जम्मू/श्रीनगर, 3 जुलै 2026: भारती एअरटेलने अमरनाथ यात्रेसाठी आपल्या मोबाईल नेटवर्कचा विस्तार केल्याची घोषणा केली आहे. यामुळे यात्रेकरू, सुरक्षा दल आणि स्थानिक प्रशासनाला अधिक चांगली आणि विश्वासार्ह मोबाईल कनेक्टिव्हिटी मिळणार आहे. एअरटेलने चंदनवाडी, पिस्सू टॉप आणि बेताब व्हॅली येथे नवीन मोबाईल नेटवर्क साइट्स सुरू केल्या आहेत. त्यामुळे पहलगाम मार्गावर आता मजबूत नेटवर्क उपलब्ध झाले आहे. यापूर्वीच बालटाल मार्गावर एअरटेलची सेवा उपलब्ध होती. या विस्तारामुळे पवित्र अमरनाथ गुहेपर्यंतच्या संपूर्ण प्रवासात यात्रेकरूंना अखंड मोबाईल कनेक्टिव्हिटी मिळणार आहे.
अमरनाथ यात्रेदरम्यान दळणवळणाची सुविधा अधिक सक्षम करण्यासाठी एअरटेलने संबंधित सरकारी यंत्रणा आणि स्थानिक प्रशासनाच्या सहकार्याने हे नेटवर्क उभारले आहे. या विस्तारित नेटवर्कमुळे लाखो भाविकांना विश्वासार्ह व्हॉइस आणि डेटा सेवा मिळेल. तसेच, आपत्कालीन परिस्थितीत संपर्क साधणे अधिक सोपे होईल आणि डिजिटल सेवांचा अधिक चांगला लाभ घेता येईल.
भारती एअरटेलचे जम्मू-काश्मीर विभागाचे मुख्य कार्यकारी अधिकारी (सीओओ) विक्रम आरएस म्हणाले, “एअरटेलमध्ये आम्ही कठीण भौगोलिक भागातही लोक, समुदाय आणि अत्यावश्यक सेवांना जोडण्यासाठी कायम कटिबद्ध आहोत. अमरनाथ यात्रेसाठी पहलगाम आणि बालटाल या दोन्ही मार्गांवर नेटवर्कचा विस्तार करणे हे जम्मू-काश्मीरमधील आमच्या सातत्यपूर्ण गुंतवणुकीचे आणि यात्रेकरू, सुरक्षा दल तसेच प्रशासनाला संपूर्ण यात्रेदरम्यान विश्वासार्ह कनेक्टिव्हिटी उपलब्ध करून देण्याच्या आमच्या वचनबद्धतेचे प्रतीक आहे.”
अत्यंत आव्हानात्मक आणि दुर्गम भागांमध्येही एअरटेल सातत्याने आपल्या नेटवर्कचा विस्तार करत आहे. तसेच, देशातील कनेक्टिव्हिटीच्या अडचणी दूर करून भारताच्या डिजिटल परिवर्तनाला गती देण्यासाठी कार्यरत
आहे.
