● मागील ६ महिन्यांत विक्रेता बाजारपेठ प्लॅटफॉर्मवर विशेषतः एमएसएमईसाठी ऑनबोर्डिंग आणि विक्रीत स्थिर वाढ झाली आहे
● जून २०२५ पासून फ्लिपकार्टच्या विक्रेत्यांनी त्यांच्या व्यवसायात ३०% वाढ झाल्याचे नोंदवले असून ती एआय-संचालित माहिती, सुलभ साधने आणि स्थिर ऑनबोर्डिंगमुळे चालते.
● बीजीएम, फॅशन आणि इलेक्ट्रॉनिक्स अशा श्रेणींमध्ये जोरदार वाढ दिसून येत असून येत्या उत्सवाच्या हंगामात विक्रीला आणखी वेग येण्याची अपेक्षा आहे.
● एआय-संचालित नेक्स्ट इनसाइट्स प्लॅटफॉर्म आणि पुनर्निर्मित सेलर हब यांच्यामुळे स्मार्ट उत्सवाची तयारी शक्य होईल.
● ई-कॉमर्स व्याप्ती वाढवण्यासाठी आणि वाढीच्या उदयोन्मुख केंद्रांना पोषण देण्यासाठी कन्नौज, खुर्जा आणि शांतीपूरसह पारंपारिक व्यापार केंद्रांच्या पलीकडे जाऊन नवीन विक्रेत्यांना ऑनबोर्डिंग करण्यास सुरूवात झाली आहे.
● फ्लिपकार्ट मार्केटप्लेसमध्ये आज लाखो ग्राहकांना सेवा देण्यासाठी ९० दशलक्षाहून अधिक विक्रेते आणि उत्पादनांच्या सूची आहेत
● फ्लिपकार्टने विक्रेता भागीदारांना नेक्स्ट-जनरेशन जीएसटी सुधारणांबद्दल सतत जागरूकता मोहिमांद्वारे माहिती दिली आहे. सुलभ अंमलबजावणीसाठी एक सरलीकृत विक्रेता डॅशबोर्ड तयार करण्यात आला आहे जेणेकरून जीएसटी कपातीचे फायदे ग्राहकांना दिले जातील.
बंगळुरू – १७ सप्टेंबर २०२५: भारताची देशांतर्गत ई-वाणिज्य बाजारपेठ असलेले फ्लिपकार्ट उत्सवाचा हंगाम जवळ येत असताना आपली विक्रेता परिसंस्था मजबूत करत आहे. मागील सहा महिन्यांत विक्रेत्यांशी व्यवहार करणाऱ्यांमध्ये २५-३०% वाढ आणि उत्सवाच्या कालावधीपूर्वीच्या तिमाहीत (जून – ऑगस्ट २०२५) ३०% पर्यंत वाढ झाल्याने फ्लिपकार्ट मार्केटप्लेस लाखो एमएसएमई, कारागीर आणि उद्योजकांना भारतातील वर्षातील सर्वात मोठ्या शॉपिंग इव्हेंटसाठी तयारी करण्यास सक्षम करत आहे. एआय-संचालित साधने, सुलभ विक्रेता उपाययोजना, जलद सेटलमेंट आणि नवीन बाजारपेठांमध्ये स्थिर विस्तार यामुळे विक्रेत्यांना विक्रीत अधिक वाढ झाल्याचे दिसत असून ते आगामी उत्सवाच्या हंगामासाठी चांगल्या स्थितीत आहेत. प्रशिक्षण सत्रे, लाईव्ह कॉमर्ससारखे नवीन स्वरूप आणि विस्तारित पूर्तता पायाभूत सुविधांद्वारे हा वेग अधिक वाढवला जात आहे. त्यामुळे विक्रेत्यांच्या विक्रीत उत्सवाच्या वाढीदरम्यान शाश्वतपणे वाढ होईल याची खात्री होते.
