दिल्ली, १६ डिसेंबर २०२५: जयपूर म्युझिक स्टेज (जेएमएस) या उपक्रमाचे आयोजन १५ ते १७ जानेवारी २०२६ दरम्यान प्रतिष्ठित जयपूर लिटरेचर फेस्टिव्हलच्या जोडीने पुन्हा एकदा केले जाणार आहे. या महोत्सवात भारतातील प्रसिद्ध समकालीन संगीतकार, भारतीयांच्या आवडत्या आणि शक्तिशाली विविध शैलीतील कलाकारांचा समावेश असेल. हॉटेल क्लार्क्स आमेर येथे आयोजित होणारा हा महोत्सव भारतातील सर्वात लोकप्रिय संगीत उत्सवांपैकी एक आहे. त्यात विविध प्रकारचे संगीत, सहयोग आणि अविस्मरणीय लाइव्ह परफॉर्मन्स एकत्र आणले जातील. ते भारतीय समकालीन संगीताच्या विकसित होत असलेल्या व्याप्तीचे प्रतिबिंबित करतात.
जयपूर म्युझिक स्टेज १५ जानेवारी रोजी सौमिक दत्ता | ट्रॅव्हलर्ससह सुरू होईल. हा आंतरराष्ट्रीय स्तरावर प्रशंसित सरोद वादक आणि २०२५ च्या ईस्टर्न आय अॅक्टा पुरस्काराचे विजेत्यांचे एक सुरेल आणि सुंदर सादरीककरण आहे. सरोदच्या भावनिक आवाजाचे वातावरणीय पोत, प्रत्यक्ष रेकॉर्डिंग, शब्द आणि सुंदर साउंड डिझाइन यांचे मिश्रण केलेला हा ट्रॅव्हलर्स दत्ता यांच्या सात महिन्यांच्या मेलोडीज इन स्लो मोशन टूरचा भाग आहे. त्याचबरोबर वासू दीक्षित कलेक्टिव्हदेखील सादर केले जाईल. ते त्यांच्या ऊर्जेने परिपूर्ण इलेक्ट्रॉनिक-लोकगीतांसाठी ओळखले जाते आणि कन्नड व हिंदी परंपरेत रुजलेले आहे. ख्यातनाम गायक-संगीतकार आणि चित्रपटनिर्माते वासू दीक्षित यांच्या नेतृत्वाखाली बसवण्णा आणि कबीर अशा संत-कवींच्या कार्यांचे समकालीन रचनांद्वारे पुनर्सादरीकरण करण्यासाठी हे सादरीकरण केले जाते.
जेएमएसमध्ये १६ जानेवारी रोजी एक शक्तिशाली संगीत सादर केले जाईल. त्यात स्वतंत्र संगीत क्षेत्रातील काही आकर्षक आवाजांचा समावेश असेल. लोक आणि जागतिक संगीताच्या प्रभावांनी भरलेल्या प्रगतीशील आणि सायकेडेलिक रॉकच्या आपल्या सिग्नेचर मिश्रणासह प्रशंसित रॉक बँड परवाझची मोठी चर्चा आहे. डिसेंबर २०२५ मध्ये प्रदर्शित झालेला त्यांचा नवीन स्टुडिओ अल्बम ना गुल ना गुलिस्तान जागतिक इंडी चार्टमध्ये अव्वल स्थानावर आहे. त्यामुळे देशातील सर्वात प्रभावशाली समकालीन बँडपैकी एक म्हणून त्यांचे स्थान पुन्हा सिद्ध झाले आहे. त्यांच्यासोबत गायक-गीतकार रमन नेगी आहेत. त्यांचे एकल काम भारतातील इंडी संगीताच्या रचनेला आकार देणारे ठरले. आता साधारण दशकांनंतर एक धाडसी कलात्मक पुनर्वितरण म्हणून ते उदयास आले आहे. सुंदर गीतरचना आणि विविध शैलींचा वापर करण्यासाठी ओळखले जाणारे नेगी यांचे प्रशंसित अल्बम शक्सियत (२०२२) आणि चलते पुर्झे (२०२४) देशभरातील प्रेक्षकांना भावतात आणि ते भारतातील सर्वात प्रभावशाली इंडी बँडपैकी एक असलेल्या द लोकल ट्रेनचे प्रमुख होते. यावेळी जयपूरचा लोक-फ्यूजन समूह युग्मच्या संगीत प्रतिभेचादेखील समावेश असेल. त्यांचे सामाजिकदृष्ट्या जागरूक कथाकथन, शक्तिशाली सूर आणि आधुनिक रचनांनी स्वतंत्र संगीत चळवळीत त्यांच्यासाठी एक वेगळे स्थान निर्माण केले आहे.
