आर्थिक वर्ष २०२६ च्या चौथ्या तिमाहीत महसूल १,८९५ कोटी रुपये, वार्षिक ११ टक्‍के वाढ
आर्थिक वर्ष २०२६ च्या चौथ्या तिमाहीचा ऑपरेटिंग ईबीआयटीडीए ३६५.० कोटी रुपये, वार्षिक ४६ टक्‍के वाढ
आर्थिक वर्ष २०२६ च्या चौथ्या तिमाहीचा करोत्तर नफा (पीएटी) ३६१.७ कोटी रुपये
मुंबई, मे २१, २०२६: जेएसडब्ल्यू सिमेंट लिमिटेडने (“कंपनी”) आज ३१ मार्च २०२६ रोजी संपलेल्या चौथ्या तिमाहीचे आणि संपूर्ण आर्थिक वर्षाचे आपले एकत्रित आर्थिक निकाल जाहीर केले आहेत.
आर्थिक वर्ष २०२६ च्या चौथ्या तिमाहीची प्रमुख आर्थिक वैशिष्ट्ये:
एकूण विक्रीचे प्रमाण आर्थिक वर्ष २०२५ च्या चौथ्या तिमाहीतील ३.७३ दशलक्ष टनावरून वाढून आर्थिक वर्ष २०२६ च्या चौथ्या तिमाहीत ३.९९ दशलक्ष टन झाले आहे, ज्यामध्ये वार्षिक ७ टक्‍के वाढ झाली.
महसूल: आर्थिक वर्ष २०२६ च्या चौथ्या तिमाहीत १,८९५ कोटी रुपये झाला असून, जो आर्थिक वर्ष २०२५ च्या चौथ्या तिमाहीतील १,७०९ कोटी रुपयांच्या तुलनेत वार्षिक ११ टक्‍के जास्त आहे.
ऑपरेटिंग ईबीआयटीडीए: ३६५.० कोटी रुपये, ज्यामध्ये वार्षिक ४६ टक्‍के वाढ झाली; तर ऑपरेटिंग ईबीआयटीडीए मार्जिन १९.३ टक्‍के राहिले.
करोत्तर नफा (पीएटी) / समायोजित करोत्तर नफा (पीएटी)1: ३६१.७ कोटी रुपये.
निव्वळ कर्ज: ३१ मार्च २०२६ पर्यंत ३,६३५ कोटी रुपये.
आर्थिक वर्ष २०२६ ची प्रमुख आर्थिक वैशिष्ट्ये:
एकूण विक्रीचे प्रमाण १३.९६ दशलक्ष टन झाले असून, यात वार्षिक ११ टक्‍के वाढ झाली आहे.
महसूल: वार्षिक १२ टक्‍के वाढीसह ६,५१२ कोटी रुपयांवर पोहोचला आहे.
ऑपरेटिंग ईबीआयटीडीए: १,२४०.३ कोटी रुपये, ज्यामध्ये वार्षिक ४४ टक्‍के वाढ झाली; तर ऑपरेटिंग ईबीआयटीडीए मार्जिन १९.० टक्‍के राहिले.
समायोजित करोत्तर नफा (पीएटी)1: ६६७.६ कोटी रुपये.
लाभांश: वर्षाच्या ६६७.६ कोटी रुपयांच्या समायोजित करोत्तर नफ्याच्या1 आधारावर, संचालक मंडळाने प्रति १० रुपये दर्शनी मूल्य असलेल्या इक्विटी शेअरवर ०.५ रुपये लाभांश देण्याची शिफारस केली आहे. हा लाभांश वार्षिक सार्वत्रिक बैठकीत (एजीएम) भागधारकांच्या मंजुरीच्या अधीन असेल.
नोंद: १) समायोजित करोत्तर नफा (पीएटी) = करोत्तर नफा (पीएटी) अधिक एफव्‍हीटीपीएल म्हणून नियुक्त केलेल्या वित्तीय साधनांमधील (सीसीपीएस) वाजवी मूल्य खर्च.