फ्लिपकार्टने २०२५ च्या सुरुवातीपासून एक सुधारित सेलर हब आणि सेलर अॅप आणले आहे. त्यामुळे लिस्टिंग, नेव्हिगेशन आणि सेटलमेंट्स सोपे होतील, तसेच शुल्क सुलभ होईल आणि डिलिव्हरीचा वेग सुधारेल. विक्रेते किंमत, निवड, परतावा आणि बाजारातील ट्रेंडवरील रिअल-टाइम विश्लेषणासाठी मोफत उपलब्ध असलेल्या एआय-संचालित एनएक्सटी इनसाइट्स प्लॅटफॉर्मचा वापर करत आहेत. तसेच सीव्हीपी (कस्टमर व्हॅल्यू प्रपोझिशन) इनसाइट्स देखील वापरत आहेत कारण त्यातून निवड, गती आणि इन्व्हेंटरीवर जेनएआयचलित शिफारसी दिल्या जातात. ही साधने फॅशन, पुस्तके आणि सामान्य व्यापारी माल (बीजीएम) व इलेक्ट्रॉनिक्स अशा श्रेणींमध्ये विक्रेत्यांना अधिक स्पर्धात्मकतेने उत्सवाच्या मागणीला प्रतिसाद देण्यास मदत करत आहेत.
नवीन उद्योजकांना पाठिंबा देण्यासाठी फ्लिपकार्टचा न्यू सेलर सक्सेस प्रोग्राम सातत्याने चांगले परिणाम देत आहे. त्यातून पहिल्या ६० दिवसांत मोफत ऑनबोर्डिंग मदत आणि समर्पित खाते व्यवस्थापन दिल्यामुळे सुरुवातीच्या यशाच्या दरांमध्ये दुप्पट-तिप्पट वाढ झाली आहे. कंपनीची विक्रेता साखळी केवळ महानगरांमध्येच नाही तर परफ्यूम आणि सुगंधांसाठी ओळखल्या जाणाऱ्या कन्नौज; प्रमुख मातीकाम आणि सिरेमिक क्लस्टर असलेले खुर्जा; आणि हातमाग आणि कापडांसाठी प्रसिद्ध शांतीपूर अशा सांस्कृतिक आणि उदयोन्मुख व्यापार केंद्रांमध्ये वाढत आहे. या केंद्रांना डिजिटल होण्यास सक्षम करून फ्लिपकार्ट भारतातील ग्राहकांना खरोखरच अद्वितीय, स्थानिक स्तरावर उत्पादित उत्पादनांमध्ये प्रवेश देत असताना प्रादेशिक अभिमान आणि आर्थिक लवचिकता वाढवत आहे. या वर्षाच्या प्रारंभी कंपनीने जयपूर, सुरत आणि दिल्ली येथे झालेल्या विक्रेता शिखर परिषदेद्वारे 8,000 हून अधिक उद्योजकांशी संवाद साधला व समावेशकता आणि दीर्घकालीन विक्रेता सक्षमीकरणासाठीची आपली वचनबद्धता बळकट केली.
फ्लिपकार्टचे वरिष्ठ उपाध्यक्ष आणि मार्केटप्लेस प्रमुख साकेत चौधरी म्हणाले, “सणांचा हंगाम हा आमच्या विक्रेता समुदायासाठी एक महत्त्वाची संधी आहे आणि फ्लिपकार्ट त्यांना यशस्वी होण्यास मदत करण्यासाठी वचनबद्ध आहे. एनएक्सटी इनसाइट्स आणि सरलीकृत सेलर हब ऑपरेशन्स अशा एआय-नेतृत्वाखालील प्लॅटफॉर्मद्वारे आम्ही विक्रेत्यांना आत्मविश्वासाने विक्रीत वाढ करण्यासाठी योग्य साधने आणि ज्ञानाने सुसज्ज करत आहोत. कन्नौज आणि खुर्जा अशा नवीन व्यापार केंद्रांचा उदय, फॅशन, इलेक्ट्रॉनिक्स आणि बीजीएमसारख्या श्रेणींमध्ये मजबूत गतीसह, आमच्या बाजारपेठेची समावेशकता आणि लवचिकता प्रतिबिंबित करतो. आम्ही उत्सवाच्या हंगामात प्रवेश करत असताना, भारतातील ग्राहकांना मूल्य आणि विश्वास देताना संधींचा जास्तीत जास्त वापर करण्यासाठी विक्रेत्यांना पाठिंबा देण्यासाठी वचनबद्ध आहोत.”