हा महोत्सव १७ जानेवारी २०२६ रोजी बहु-शैलीतील प्रसिद्ध कलाकार थाईक्कुडम ब्रिज यांच्या नेतृत्वाखाली एका चैतन्यदायी अंतिम फेरीने संपेल. आपली देखणी सादरीकरणे, आंतर शैलीय संगीत व्यवस्था आणि व्यापक जागतिक दौऱ्यासाठी ओळखल्या जाणाऱ्या १५ सदस्यांच्या या बँडने जगभरात एक हजाराहून अधिक कार्यक्रम सादर केले आहेत आणि तो भारतातील सर्वात जास्त मागणी असलेल्या लाईव्ह कलाकृतींपैकी एक आहे. त्यांच्यासोबत गौली भाई ही एक समकालीन लोकसंगीत-रॉक चौकडी आहे जी नेपाळी लोकसंगीत, ब्लूज, रॉक, हिप हॉप आणि आफ्रोबीट हे सर्व एका विशिष्ट, खास शैलीत एकत्र आणते. २०१७ मध्ये स्थापन झालेल्या या बँडने आपली मांडणी, गीतात्मक खोली आणि समुदायकेंद्री संगीत उपक्रमांसह एक मजबूत राष्ट्रीय आणि आंतरराष्ट्रीय चाहतावर्ग निर्माण केला आहे.
जयपूर म्युझिक स्टेजचे महोत्सव निर्माते अविक रॉय म्हणाले, “जयपूर म्युझिक स्टेजमध्ये भारतातील आघाडीच्या स्वतंत्र कलाकृतींचे प्रदर्शन करण्याचा प्रयत्न केला जातो आणि देशाच्या स्वतंत्र संगीत क्षेत्रातील वैविध्यपूर्णता आणि ताकद साजरी करतो. भारतातील आघाडीच्या साहित्य महोत्सवात देशभरातील अद्भुत कलाकार आणि संगीतकार सादर करताना आम्हाला प्रचंड आनंद होत आहे.”
मागील काही वर्षांत जयपूर म्युझिक स्टेज जयपूर साहित्य महोत्सवाचा एक महत्त्वाचा सांस्कृतिक आधारस्तंभ बनला आहे. तो प्रेक्षकांना भारताच्या समकालीन संगीत दृश्याची रुंदी आणि गतिमानता अनुभवण्यासाठी एक अपवादात्मक व्यासपीठ प्रदान करतो. २०२६ च्या महोत्सवात कलात्मक सहकार्याला चालना देऊन, स्वतंत्र आवाजांचे उत्सव साजरे करते. तसेच सर्जनशीलता आणि समाजाला एका चैतन्यशील, अविस्मरणीय वातावरणात एकत्र येण्यासाठी जागा निर्माण करून हा वारसा पुढे चालू ठेवते.
