पुणे, दि. __ : आम्ही मावळे प्रतिष्ठानच्या वतीने छत्रपती शिवाजी महाराजांच्या शिवराज्याभिषेक दिनानिमित्त भव्य शिवराज्याभिषेक सोहळ्याचे आयोजन करण्यात आले. या सोहळ्यात शिवभक्तांनी मोठ्या संख्येने सहभाग घेतला. छत्रपती शिवाजी महाराजांचा राज्याभिषेक ६ जून रोजी दुर्गराज रायगड येथे पार पडला होता. हा दिवस हिंदवी स्वराज्याच्या स्थापनेचे प्रतीक म्हणून गौरवाने साजरा केला जातो.
कार्यक्रमाची सुरुवात छत्रपती शिवाजी महाराजांच्या प्रतिमेस पुष्पहार अर्पण करून व दीपप्रज्वलनाने करण्यात आली. यानंतर शिववंदना, पोवाडे, मर्दानी खेळ, व्याख्यान तसेच शिवचरित्रावर आधारित सांस्कृतिक कार्यक्रमांचे आयोजन करण्यात आले. उपस्थितांनी “जय भवानी, जय शिवाजी” च्या घोषणांनी परिसर दणाणून सोडला.
यावेळी प्रतिष्ठानच्या पदाधिकाऱ्यांनी शिवरायांचे विचार समाजातील प्रत्येक घटकापर्यंत पोहोचविण्याचा संकल्प व्यक्त केला. शिवराज्याभिषेक दिन हा स्वाभिमान, शौर्य, न्याय आणि लोककल्याणकारी राज्यव्यवस्थेची प्रेरणा देणारा दिवस असल्याचे मान्यवरांनी आपल्या मनोगतात सांगि तले
कार्यक्रमास विविध क्षेत्रातील मान्यवर, सामाजिक कार्यकर्ते, युवक-युवती तसेच नागरिक मोठ्या संख्येने उपस्थित होते. .
