पुणे : महा एनजीओ फेडरेशन यांच्या माध्यमातून आणि कार्डमॉम लॉजिस्टिक असेट्स इंडिया प्रायव्हेट लिमिटेड यांच्या सीएसआर उपक्रमातून ३०० दिव्यांग बांधवांना मोफत ट्रायसिकल व्हीलचेअर व अंधकाठी याचे वाटप करण्यात आले. चाकण येथील श्रेया लॉन्स येथे आयोजित कार्यक्रमात विविध क्षेत्रातील मान्यवर उपस्थित होते.
साहित्याचे वाटप प्रसिद्ध अभिनेते संदीप पाठक, दिव्यांग भवन फाउंडेशन चे कार्यकारी संचालक ओमप्रकाश देशमुख, महाराष्ट्र गोसेवा आयोगाचे अध्यक्ष शेखर मुंदडा, कार्डमॉम लॉजिस्टिक्स असेस्टस इंडिया प्रायव्हेट लिमिटेड चे व्यवस्थापक अजित पाटील, महा एनजीओ फेडरेशनचे संचालक अमोल उंबरजे, मुकुंद शिंदे, योगेश बजाज, पोलीस निरीक्षक नकुल न्यामने यांच्या हस्ते करण्यात आले.
दिव्यांग बांधवांना स्वतःचा उदरनिर्वाह चालू करण्यासाठी ट्रायसिकल मध्ये बॉक्स टेबलची व्यवस्था केलेली आहे. जेणेकरून वस्तूंची विक्री करून ते स्वतःचा उदरनिर्वाह करू शकतील व तसेच अपंग लोकांना व्हीलचेअर उपयोगी पडण्यासाठी याचे वाटप करण्यात आले. यावेळी संदीप पाठक यांनी सेवा व कलाकार याविषयी सांगितले व वऱ्हाड निघालय लंडनला या नाटकातील काही भाग सादर करून सर्व दिव्यांग बांधवांची मने जिंकली.
महाराष्ट्र गो सेवा आयोगाचे अध्यक्ष तथा महा एनजीओ फेडरेशनचे संस्थापक शेखर मुंदडा यांनी दिव्यांगांना कोणकोणत्या प्रकारच्या माध्यमातून सेवा कार्य करता येईल, याबाबत उपस्थितांना संबोधित केले. दिव्यांग भवन फाउंडेशनचे व्यवस्थापकीय संचालक ओमप्रकाश देशमुख म्हणाले, महा एनजीओ फेडरेशन सारखे संस्था व कार्डमॉम सारखे कंपनी व शासन मिळून अश्या प्रकारचे उपक्रम राबविण्यासाठी प्रयत्न करावेत.
कार्डमॉम लॉजिस्टिक्सचे अजित पाटील म्हणाले, कंपनी नेहमी अश्या सामाजिक उपक्रमांसाठी आपण नेहमी सहकार्य करत असतो. महा एनजीओ फेडरेशनचे संचालक व ह्या उपक्रमाचे संयोजक अमोल उंबरजे यांनी या उपक्रमाचा उद्देश सांगत म्हणाले, दिव्यांगसोबत नेहमी आपण असे सामाजिक उपक्रम राबवू.
कार्यक्रमावेळी रक्तदान शिबिर आयोजित केले होते. तसेच दिव्यांगांसाठी शासकीय योजनांचा प्रचार व प्रसार करण्यात आला. हा कार्यक्रम यशस्वी करण्यासाठी अर्चना घुंडरे, राहुल जगताप, अपूर्वा कारवा, कोमल विठ्ठल, रवींद्र चव्हाण, सागर पाटील, चेतन मराठे, दिलीप शेलवंटे, अजित मनामी, रत्नशिल गायकवाड, विठ्ठल काळे, यांचा सहभाग होता.
—————————————————-