‘फ्रेंड ऑफ दि फेस्टिव्हल’ पॅकेजेस येथे बुक करता येतील: https://jaipurliteraturefestival.org/friendsofthefestival-registration
महोत्सवाबाबत अधिक माहितीसाठी कृपया येथे भेट द्या: https://jaipurliteraturefestival.org/
~~ ENDS ~~
प्रसारमाध्यमांसाठी माहिती
जयपूर लिटरेचर फेस्टिव्हलबाबत प्रसारमाध्यमांच्या चौकशीसाठी कृपया एडलमन इंडिया आणि टीमवर्क आर्ट्स यांच्याशी संपर्क साधावा: IndiaJLF@edelman.com आणि manas@teamworkarts.com; apeksha@teamworkarts.com
जयपूर लिटरेचर फेस्टिव्हलबाबत:
‘पृथ्वीवरील सर्वात महान साहित्यिक कार्यक्रम’ म्हणून वर्णन केला गेलेला जयपूर साहित्य महोत्सव ही कल्पनांची एक भव्य मेजवानी आहे. मागील १९ वर्षांत तो जागतिक साहित्यिक घटनेत रूपांतरित झाला असून त्यात सुमारे २००० वक्ते आमंत्रित केले गेले आहेत आणि भारत आणि जगभरातील दहा लाखांहून अधिक पुस्तकप्रेमींचे स्वागत केले आहे. जसजशी वर्षे जातात आणि महोत्सवाची व्याप्ती वाढते तशी आमची मुख्य मूल्ये अपरिवर्तित राहतात: आम्ही सर्वांना प्रवेश देणारे लोकशाही व्यासपीठ म्हणून काम करतो. दरवर्षी महोत्सव जगातील महान लेखक, विचारवंत, मानवतावादी, राजकारणी, व्यावसायिक नेते, क्रीडा क्षेत्रातील लोक आणि मनोरंजन करणाऱ्यांचे वैविध्यपूर्ण मिश्रण एकाच मंचावर एकत्र आणतो जेणेकरून अभिव्यक्ती स्वातंत्र्याचे समर्थन करता येईल आणि विचारशील वादविवाद आणि संवाद साधता येईल. लेखक आणि महोत्सव संचालक नमिता गोखले आणि विल्यम डॅलरिम्पल महोत्सव निर्मात्या टीमवर्क आर्ट्ससह, ऐतिहासिक आणि गतिमान राज्य राजधानी जयपूरमध्ये आयोजित पाच दिवसांच्या कार्यक्रमात भाग घेण्यासाठी वक्त्यांना आमंत्रित करतात.
नोबेल पारितोषिक विजेते जे.एम. कोएत्झी, ओरहान पामुक आणि मुहम्मद युनूस, मॅन बुकर पारितोषिक विजेते बेन ओकरी, मार्गारेट एटवुड आणि पॉल बिट्टी, साहित्य अकादमी विजेते गिरीश कर्नाड, गुलजार, जावेद अख्तर, एम.टी. वासुदेवन नायर तसेच दिवंगत महाश्वेता देवी आणि यु.आर. अनंतमूर्ती यांच्यासह अमिश त्रिपाठी, चिमामंडा न्गोझी आदिची आणि विक्रम सेठ असे साहित्यिक सुपरस्टार पूर्वी वक्ते म्हणून उपस्थित राहिले आहेत. साहित्याच्या पलीकडे जाणारा हा वार्षिक कार्यक्रम असून या महोत्सवात अमर्त्य सेन, अमिताभ बच्चन, दिवंगत ए.पी.जे. अब्दुल कलाम, परमपूज्य १४ वे दलाई लामा, ओप्रा विन्फ्रे, स्टीफन फ्राय, थॉमस पिकेटी आणि अफगाणिस्तानचे माजी राष्ट्रपती हमीद करझाई यांनाही आमंत्रित करण्यात आले आहे.
