२३ जानेवारी २०२६: यावर्षी प्रजासत्ताक दिनाची सुट्टी सोमवारी येत असल्याने, भारतातील प्रवासी या लाँग वीकेंडचा पुरेपूर फायदा घेत आहेत, ज्यामुळे लहान फुरसतीच्या सहलींमध्ये मोठी वाढ होत आहे, असे मेकमायट्रिपच्या माहितीनुसार दिसून आले आहे.
प्रवासी जवळच्या आणि चांगल्या कनेक्टिव्हिटी असलेल्या ठिकाणांना पसंती देत आहेत. गोवा हे सर्वात लोकप्रिय भारतातील पर्यटनस्थळ आहे, त्यानंतर उदयपूर, जयपूर, मनाली आणि पाँडिचेरीचा क्रमांक लागतो. पुरी, वाराणसी आणि अमृतसरसारख्या आध्यात्मिक स्थळांनाही मोठी मागणी आहे.
आंतरराष्ट्रीय स्तरावर, सोप्या व्हिसा सुविधा असलेल्या आणि थेट कनेक्टिव्हिटी असलेल्या ठिकाणांमध्ये बुकिंग वाढत आहे. थायलंड यादीत आघाडीवर असून, व्हिएतनामची लोकप्रियता झपाट्याने वाढत आहे, त्यानंतर युएई, मलेशिया आणि सिंगापूरचा क्रमांक लागतो.
“प्रजासत्ताक दिनाच्या लाँग वीकेंडमुळे प्रवासासाठी उत्तम संधी निर्माण झाली आहे. प्रत्येक महानगरातून होणाऱ्या प्रमुख प्रवास निवडींमध्ये जवळच्या ठिकाणांना दिलेले प्राधान्य स्पष्टपणे दिसते. असे असले तरी, गोवा भारतातील आवडते ठिकाण राहिले आहे. आंतरराष्ट्रीय प्रवासाबाबत बोलायचं झालं तर, सोप्या व्हिसा सुविधा असलेले ठिकाणं अधिक आकर्षक ठरत आहेत. अनेक शहरांमधून थेट कनेक्टिव्हिटी असलेले देश सध्या मागणीत आघाडीवर असून, त्यात थायलंड सर्वात पुढे आणि व्हिएतनामलाही चांगला प्रतिसाद मिळतो आहे.” – राजेश मगो, सह-संस्थापक आणि ग्रुप सीईओ, मेकमाय
ट्रिप
