२.१ दशलक्षाहून अधिक विमाधारक व्यक्तींच्या विश्लेषणाद्वारे कालावधीनुसार आरोग्यसंबंधित कल समोर आले
~ सुमारे ६२ टक्के पॉलिसीधारकांनी १२ महिन्यांच्या आत मुख्य आरोग्य निर्देशकांमध्ये मापनीय सुधारणा दर्शवली
~ ४५ वर्षांवरील पुरुषांमध्ये अनियंत्रित उच्च रक्तदाबाचे प्रमाण सर्वाधिक
मुंबई, सप्टेंबर 19, २०२६: आदित्य बिर्ला हेल्थ इन्शुरन्स कंपनी लिमिटेड (एबीएचआयसीएल) या आदित्य बिर्ला कॅपिटलच्या आरोग्य विमा शाखेने आज अनलॉकिंग हेल्थ ट्रॅजेक्टरीज: रिअल-वर्ल्ड बायोमेट्रिक ट्रेंड्स फ्रॉम इन्श्युअर्ड इंडियन पॉप्युलेशन्स हे आपले नवीन संशोधन पत्र जारी केले. नियमित देखरेख आणि प्रतिबंधात्मक उपक्रमांमुळे ८७ टक्के पॉलिसीधारकांनी त्यांची आरोग्य स्थिती एकतर राखली किंवा सुधारली असल्याचे या अभ्यासात उघड झाले आहे. डिसेंबर २०२३ ते डिसेंबर २०२५ दरम्यान एबीएचआयसीएलच्या २.१ दशलक्ष प्रौढ ग्राहकांच्या अनामित आकडेवारीच्या अंतर्गत अभ्यासावर आधारित, हा अभ्यास भारतामधील आरोग्य विमा क्षेत्रातील प्रदीर्घ बायोमेट्रिक ट्रेंड्सच्या सर्वात मोठ्या विश्लेषणांपैकी एक आहे.
विश्लेषण केलेल्या २.१ दशलक्ष प्रौढ ग्राहकांपैकी, ५.२ लाख व्यक्तींकडे किमान दोन बायोमार्कर डेटापॉइंट्स होते, ज्यामुळे प्रदीर्घ आरोग्य ट्रेंड विश्लेषणास मदत झाली. या अभ्यासाने रक्तदाब, रक्तातील साखरेचे प्रमाण (HbA1c), बीएमआय आणि कोलेस्ट्रॉल पातळीतील बदलांचा मागोवा घेतला. निष्कर्षांवरून दिसून येते की सुमारे ६२ टक्के ग्राहकांनी १२ महिन्यांच्या आत मुख्य आरोग्य निर्देशकांमध्ये मापनीय सुधारणा नोंदवली, तर उच्च धोका श्रेणीत असलेल्या ३७ टक्के व्यक्ती याच कालावधीत मध्यम किंवा कमी धोक्याच्या श्रेणीत आल्या. हे आरोग्य निष्पत्ती सुधारण्यासाठी नियमित देखरेख आणि सातत्यपूर्ण प्रतिबद्धतेची क्षमता स्पष्टपणे अधोरेखित करते.
या विश्लेषणात मुख्य जुनाट आजारांच्या निर्देशकांमध्ये अर्थपूर्ण सुधारणा आढळून आली. ३२ टक्के प्रकरणात रक्तदाबात सुधारणा झाली, ३३ टक्के पॉलिसीधारकांमध्ये मधुमेह नियंत्रण सुधारले, ३४ टक्के लोकांमध्ये बीएमआय आणि लठ्ठपणाच्या निर्देशकांमध्ये सुधारणा झाली, आणि १७ टक्के पॉलिसीधारकांच्या कोलेस्ट्रॉलच्या पातळीत सुधारणा झाली.