Website: www.jaipurliteraturefestival.org
जयपूर म्युझिक स्टेज
भारताच्या हृदयात रुजलेले आणि जगभरातील सादरीकरणांनी सजलेले जयपूर म्युझिक स्टेज २०२६ जगभरातील विविध कलाकारांना सादर करण्यासाठी सज्ज आहे. त्यात वैविध्यपूर्णता, उत्कृष्टता आणि सहकार्याचे मूर्त स्वरूप आहे. जयपूर लिटरेचर फेस्टिव्हलच्या समांतर चालणारे हे स्टेज साहित्य प्रेमींसाठी दिवसभराच्या उत्तेजक भाषणांनंतर केवळ एक मनोरंजन नाही तर प्रेक्षकांना ताज्या, रोमांचक आवाजांची ओळख करून देणारा गतिमान संगीताचा अनुभव सादर करते. कलाकारांमधील सहकार्य संगीताच्या आवश्यक भावनेला – निर्मिती स्वातंत्र्याला – सलाम करेल. जागतिक संगीत असो, गझल असो, जाझ, रॉक असो किंवा ब्लूज असो, जयपूर म्युझिक स्टेज २०२६ हा एक असा संगीत महोत्सव असेल जो विविधता, उत्कृष्टता आणि सहकार्याचे प्रतीक आहे. जयपूर साहित्य महोत्सवाच्या समांतर चालणारे हे स्टेज जगभरातील विविध कलाकारांच्या आकर्षक सादरीकरणाच्या चित्तथरारक संध्या सादर करेल.
टीमवर्क आर्ट्सबाबत:
टीमवर्क आर्ट्स ही एक बहुविध निर्मिती कंपनी आहे. तिची मुळे कला, सामाजिक कृती आणि कॉर्पोरेट जगात रुजलेली आहेत. टीमवर्क आर्ट्सने ३० वर्षांहून अधिक काळ भारतीय कला जगासमोर तर जागतिक कला भारतात आणली आहे. तसेच भारत आणि परदेशातील ज्ञान आणि कला क्षेत्रातील सर्वोत्तम भारतीय कलाकार, लेखक, बदल घडवणारे आणि दृश्य कलाकार सादर केले आहेत. दरवर्षी आम्ही ७२ शहरांमध्ये आणि २६ देशांमध्ये सादरीकरण आणि दृश्य कला आणि साहित्य क्षेत्रात ३३ हून अधिक महोत्सव आयोजित करतो. आम्ही जगातील सर्वात मोठा साहित्यिक मेळावा आयोजित करतो: वार्षिक जयपूर लिटरेचर फेस्टिव्हल आणि जेएलएफ इंटरनॅशनल आता अमेरिका, यूके आणि युरोपमध्येही आयोजित होते.
कोविड २०२० मधील उलथापालथी आणि अस्वस्थ काळातही आणि २०२१ पर्यंत टीमवर्क आर्ट्सने जेएलएफ ब्रेव्ह न्यू वर्ल्ड आणि वर्ड्स आर ब्रिजेस ही डिजिटल मालिका यशस्वीरित्या सादर केली. तिच्या पहिल्या सीझनमध्ये ४.८ दशलक्षाहून अधिक लोकांनी पाहिली. जयपूर लिटरेचर फेस्टिव्हल जानेवारी २०२१ मध्ये डिजिटल अवताराद्वारे २७ दशलक्षाहून अधिक प्रेक्षकांपर्यंत पोहोचला. आर्ट मॅटर्स भारतातील कलाकारांना नवीन कलाकृती तयार करण्यासाठी कमिशन देऊन सहकार्य करण्यास सक्षम करते. बी इन्स्पायर्ड ही विज्ञान, तंत्रज्ञान, नवसंशोधन, पर्यावरण आणि इतर अनेक विषयांवर संभाषणांसह भविष्याकडे पाहणारी मालिका २०२१ मध्ये आणण्यात आली. ‘बी इंस्पायर्ड – फास्ट-ट्रॅकिंग द फ्युचर’ च्या तीन आवृत्त्या आधीच भारतात आल्या आहेत. २०२४ मध्ये टीमवर्क आर्ट्सने जयपूरच्या राजघराण्यासोबत सहकार्य करून वेदांत प्रायोजित जयगड हेरिटेज फेस्टिव्हलची पहिली आवृत्ती तयार केली.
वेबसाइट: www.teamworkarts.com
