आयकॉनिक G.O.A.T (‘ग्रेटेस्ट ऑफ ऑल टाइम’) या संकल्पनेची नव्याने मांडणी करत ‘ग्रेटेस्ट ऑन अ ट्रॅक’ म्हणून स्कोडाने आपल्या परफॉर्मन्स-केंद्रित क्षमतांना अधिक बळकटी दिली
एका सर्किटवर एकाच उत्पादकाच्या वाहनांचा सर्वात वेगवान मल्टी-कार रिले पूर्ण करत इंडिया बुक ऑफ रेकॉर्ड्स आणि एशिया बुक ऑफ रेकॉर्ड्समध्ये नोंद
ब्रँडच्या मोटरस्पोर्ट वारशाला आणि उत्पादन पोर्टफोलिओच्या डायनॅमिक क्षमतांना अधिक अधोरेखित करणारी मोहीम
मुंबई, 20 मे 2026 – वेगवान उत्पादन उपक्रम आणि सातत्यपूर्ण नेटवर्क विस्ताराच्या पार्श्वभूमीवर, स्कोडा ऑटो इंडियाने स्कोडाच्या परफॉर्मन्स-केंद्रित प्रवासाला अधोरेखित करणारी आपली नवी मोहीम सुरू केली आहे. या मोहिमेची सुरुवात एका विक्रमासह करण्यात आली असून, ‘ग्रेटेस्ट ऑन अ ट्रॅक’ म्हणजेच ‘ट्रॅकवरील स्कोडा’ हे सिद्ध करणाऱ्या अनेक उपक्रमांपैकी हा एक महत्त्वाचा उपक्रम आहे.
130 वर्षांच्या जागतिक वारशासह आणि मोटरस्पोर्टमधील 125 वर्षांच्या समृद्ध इतिहासासह, स्कोडा ऑटोने या नव्या मानदंड प्रस्थापित करणाऱ्या ब्रँड मोहिमेद्वारे आपल्या रेसिंग वारशाला अधिक बळकटी दिली आहे. तसेच, ब्रँड आपल्या वाहनांमधील प्रतिष्ठित आरएस (रॅली स्पोर्ट) बॅजच्या अर्धशतकाहून अधिक प्रवासाचाही गौरव करत आहे. ‘डिफरेंशिएशन’ या आपल्या प्रमुख धोरणात्मक स्तंभाला अधिक मजबूत करत, ही नवी मोहीम स्कोडा ऑटो इंडियाच्या वाहन श्रेणीतील डायनॅमिक क्षमता आणि सुरक्षिततेवर प्रकाश टाकते.
या मोहिमेबद्दल बोलताना, स्कोडा ऑटो इंडियाचे ब्रँड डायरेक्टर आशिष गुप्ता म्हणाले,
“प्रत्येक स्कोडा वाहन अचूकता, नियंत्रण आणि सर्वोच्च स्तरावरील परफॉर्मन्स देण्यासाठी अभियांत्रिकीदृष्ट्या विकसित करण्यात आले आहे. आमच्यासाठी मोटरस्पोर्ट डीएनए ही केवळ ओळख नाही, तर ती आमच्या प्रत्येक वाहनामध्ये नैसर्गिकरित्या समाविष्ट आहे आणि आमच्या संपूर्ण वाहन श्रेणीत मानक स्वरूपात उपलब्ध आहे. हाच विश्वास आमच्या नव्या मोहिमेचा पाया आहे, ज्यामध्ये आम्ही ‘ग्रेटेस्ट ऑन अ ट्रॅक’ची नव्याने व्याख्या करत आहोत — आणि त्याचा साधा अर्थ म्हणजे ‘ट्रॅकवरील स्कोडा’.
ही मोहीम परफॉर्मन्स सर्वांसाठी उपलब्ध करून देण्याच्या आमच्या धोरणाचा नैसर्गिक विस्तार आहे. विविध वाहन श्रेणींमध्ये प्रत्येक स्कोडा वाहन उत्कृष्ट डायनॅमिक क्षमता, सुरक्षितता आणि आत्मविश्वास प्रदान करते, जे प्रत्यक्ष ड्रायव्हिंग अनुभवात सहजपणे जाणवतात.
मुळात, G.O.A.T ही मोहीम स्कोडाच्या ड्रायव्हिंग अनुभवाची खरी ओळख ठरणाऱ्या महत्त्वपूर्ण आणि सूक्ष्म वैशिष्ट्यांचा गौरव करते — जसे की स्टिअरिंगची अचूकता, चेसिसचे संतुलन, ब्रेकिंगमधील विश्वासार्हता आणि चालक व वाहन यांच्यातील सखोल नाते. ही अशी वैशिष्ट्ये आहेत जी कोणत्याही स्पेसिफिकेशन शीटमध्ये पूर्णपणे मांडता येत नाहीत, मात्र स्टिअरिंगच्या मागे बसताच ती स्पष्टपणे अनुभवता येतात.”