कंपनीने १४ ऑगस्ट २०२५ रोजी एनएसई आणि बीएसईवर आपले यशस्वी लिस्टिंग पूर्ण केले. आयपीओपूर्वी, २४ जुलै २०२५ रोजी प्रति १०० रुपये दर्शनी मूल्य असलेले १६,००,००,००० सीसीपीएस प्रति १० रुपये दर्शनी मूल्य असलेल्या २३,५६,६२,४७७ इक्विटी शेअर्समध्ये रूपांतरित करण्यात आले. त्यानुसार, सीसीपीएस दायित्व (ज्याचे वहन मूल्य ३१ मार्च २०२५ रोजी १,८९७.७ कोटी रुपये होते) वरील रूपांतरण अटींच्या आधारावर ३० जून २०२५ रोजी वाजवी मूल्यांकित केले गेले. परिणामी आर्थिक वर्ष २०२६ च्या पहिल्या तिमाहीत आणि संपूर्ण आर्थिक वर्ष २०२६ मध्ये १,४६६.४ कोटी रुपयांचा बिगर-रोख, अपवादात्मक खर्च (एफव्‍हीटीपीएल म्हणून नियुक्त केलेल्या वित्तीय साधनांमधून (सीसीपीएस) उद्भवलेला वाजवी मूल्य खर्च) झाला. आर्थिक वर्ष २०२६ च्या चौथ्या तिमाहीत सीसीपीएसमुळे कोणताही खर्च झालेला नाही.
आर्थिक वर्ष २०२६ – प्रमुख व्यावसायिक घडामोडी:
जुलै २०२५: कंपनीने दक्षिण आणि पूर्व क्षेत्रांमध्ये सुपर-प्रीमियम सिमेंट लाँच केले.
ऑगस्ट २०२५: कंपनीने एनएसई आणि बीएसईवर आपला आयपीओ यशस्वीरित्या पूर्ण केला.
ऑक्टोबर २०२५: कंपनीची सूचीबद्ध उपकंपनी असलेल्या शिवा सिमेंटने संबळपूर, ओडिशा येथे १.० एमटीपीए क्षमतेचे ग्राइंडिंग युनिट सुरू केले, ज्यामुळे पूर्व भारतातील बाजारपेठेतील तिची उपस्थिती अधिक दृढ झाली.
मार्च २०२६: कंपनीने राजस्थानमधील नागौर जिल्ह्यात अत्याधुनिक, ग्रीनफील्ड, एकात्मिक सिमेंट प्लांटमध्ये उत्पादन सुरू केले – ही उत्तर भारतातील तिची पहिली सुविधा आहे. हा प्लांट ३.३ एमटीपीए क्षमतेच्या क्लिंकरायझेशन युनिटने आणि २.५ एमटीपीएच्या सुरुवातीच्या सिमेंट ग्राइंडिंग क्षमतेने सुसज्ज आहे.
मार्च २०२६: आसामच्या दिमा हसाओ जिल्ह्यातील उमरांगसो येथे असलेल्या सिकिलांगसो चुनखडी ब्लॉक्सच्या (भाग ए आणि भाग बी) खाण लीजसाठी कंपनीला पसंतीचे बोलीदार म्हणून घोषित करण्यात आले.
आर्थिक वर्ष २०२६ च्या चौथ्या तिमाहीची एकत्रित कार्यात्मक आणि आर्थिक कामगिरी:
या तिमाहीत, एकूण विक्रीचे प्रमाण वार्षिक ७ टक्‍के वाढून ३.९९ दशलक्ष टन झाले आहे. यापैकी, विकले गेलेले सिमेंटचे प्रमाण २.३५ दशलक्ष टन होते, ज्यामध्ये आर्थिक वर्ष २०२५ च्या चौथ्या तिमाहीतील २.१० दशलक्ष टनांच्या तुलनेत वार्षिक १२ टक्‍के वाढ झाली. ग्राउंड ग्रॅन्युलेटेड ब्लास्ट फर्नेस स्लॅग (“जीजीबीएस”) ची विक्री १.५७ दशलक्ष टन झाली, ज्यामध्ये आर्थिक वर्ष २०२५ च्या चौथ्या तिमाहीतील १.४९ दशलक्ष टनांच्या तुलनेत वार्षिक ५ टक्‍के वाढ झाली.
