पुणे, २५ जुलै २०२५ : इंडिया यामाहा मोटरने लोकप्रिय बाइक एफझेड-एक्सचे नवीन २०२५ हायब्रीड मॉडेल बाजारात आणले आहे. या बाईकमध्ये हायब्रीड इंजिन टेक्नॉलॉजी, कलर टीएफटी मीटर आणि टर्न-बाय-टर्न नेव्हिगेशन सिस्टम यासारख्या उच्च प्रतीच्या वैशिष्ट्यांचा समावेश आहे. ही बाईक मॅट टायटन रंगात उपलब्ध असून तिची किंमत १,४९,९९० रुपये (एक्स-शोरूम, दिल्ली) आहे.
हायब्रीड इंजिन टेक्नॉलॉजीयुक्त असणाऱ्या एफझेड-एक्समध्ये स्मार्ट मोटर जनरेटर आणि स्टॉप अँड स्टार्ट सिस्टमचा समावेश आहे. क्लच दाबताच इंजिन आपोआप पुन्हा सुरू होते. वाय-कनेक्ट ॲपद्वारे स्मार्टफोनशी कनेक्ट होण्याची सुविधा आहे. हायब्रीड मॉडेलमध्ये १४९ सीसी एअर-कूल्ड, फ्युएल इंजेक्टेड इंजिन असून फोर स्ट्रोक, एसओएचसी टू व्हॉल्व प्रणालीचा वापर करण्यात आला आहे. हे इंजिन कमाल १२.४ पीएसची ऊर्जा ७२५० आरपीएमवर तर १३.३ एनएमचा टॉर्क ५५०० आरपीएमवर मिळतो.
