नियोजनबद्ध विकासकामांच्या जोरावर मोठा विजय मिळवू आमदार माधुरी मिसाळ यांचा विश्वास

मेट्रो, स्वारगेट मल्टिमोडल हब, बिबवेवाडीतील ईएसआयसीच्या जागेत 500 खाटांचे सुपर स्पेशालिटी रुग्णालय, कोरोना काळात केलेले मदतकार्य, समान पाणीपुरवठा योजना, पु. ल. देशपांडे उद्यानात दिल्ली हटच्या धर्तीवर कलाग्राम, आनंददायी शिक्षणासाठी मूलभूत सुविधा, सिंहगड रस्त्यावरील उड्डाणपूल, पर्यायी रस्ते, पर्वती टेकडीचे सुशोभिकरण, तळजाई वन आराखडा, पूरग्रस्त भागातील सिमाभिंतींचे बांधकाम, वीजपुरवठा सुरळीत होण्यासाठी उपाययोजना आणि प्राधान्यक्रमाने 176 कोटी रुपयांच्या आमदार आणि विशेष निधीचा विनियोग या विकासकामांच्या जोरावर मोठा विजय मिळवू असा विश्वास भाजप, शिवसेना, राष्ट्रवादी, आरपीआय (ए) आणि महायुतीच्या पर्वती विधानसभा मतदारसंघातील उमेदवार माधुरी मिसाळ यांनी व्यक्त केला.
मिसाळ यांच्या प्रचारार्थ बिबवेवाडी ओटा, बिबवेवाडी गाव, पापळ वस्ती, महेश सोसायटी, लोअर अप्पर इंदिरानगर परिसरात आज पदयात्रेचे आयोजन करण्यात आले होते. दीपक मिसाळ, करण मिसाळ, मानसी देशपांडे, अनुसया चव्हाण, श्रीकांत पुजारी, संतोष नांगरे, अविनाश गायकवाड, सुभाष जगताप, शिवाजी गदादे-पाटील, बाबुराव घाटगे, अनुसया चव्हाण, मनोज देशपांडे, प्रशांत दिवेकर, रघुनाथ गौडा, विशाल पवार, प्रीतम नागपुरे, नवनाथ वांजळे, अजय भोकरे, शिवम देशपांडे, ज्ञानेश्वर मानकर, राजेंद्र बिबवे, नितीन बेलदरे, अरुण वीर, प्रभावती जागडे यांची प्रमुख उपस्थिती होती.
मिसाळ म्हणाल्या, पर्वती विधानसभा मतदारसंघात गेली 15 वर्षे आमदार म्हणून गतीमान आणि शाश्वत विकास केला. त्यामुळे मतदारांचे प्रेम व विश्वास संपादन केले. म्हणूनच महायुतीने सलग चौथ्यांदा मला उमेदवारी दिली. या मतदारसंघात महायुतीचे संघटन भक्कम असून आम्ही एकसंघ आहोत. या उलट महाआघाडीत बिघाडी झाली असून, त्यांना बंडखोरीचा सामना करावा लागत आहे. त्यामुळे या वेळी विक्रमी मताधिक्य मिळेल असा विश्वास वाटतो.