे चेअरमन सार्थक बेहुरिया म्हणाले, “देवणहळ्ळी मोबिलिटी स्टेशन हे भारतातील एकात्मिक मोबिलिटीच्या भविष्यासाठी आमच्या दृष्टीकोनाचे प्रतीक आहे. आमच्या विद्यमान रिटेल इकोसिस्टममध्ये प्रगत ईव्ही चार्जिंग तंत्रज्ञान समाविष्ट करून आम्ही ग्राहकांसाठी अधिक प्रवेशयोग्यता आणि सोय निर्माण करत आहोत, तसेच भारताच्या कमी-कार्बन वाहतुकीच्या दिशेने परिवर्तनाला पाठिंबा देत आहोत. केम्पेगौडा आंतरराष्ट्रीय विमानतळाजवळ स्थित हे हब बेंगळुरू आणि परिसरातील ईव्ही मालक आणि फ्लीटसाठी जलद चार्जिंग, विश्रांती आणि आत्मविश्वासाने प्रवास सुरू ठेवण्याची सोय उपलब्ध करून देते.”
केम्पेगौडा आंतरराष्ट्रीय विमानतळाजवळ रणनीतीपूर्वक स्थित हे स्टेशन खाजगी तसेच व्यावसायिक ईव्ही वापरकर्त्यांना जलद आणि कार्यक्षम चार्जिंगची सुविधा देते. तसेच इंधन भरणे, खरेदी आणि वाइल्डबीन कॅफेसारख्या सोयींमुळे आरामदायक अनुभव सुनिश्चित करते. ग्राहक त्यांच्या वाहनांचे चार्जिंग चालू असताना कॉफी घेऊन आराम करू शकतात, आवश्यक खरेदी करू शकतात किंवा थोडा ब्रेक घेऊ शकतात — ज्यामुळे इंधन भरण्याचा वेळ आता विश्रांतीचा क्षण बनतो.
फ्युचर-रेडी इंफ्रास्ट्रक्चरसह डिझाइन केलेले हे हब विविध प्रकारच्या ईव्ही मॉडेल्सना सपोर्ट करते आणि भारतातील झपाट्याने वाढणाऱ्या ईव्ही वापराला सामोरे जाण्यासाठी स्केलेबल आहे.
मुख्य वैशिष्ट्ये
एकात्मिक इंधन, सीएनजी, ईव्ही, रिटेल आणि कॅफे अनुभव
360 किलोवॅटपर्यंत ऊर्जा देणारे 28 सुपरफास्ट चार्ज पॉइंट्स
वैयक्तिक आणि फ्लीट ईव्हींसाठी फ्युचर-रेडी डिझाइन
जिओ-बीपी इकोसिस्टममध्ये रिडीम करता येणाऱ्या लॉयल्टी रिवॉर्ड्सद्वारे ग्राहक आनंद
ही क्रांतिकारी पुढाकार जिओ-बीपीच्या शाश्वत आणि समावेशक मोबिलिटीतील नेतृत्वाला आणखी बळकट करते. वेग, विश्वासार्हता आणि ग्राहक सोयीचा संगम साधून देवणहळ्ळी हब ग्राहकांच्या ‘रेंज अँझायटी’चा अंत करते आणि त्यांना आत्मविश्वासाने इलेक्ट्रिक मोबिलिटी स्वीकारण्यास सक्षम करते. ही सुविधा नवकल्पना, शाश्वतता आणि ग्राहककेंद्रित डिझाइनबद्दल जिओ-बीपीच्या बांधिलकीला अधिक मजबूत करते आणि भारताच्या प्रवासाला आणि उर्जेच्या वापराला नवीन दिशा देते.
प्रमुख शहरांमधील 32 ऑपरेशनल हबसह अंदाजे 1000 ठिकाणी सुमारे 7000 चार्जिंग पॉइंट्ससह, जिओ-बीपी जलद आणि सहज उपलब्ध चार्जिंग देशभरात पुरवण्यासाठी आपले जाळे वेगाने विस्तारत आहे. 480 किलोवॅटपर्यंतचे अल्ट्रा-फास्ट चार्जर्स आणि 96% पेक्षा जास्त उद्योग-अग्रणी अपटाइम राखून, ही ठिकाणे फक्त कार्यक्षमतेपुरती मर्यादित नसून कॅफे आणि विश्रांती क्षेत्रांसारख्या प्रीमियम सोयींनी ग्राहकांचा एकू
ण अनुभव समृद्ध करतात.