कामकाजातून मिळणारा महसूल वार्षिक ११ टक्‍के वाढून १,८९५ कोटी रुपयांवर पोहोचला, तर ऑपरेटिंग ईबीआयटीडीए वार्षिक ४६ टक्‍के सुधारेल ३६५.० कोटी रुपये झाला, ज्यामुळे आर्थिक वर्ष २०२६ च्या चौथ्या तिमाहीत प्रति टन ऑपरेटिंग ईबीआयटीडीए ९१६ रुपये प्रति टन झाला. आर्थिक वर्ष २०२६ च्या चौथ्या तिमाहीसाठी ऑपरेटिंग ईबीआयटीडीए (परकीय चलन तोट्यासाठी समायोजित)2 ३७८.४ कोटी रुपये होता, जो ९५० रुपये प्रति टन इतका आहे.
आर्थिक वर्ष २०२६ च्या चौथ्या तिमाहीत ऑपरेटिंग ईबीआयटीडीए मार्जिन १९.३ टक्‍के राहिले, जे आर्थिक वर्ष २०२५ च्या चौथ्या तिमाहीत १४.६ टक्‍के होते. आर्थिक वर्ष २०२६ च्या चौथ्या तिमाहीत एकूण ईबीआयटीडीए (इतर उत्पन्नासह) ३८५.६ कोटी रुपये होता.
नोंद: २) आर्थिक वर्ष २०२६ च्या चौथ्या तिमाहीतील ऑपरेटिंग ईबीआयटीडीएमध्ये (परकीय चलन तोट्यासाठी समायोजित) चलनाचे अवमूल्यन झाल्यामुळे दीर्घकालीन कर्जावरील १३.४ कोटी रुपयांचा परकीय चलन (एफएक्‍स) तोटा (दिलेली कर्जे आणि व्यापारी देयकांवरील परकीय चलन नफा वजा करून) वगळण्यात आला आहे.
आर्थिक वर्ष २०२६ ची एकत्रित कार्यात्मक आणि आर्थिक कामगिरी:
आर्थिक वर्ष २०२६ दरम्यान, एकूण विक्रीचे प्रमाण वार्षिक ११ टक्‍के वाढून १३.९६ दशलक्ष टन झाले आहे. यापैकी, विकले गेलेले सिमेंटचे प्रमाण ७.७३ दशलक्ष टन होते, ज्यामध्ये वार्षिक ९ टक्‍के वाढ झाली; तर जीजीबीएसची विक्री ५.७८ दशलक्ष टन झाली असून त्यात वार्षिक १२ टक्‍के अशी मजबूत वाढ नोंदवण्यात आली आहे.
कामकाजातून मिळणारा महसूल वार्षिक १२ टक्‍के वाढून ६,५१२ कोटी रुपये झाला आहे, तर ऑपरेटिंग ईबीआयटीडीए वार्षिक ४४ टक्‍के सुधारेल १,२४०.३ कोटी रुपये झाला आहे. आर्थिक वर्ष २०२६ साठी प्रति टन ऑपरेटिंग ईबीआयटीडीए ८८८ रुपये प्रति टन राहिला. आर्थिक वर्ष २०२६ मध्ये एकूण ईबीआयटीडीए (इतर उत्पन्नासह) १,३९२.७ कोटी रुपये होता.
फायनान्स अॅक्ट, २०२६ (वित्त कायदा, २०२६) अंतर्गत करण्यात आलेल्या दुरुस्त्यांच्या अनुषंगाने, ज्यामध्ये प्रामुख्याने आयकर कायदा, १९६१ च्या (“नवीन कर रचना”) कलम ११५बीएए नुसार कर रचनेअंतर्गत येणाऱ्या कंपन्यांसाठी ब्रॉट-फॉरवर्ड मॅट क्रेडिटच्या विहित प्रक्रियेला परवानगी देण्यात आली आहे, कंपनीने आपल्या मूल्यांकनाच्या आधारे आर्थिक वर्ष २०२६-२७ पासून नवीन कर रचना स्वीकारण्याचा पर्याय निवडण्याचा निर्णय घेतला आहे. याच पार्श्वभूमीवर, नवीन कर रचनेतील कमी झालेल्या कर दरामुळे निव्वळ स्थगित कर दायित्वांमध्ये झालेली २११.२१ कोटी रुपयांची घट आर्थिक वर्ष २०२६ च्या चौथ्या तिमाहीत आणि संपूर्ण आर्थिक वर्ष २०२६ मध्ये ग्राह्य धरली गेली आहे.
