पुणे : जगातील पहिली परिचारिका फ्लोरेन्स नाइटिंगेल यांनी मेणबत्ती घेऊन रुग्णांची सेवा केली, त्याचप्रकारे आपण देखील रुग्णांची अविरतपणे सेवा करू व त्यांचा आयुष्यातील अंधार दूर करून त्यांना प्रकाशाकडे नेऊ यासाठी लॅम्प लायटिंग करून शपथ घेतली जाते. अशीच शपथ रुग्णसेवा करीत आपले कार्य प्रामाणिकपणे बजावण्यासाठी नर्सिंगचा कोर्स करणा-या विद्याथीर्नींनी घेतली.
न-हे येथील कै.उद्धवराव तुळशीराम जाधवर फाऊंडेशन संचलित जाधवर ग्रुप आॅफ इन्स्टिट्युटसच्या कॉलेज आॅफ नर्सिंग मधील नर्सिंगच्या विद्याथीर्नींचा लॅम्प लायटिंग करून शपथ ग्रहण कार्यक्रम पार पडला. यावेळी महाराष्ट्र नर्सिंग कौन्सिलचे अध्यक्ष डॉ. रामलिंग माळी, संस्थेचे उपाध्यक्ष अॅड. शार्दुल जाधवर, खजिनदार सुरेखा जाधवर, नर्सिंगच्या प्राचार्या शितल निकम यांसह प्राध्यापक, पदाधिकारी, शिक्षक व विद्यार्थी उपस्थित होते.
डॉ. रामलिंग माळी म्हणाले, आपले ज्ञान, कौशल्य आणि वृत्ती हे सगळ्या कोर्सेसमध्ये महत्वाचे आहे. पूर्ण प्रशिक्षण घेऊन मग काम करणा-या ख-या परिचारिका असतात. अत्यंत मनापासून हे काम करणे आवश्यक आहे. आपल्या मनामध्ये कोणते ध्येय ठेवले आहे, हे देखील महत्वाचे आहे. नर्सिंग क्षेत्राशी जोडल्या जाणा-या नव्या परिचारिका सर्वात आधी द नाइटिंगेल प्लेज ही रुग्णांच्या सेवेशी निगडीत प्रतिज्ञा घेतात.
अॅड. शार्दुल जाधवर म्हणाले, जगातील पहिली परिचारिका फ्लोरेन्स नाइटिंगेल या आधुनिक नर्सिंग आंदोलनाच्या जनक मानल्या जातात. त्यांचा जन्म १२ मे १८२० रोजी झाला. त्यांच्या जन्म एका समृद्ध आणि उच्चवर्णीय कुटुंबामध्ये झाला. उच्च कुटुंबात जन्माला आलेल्या फ्लोरेन्स यांनी सेवेचा मार्ग स्वीकारला. त्या काळच्या दवाखान्यातील भयानक परिस्थितीमुळे घरच्यांचा परिचयेर्साठी विरोध होता. परिवाराचा तीव्र विरोध असताना देखील त्यांनी अभावग्रस्त लोकांच्या सेवेचे व्रत घेतले.
क्रिमिया युद्धामध्ये जखमी रुग्णांची त्यांनी खूप सेवा केली होती. या युद्धातील जखमी सैनिकांवर रात्रीच्या अंधारात मेणबत्तीच्या प्रकाशात त्या जखमी रुग्णांची सेवा, सुश्रुषा करीत असत. त्यामुळे या युद्धानंतर दया आणि सेवेची मूर्ती असलेल्या फ्लोरेन्स नाइटिंगेल द लेडी विथ द लॅम्प या नावाने प्रसिद्ध झाल्या. युद्धानंतर त्यांची प्रसिद्धी इंग्लंडमध्ये देखील पोहोचली. यानंतर १९६० साली त्यांनी लंडनमध्ये नर्सिंग स्कूलची स्थापना केली. भारतीय सैनिकांमध्ये स्वच्छता या विषयावर त्यांनी खूप काम केले आहे. त्यामुळे १८७३ साली सैनिकांचा मृत्यूदर ६९ हून कमी होऊन प्रती हजार १८ एवढा झाला. त्यांचा मृत्यू १३ आॅगस्ट १९१० रोजी झाला. प्रत्येक वर्षी भारतात उल्लेखनीय कार्य करणा-या परिचारिकांना राष्ट्रपतींच्या हस्ते नॅशनल फ्लोरेन्स नाइटिंगेल अॅवॉर्ड या पुरस्काराने सन्मानित केले .
