🚩🚩 लेह-लडाखमधील सेवा प्रकल्पासाठी अँब्युलन्स पूजन 🚩🚩 सीमेवरील भारतीय नागरिकांच्या आरोग्याची काळजी घेण्यासाठी जम्मू-काश्मीरमधील बॉर्डरलेस वर्ल्ड फाउंडेशनचा उपक्रम

August 24, 2025

28

बॉर्डरलेस वर्ल्ड फाउंडेशनच्या वतीने, एचडीएफसीच्या सामाजिक दायित्व निधीतून “हॉस्पिटल ऑन व्हील्स” (मोबाईल मेडिकल युनिट) हा अभिनव प्रकल्प राबविण्यात आला आहे. या अंतर्गत तयार करण्यात आलेल्या अँब्युलन्सचे पूजन नुकतेच पुण्यात महाराष्ट्राचे उच्च व तंत्रशिक्षण मंत्री मा. चंद्रकांतदादा पाटील यांच्या हस्ते करण्यात आले.

ही अँब्युलन्स लवकरच लेहमधील झंस्कार, नुब्रा, दुर्बुक, खारू, न्योमा आणि लिकीर व्हॅली या दुर्गम भागात आरोग्यसेवा पुरविणार आहे.

या प्रसंगी ज्येष्ठ पत्रकार व संस्थेचे मार्गदर्शक प्रकाश गोरे, संस्थेचे विश्वस्त अ‍ॅड. नरसिंग संभाजीराव लगड, उद्योजक रविजी कल्याणे व केशव रायरीकर उपस्थित होते.