पुणे, दि. २१ : शिक्षण, कौशल्य विकास आणि युवा सक्षमीकरण क्षेत्रात गेल्या दोन दशकांपासून उल्लेखनीय कार्य करणाऱ्या ‘फ्रेंड्स युनियन फॉर एनर्जायझिंग लाइव्हज’ (फ्युएल) या संस्थेचा २०वा स्थापना दिन आणि द्वितीय दीक्षांत समारंभ शनिवार, २४ ऑक्टोबर २०२६ रोजी सकाळी १०.३० वाजता आयोजित करण्यात आला आहे. पौड रोडवरील भुगाव येथील फ्युएल स्किलटेक युनिव्हर्सिटीच्या कॅम्पसमध्ये हा सोहळा आयोजित करण्यात आला असून, तामिळनाडूचे राज्यपाल माननीय श्री. राजेंद्र आर्लेकर या कार्यक्रमाला प्रमुख पाहुणे म्हणून उपस्थित राहणार आहेत.
या दीक्षांत समारंभात पदव्युत्तर (व्यवस्थापन) तुकडी २०२४–२६ मधील विद्यार्थ्यांसह विविध सीएसआर-सहाय्यित प्रमाणपत्र अभ्यासक्रमांतील विद्यार्थ्यांचे दीक्षांत होणार आहे. याच व्यासपीठावरून ‘फ्युएल स्किलटेक युनिव्हर्सिटी, पुणे’ या नूतन विद्यापीठाच्या उद्घाटनाची औपचारिक घोषणा देखील केली जाणार आहे.
दोन दशकांची यशस्वी वाटचाल आणि युवकांचे सक्षमीकरण
सन २००७ मध्ये स्थापन झालेल्या फ्युएलने आपल्या दोन दशकांच्या प्रवासात वंचित आणि सामाजिक-आर्थिकदृष्ट्या मागासलेल्या सुमारे १० लाख युवकांना थेट लाभ मिळवून दिला आहे. याद्वारे २.९३ लाख विद्यार्थ्यांना शिक्षण देण्यात आले असून २,९०७ शिष्यवृत्ती प्रदान करण्यात आल्या आहेत. विशेष म्हणजे, या संस्थेमार्फत ९० टक्क्यांहून अधिक प्लेसमेंट मिळवून दिली जाते, तर लाभार्थ्यांमध्ये ७५ टक्क्यांहून अधिक विद्यार्थी हे कुटुंबातील पहिल्या पिढीतील शिकणारे आहेत. एनएसई सोशल स्टॉक एक्स्चेंजवरील नोंदणीमुळे या संस्थेचे परोपकारी आणि देणगी-निधी प्रारूप अधिक बळकट झाले आहे.
उद्योग क्षेत्रासोबत नवनवीन उपक्रम
सध्याच्या बदलत्या कॉर्पोरेट आणि औद्योगिक जगताची गरज लक्षात घेऊन फ्युएलने अनेक अग्रगण्य कंपन्यांशी हातमिळवणी केली आहे. एसबीआय फाऊंडेशनच्या माध्यमातून २,००० युवकांना कौशल्य प्रशिक्षण दिले जात असून, कॅपजेमिनीच्या सहकार्याने कॅम्पसवर डिजिटल अकॅडमी चालवली जात आहे. आगामी काळात देशातील अग्रगण्य कॉर्पोरेट्सच्या सहकार्याने ‘स्कूल ऑफ फायनान्स’ आणि ‘स्कूल ऑफ लॉजिस्टिक्स’ सुरू करण्यात येत आहेत. तसेच, कृत्रिम बुद्धिमत्ता (एआय), ग्रीन स्किल्स आणि उद्योजकता यांसारख्या उदयोन्मुख क्षेत्रांसाठी उद्योगक्षेत्राकडून ‘स्वारस्य-अभिव्यक्ती’ मागवण्यात येत आहेत.
कोट
२०वा स्थापना दिन म्हणजे फ्युएलच्या प्रवासाचा आढावा घेण्याची आणि ज्यांच्या आयुष्यात या माध्यमातून बदल घडला, त्या युवकांकडे पाहण्याची वेळ आहे. फ्युएल स्किलटेक युनिव्हर्सिटीच्या माध्यमातून कौशल्य विकास आणि रोजगाराच्या अधिक संधी निर्माण करण्यासाठी आम्ही कटिबद्ध आहोत.
— डॉ. केतन देशपांडे, अध्यक्ष व कुलगुरू, फ्युएल स्किलटेक युनिव्हर्सिटी.
