पुणे, 28 जानेवारी 2026: आंध्र प्रदेश, तेलंगणा, तामिळनाडू आणि कर्नाटक येथे यशस्वीपणे पूर्ण झाल्यानंतर, भारतातील विश्वासार्ह प्रजनन उपचार संस्था ओएसिस फर्टिलिटीची राष्ट्रीय जनजागृती मोहीम ‘जननी यात्रा’ आता महाराष्ट्रात पुण्यात दाखल झाली आहे. या उपक्रमाचा उद्देश टियर 1, 2 आणि 3 शहरांमधील नागरिकांपर्यंत थेट पोहोचून वंध्यत्वाबाबत जनजागृती करणे, योग्य वैद्यकीय मार्गदर्शन देणे आणि लवकर तपासणीस प्रोत्साहन देणे हा आहे.
जननी यात्रेच्या शुभारंभप्रसंगी ‘वॉक फॉर पॅरेंटहूड’ वॉकथॉनचे आयोजन करण्यात आले होते. या वॉकथॉनचा उद्देश वंध्यत्वाविषयी जागरूकता वाढवणे, वेळेवर तपासणीचे महत्त्व पटवून देणे आणि दीर्घकालीन प्रजनन आरोग्यावर लक्ष केंद्रित करणे हा होता. या उपक्रमातून मुलींच्या सक्षमीकरणावर भर देत योग्य वेळी आरोग्यविषयक माहिती आणि शिक्षण देण्याचे महत्त्व अधोरेखित करण्यात आले. या वॉकथॉनमध्ये विद्यार्थी, कुटुंबे, आरोग्यसेवा क्षेत्रातील व्यावसायिक आणि स्थानिक नागरिकांनी उत्स्फूर्त सहभाग घेतला.
या कार्यक्रमाला डॉ. किरण कुर्तकोटी (अध्यक्ष – AMOGS), डॉ. मनीष माचवे (अध्यक्ष – POGS) आणि श्री. मोहन टिळू (अध्यक्ष – रोटरी क्लब ऑफ पुणे संस्कृती) हे प्रमुख पाहुणे म्हणून उपस्थित होते. त्यांनी ओएसिस फर्टिलिटीच्या या उपक्रमाचे कौतुक करत समाजपातळीवर प्रजनन आरोग्याविषयी जागरूकता वाढवण्यासाठी हा उपक्रम अत्यंत उपयुक्त असल्याचे सांगितले.
आजच्या बदलत्या जीवनशैलीमुळे, उशिरा लग्न व पालकत्वामुळे आणि वैज्ञानिक माहितीतल्या अभावामुळे वंध्यत्वाच्या समस्या वाढताना दिसत आहेत. याच पार्श्वभूमीवर जननी यात्रा बसद्वारे नागरिकांना मोफत फर्टिलिटी सल्ला, मोफत AMH व हिमोग्लोबिन तपासणी, मोफत वीर्य तपासणी आणि सुरक्षित नमुना संकलन सुविधा उपलब्ध करून देण्यात येत आहेत, जेणेकरून दाम्पत्यांना योग्य वेळी अचूक आणि संवेदनशील मार्गदर्शन मिळू शकेल.
या वेळी बोलताना प्रमुख पाहुणे डॉ. किरण कुर्तकोटी म्हणाले,
“जननी यात्रा प्रजनन आरोग्याविषयी जागरूकता वाढवण्यात महत्त्वाची भूमिका बजावत आहे. समाजातील प्रत्येक घटकाला त्यांच्या आरोग्याची माहिती मिळावी, हा या उपक्रमाचा खरा उद्देश आहे. चार राज्यांमध्ये यशस्वी ठरलेली ही मोहीम आता महाराष्ट्रात आली आहे आणि येथेही अनेक दाम्पत्यांना याचा लाभ होईल, अशी मला आशा आहे.”
डॉ. दुर्गा जी. राव, मेडिकल डायरेक्टर व सह-संस्थापक, ओएसिस फर्टिलिटी म्हणाले,
“दक्षिण भारतातील यशस्वी प्रवासानंतर जननी यात्रा आता महाराष्ट्रातील स्थानिक समुदायांपर्यंत वैज्ञानिक व आधुनिक प्रजनन उपचार पोहोचवत आहे. घटत चाललेल्या जन्मदराच्या पार्श्वभूमीवर वेळेवर वैद्यकीय मार्गदर्शन देणे अत्यंत महत्त्वाचे आहे. पालकत्वाच्या प्रवासाला सुरुवात करणाऱ्या दाम्पत्यांना योग्य वेळी योग्य दिशा मिळावी, हा आमचा उद्देश आहे.”
पुष्कराज शेनाई, CEO, ओएसिस फर्टिलिटी म्हणाले,
“भारताचा प्रजनन दर सातत्याने घटत असताना, दर्जेदार, सुलभ आणि वेळेवर उपचारांची गरज अधिक वाढली आहे. ‘गुड हँड्स ऑफ सायन्स’ या आमच्या तत्त्वानुसार आम्ही तज्ज्ञ सल्ला, प्राथमिक तपासण्या आणि मार्गदर्शन थेट तळागाळापर्यंत पोहोचवत आहोत.”
डॉ. निलेश उमेश बलकवडे, प्रादेशिक वैद्यकीय प्रमुख – ओएसिस फर्टिलिटी यांनी सांगितले,
“जननी यात्रेला मिळणारा प्रतिसाद दर्शवतो की लोकांना योग्य वैद्यकीय माहिती आणि मार्गदर्शनाची गरज आहे. या उपक्रमातून आम्ही प्रजनन आरोग्याबाबतची माहिती थेट स्थानिक पातळीवर पोहोचवत आहोत. राष्ट्रीय बालिका दिनाच्या निमित्ताने ही यात्रा होत असल्याने महिलांच्या आरोग्याबाबत आमची बांधिलकी अधिक ठामपणे व्यक्त होते.”