विकास धोरण आणि कॅपेक्स (भांडवली खर्च) अपडेट:
संपूर्ण भारतात आपली उपस्थिती निर्माण करण्यासाठी आणि १३.०४ एमटीपीए क्लिंकर क्षमतेसह ४६.०० एमटीपीए ग्राइंडिंग क्षमता गाठण्यासाठी कंपनी आपल्या विस्तार कार्यक्रमात सातत्याने प्रगती करत आहे.
राजस्थानमधील नागौर येथील एकात्मिक युनिटचा पहिला टप्पा, ज्यामध्ये ३.३ एमटीपीए क्लिंकर क्षमता आणि २.५ एमटीपीए ग्राइंडिंग क्षमतेचा समावेश आहे, तो आर्थिक वर्ष २०२६ च्या चौथ्या तिमाहीत सुरू करण्यात आला. नागौर येथील डब्ल्यूएचआरएस आणि अतिरिक्त १.० एमटीपीए ग्राइंडिंग क्षमतेचे कामही पूर्णत्वाच्या मार्गावर आहे.
नागौर क्लिंकर लाईनच्या वापरात वाढ करण्याच्या हेतूने, तसेच नागौर युनिटला सिमेंट ग्राइंडिंग क्षमतेच्या बाबतीत स्वावलंबी बनवण्याच्या धोरणात्मक उद्दिष्टाने, संचालक मंडळाने अतिरिक्त २.५ एमटीपीए सिमेंट ग्राइंडिंग क्षमता उभारण्यास मंजुरी दिली आहे. या विस्तारानंतर, नागौर युनिटची एकूण ग्राइंडिंग क्षमता वाढून ६.० एमटीपीए होईल. या प्रकल्पासाठी अंदाजे ४३० कोटी रुपयांची गुंतवणूक अपेक्षित आहे.
आर्थिक वर्ष २०२६ च्या चौथ्या तिमाहीत आणि संपूर्ण आर्थिक वर्ष २०२६ दरम्यान, कंपनीने अनुक्रमे ५०६ कोटी रुपये आणि १,९६२ कोटी रुपयांचा भांडवली खर्च (कॅपेक्स – देखभालीवरील भांडवली खर्चासह) केला आहे.
शाश्वतता अपडेट्स आणि पुरस्कार:
कंपनीने आर्थिक वर्ष २०२६ मध्ये प्रति टन सिमेंटयुक्त साहित्यामागे २६८ किलो कार्बन डायऑक्‍साइडसह उद्योग क्षेत्रातील सर्वात कमी कार्बन डायऑक्साइड उत्सर्जन तीव्रता राखणे कायम ठेवले आहे.
शिवा सिमेंटला सुरक्षा कामगिरी आणि सुरक्षा पद्धतींमधील उत्कृष्टतेसाठी ब्रिटिश सेफ्टी कौन्सिलकडून डिस्टिंक्शन अवॉर्ड प्राप्त झाला.
जेएसडब्ल्यू सिमेंटच्या विजयनगर युनिटला २०व्या एक्सीड ऑक्युपेशनल हेल्थ, सेफ्टी अँड सिक्युरिटी अवॉर्ड्समध्ये प्रतिष्ठित “लेजंड (इमर्जिंग)” पुरस्काराने सन्मानित करण्यात आले.
नाविन्यपूर्णतेच्या संस्कृतीला चालना देण्यातील आणि शाश्वत व्यावसायिक परिवर्तनातील उत्कृष्टतेच्या गौरवार्थ जेएसडब्ल्यू सिमेंटला गोल्डन पीकॉक अवॉर्ड फॉर इनोव्हेशन मॅनेजमेंट प्रदान करण्यात आला.