संशोधनाच्या निष्कर्षांबाबत मत व्यक्त करत आदित्य बिर्ला हेल्थ इन्शुरन्सचे सीईओ मयांक बथवाल म्हणाले, “आरोग्य गरजा अधिक गुंतागुंतीच्या होत आहेत, तसे लक्ष केवळ रुग्णालयात दाखल होण्यापुरते मर्यादित न ठेवता संपूर्ण उपचार प्रवासात आरोग्य निष्पत्ती सुधारण्याकडे वळले पाहिजे. सातत्यपूर्ण देखरेख आणि प्रतिबंधात्मक प्रतिबद्धता कालावधीनुसार जुनाट आजारांचे धोके अधिक प्रभावीपणे व्यवस्थापित करण्यास मदत करू शकतात, हे या संशोधन पत्रातील निष्कर्ष दर्शवतात. एबीएचआयमध्ये आम्ही याकडे उत्तम आरोग्य निष्पत्तींना पाठबळ देण्याची आणि संपूर्ण आरोग्य यंत्रणेत कार्यक्षमता सुधारण्याची संधी म्हणून पाहतो.”
बायोमेट्रिक, जीवनशैली, वेअरेबल आणि मानसिक आरोग्य डेटा एकत्र करणाऱ्या एबीएचआयसीएलच्या मालकीच्या वेलबीइंग स्कोअरद्वारे समर्थित या अभ्यासाने सातत्यपूर्ण आरोग्य देखरेख आणि प्रतिबद्धता दीर्घकालीन निष्पत्तीवर प्रभाव पाडते याचे परीक्षण केले. हे निष्कर्ष व्यक्तींना जुनाट आरोग्याचे धोके चांगल्या प्रकारे व्यवस्थापित करण्यात मदत करण्यासाठी प्रतिबंधात्मक आरोग्य व्यवस्थापनाची वाढती भूमिका दर्शवतात.
आमच्या विश्लेषणाने स्पष्ट लोकसंख्याशास्त्रीय ट्रेंड्स देखील अधोरेखित केले. ३५ वर्षांपेक्षा जास्त वयाच्या महिलांनी बायोमेट्रिक नियंत्रणात अधिक दृढ सुधारणा दर्शवली, तर ४५ वर्षांपेक्षा जास्त वयाच्या पुरुषांमध्ये अनियंत्रित उच्च रक्तदाबाचे प्रमाण सर्वाधिक नोंदवले गेले. एनएफएचएस-५ च्या मानकांशी तुलना करता, विमाधारक गटाने उच्च रक्तदाब नियंत्रण (३२ टक्के विरुद्ध २४ टक्के), लठ्ठपणा नियंत्रण (३४ टक्के विरुद्ध २४ टक्के) आणि मधुमेह नियंत्रण (३३ टक्के विरुद्ध १५ टक्के) यामध्ये उच्च दर दर्शवले; जे आरोग्य निष्पत्ती सुधारण्यासाठी नियमित देखरेख आणि वेळेवर हस्तक्षेपाचे मूल्य अधोरेखित करते.
विविध लोकसंख्याशास्त्रीय गटांमध्ये दिसून येणारे हे बदल आरोग्य व्यवस्थापनासाठी अति-वैयक्तिक दृष्टिकोनाचे मूल्य अधिक दृढ करतात. संदर्भजन्य आणि वैयक्तिक प्रतिबद्धतेसह सततच्या डेटा सिग्नलचा मेळ घालून, विमा कंपन्या उत्तम दीर्घकालीन आरोग्य निष्पत्तींना पाठबळ देण्यात अधिक अर्थपूर्ण भूमिका बजावू शकतात. महत्त्वाचे म्हणजे, प्रदीर्घ आरोग्य डेटा निष्क्रिय रिपोर्टिंगच्या पलीकडे जाऊन आयुष्मान भारत डिजिटल मिशन अंतर्गत व्यापक सार्वजनिक आरोग्य प्रयत्नांना पूरक ठरणाऱ्या सुरुवातीच्या सूचना आणि वर्तन-संबंधित अंतर्दृष्टी देऊन प्रतिबंधात्मक आरोग्य कामगिरी कशी प्रबळ करू शकतो, हे विश्लेषण सि
द्ध करते.