G.O.A.T मोहिमेची दमदार सुरुवात करणारा विक्रम
इंडिया बुक ऑफ रेकॉर्ड्स आणि एशिया बुक ऑफ रेकॉर्ड्स यांच्या देखरेखीखाली, ब्रँडने ‘एका सर्किटवर एकाच उत्पादकाच्या वाहनांचा सर्वात वेगवान मल्टी-कार रिले’ हा विक्रम प्रस्थापित केला. हा विक्रम कोयंबतूर ऑटोमोटिव्ह स्पोर्ट्स अँड टेक्निकल ट्रेनिंग (CoASTT) ट्रॅकवर नोंदविण्यात आला, जिथे स्कोडा ऑटो इंडियाच्या पाच वाहनांच्या ताफ्याने 12:30:97 अशी वेळ नोंदवली. पिट-लेन बदलांसह एकूण वेळेच्या आधारे, स्कोडा ऑटो इंडिया देशातील सर्वात वेगवान वाहन ताफा ठरला आहे.
स्कोडा ऑटो इंडियाच्या या ताफ्यात काइलॅक 1.0 AT, कुशाक 1.5 DSG, स्लाव्हिया 1.5 DSG, ऑक्टाव्हिया RS आणि कोडियाक सिलेक्शन L&K या वाहनांचा समावेश होता. पाच चालकांनी ही वाहने सलग आणि कोणताही व्यत्यय न आणता रिले स्वरूपात चालवली. पिट-लेनमधील वाहन बदलांसह या ताफ्याने एकूण 12:30.97 अशी वेळ नोंदवली. या रिले स्वरूपातील विक्रमात ताफ्यातील प्रत्येक स्कोडा वाहनाने सर्वोच्च क्षमतेने कामगिरी करणे अत्यंत महत्त्वाचे होते, जेणेकरून संपूर्ण ताफ्याला वेगवान वेळ नोंदवता येईल.
4 मीटरपेक्षा कमी लांबीच्या काइलॅकने 2:31.6 अशी वेळ नोंदवली, तर कुशाक एसयूव्ही आणि स्लाव्हिया सेडानने अनुक्रमे 2:29.7 आणि 2:27.63 अशी वेळ साध्य केली. आलिशान वैशिष्ट्ये, सात आसने आणि 4×4 क्षमतांनी सज्ज असलेल्या कोडियाक सिलेक्शन L&K ने CoASTT सर्किटवर 2:26.34 अशी वेळ नोंदवली. तर स्कोडा ऑटोची आयकॉनिक स्पोर्ट्स सेडान ऑक्टाव्हिया RS ने 3.8 किमी लांबीच्या सर्किटवर 2:10.85 अशी सर्वोत्तम वेळ नोंदवत अव्वल स्थान पटकावले.
या वाहन ताफ्याने ट्रॅकवर आपल्या डायनॅमिक क्षमतांचे प्रभावी प्रदर्शन केले. तसेच चपळता, नियंत्रणक्षमता, उत्कृष्ट ब्रेकिंग क्षमता आणि इतर परफॉर्मन्स वैशिष्ट्ये दाखवून दिली, जी प्रत्यक्ष रस्त्यावरील ड्रायव्हिंगमध्ये स्कोडा ऑटो इंडिया ग्राहकांना अधिक चांगले नियंत्रण आणि सुरक्षितता प्रदान करतात. भारतासह जागतिक स्तरावरील विविध चाचण्यांमध्ये संपूर्ण उत्पादन पोर्टफोलिओला मिळालेल्या फाइव्ह-स्टार सुरक्षा रेटिंग्ससह, हा विक्रम स्कोडा ऑटो इंडियाकडे देशातील सर्वात वेगवान आणि सर्वात सुरक्षित वाहन ताफा असल्याचे अधोरेखित करतो.
स्कोडा ऑटोचा मोटरस्पोर्ट डीएनए
1901 पासून मोटरस्पोर्ट हा स्कोडा ऑटोच्या डीएनएचा अविभाज्य भाग राहिला आहे. 1975 मध्ये स्कोडा 130 RS च्या माध्यमातून प्रथमच आरएस बॅज सादर करण्यात आला आणि या वारशाला अधिक बळ मिळाले. या वाहनाने 20व्या शतकाच्या पूर्वार्धातील स्कोडाच्या रॅली स्पोर्ट परंपरेचे प्रतिबिंब दर्शवले. हाच समृद्ध मोटरस्पोर्ट वारसा ब्रँडच्या भारतीय वाहन पोर्टफोलिओमध्येही स्पष्टपणे दिसून येतो, जिथे टर्बो-चार्ज्ड इंजिन्स, खऱ्या अर्थाने ऑटोमॅटिक ट्रान्समिशन्स, अचूक हँडलिंग आणि उत्कृष्ट डायनॅमिक्स ड्रायव्हिंग अनुभवाची ओळख ठरतात. सब-4 मीटर काइलॅक एसयूव्हीपासून स्लाव्हिया सेडान, कुशाक मिड-साइज एसयूव्ही, कोडियाक लक्झरी 4×4 आणि मर्यादित संख्येतील ऑक्टाव्हिया RS पर्यंत, स्कोडा ऑटो इंडिया विविध वाहन श्रेणींमध्ये परफॉर्मन्स-केंद्रित अभियांत्रिकी प्रदान करते.
याच परफॉर्मन्स-केंद्रित डीएनएमुळे स्कोडा ऑटो इंडियाला आपल्या डायनॅमिक क्षमतांनी सज्ज वाहन ताफ्यासह हा विक्रम प्रस्थापित करता आला. तसेच, ‘ग्रेटेस्ट ऑन अ ट्रॅक म्हणजे ट्रॅकवरील स्कोडा’ हा संदेश अधोरेखित करणाऱ्या नव्या ब्रँड मोहिमे
चाही हा मुख्य आधार आहे.
*****