हैदराबाद येथील बीटीएमव्हेंचर्सच्या मालक त्रिशा तलासानी म्हणाल्या, “सणांचा हंगाम हा आमच्या व्यवसायासाठी सर्वात महत्त्वाचा काळ आहे आणि फ्लिपकार्टने तयारी करणे आणि विक्री वाढवणे सोपे केले आहे. अद्ययावत विक्रेता केंद्र आणि एनएक्सटी इनसाइट्समुळे, मी काय फायदेशीर ठरते आहे याचा मागोवा घेऊ शकते, माझ्या इन्व्हेंटरीचे नियोजन करू शकते आणि जलद निर्णय घेऊ शकते. दक्षिणेकडील ग्रूमिंग कॅटेगरीचा विक्रेता म्हणून, फ्लिपकार्टच्या सततच्या पाठिंब्यामुळे यंदा माझा व्यवसाय ४००% ने वाढलाय. खाते व्यवस्थापकांकडून योग्य साधने आणि मार्गदर्शनामुळे मला यशस्वी ऑनलाइन व्यवसाय चालवण्यास मदत झाली आहे.”
हे उपक्रम फ्लिपकार्टचे समावेशक, जबाबदार आणि विकासाधारित बाजारपेठ तयार करण्याचे व्यापक ध्येय प्रतिबिंबित करतात. उत्सवांच्या मागणीत वाढ होत असताना फ्लिपकार्ट संपूर्ण भारतातील विक्रेत्यांसाठी नवीन संधी उघडत आहे. त्यामुळे डिजिटल कॉमर्स केवळ व्यवहारांसाठी एक व्यासपीठ बनत नाही तर परिवर्तन आणि शाश्वत वाढीचा चालक बनतो.
फ्लिपकार्ट आपल्या विक्रेत्यांसाठी जीएसटी अनुपालन सुलभ करण्यासाठी वचनबद्ध आहे, जेणेकरून ते त्यांच्या ग्राहकांना त्याचे फायदे अखंडपणे देऊ शकतील. फ्लिपकार्ट सुधारित जीएसटी स्लॅब आणि त्यांच्या परिणामांवर पारदर्शक संवाद साधत असून त्यांनी नवीन जीएसटी स्लॅबच्या स्वयंचलित बॅकएंड अपडेटसह विक्रेत्या डॅशबोर्डला सोपे केले आहे. जीएसटी बदलांबाबत विक्रेत्यांच्या कोणत्याही प्रश्नांचे निराकरण करण्यासाठी तपशीलवार प्रशिक्षण सत्रे आणि वेबिनार आयोजित केले जात आहेत.
फ्लिपकार्ट ग्रुपबद्दल
फ्लिपकार्ट ग्रुप हा भारताच्या आघाडीच्या डिजिटल वाणिज्य आस्थापनांपैकी एक असून त्यांच्याकडे फ्लिपकार्ट, मिंत्रा, फ्लिपकार्ट होलसेल, क्लिअरट्रिप आणि सुपर.मनी अशा कंपन्यांचे जाळे आहे.
फ्लिपकार्टची स्थापना २००७ साली झाली. त्यांनी लाखो विक्रेते, व्यापारी आणि लघु उद्योगांना भारताच्या डिजिटल वाणिज्य क्रांतीत सहभागी होण्यासाठी सक्षम केले आहे. फ्लिपकार्टच्या मार्केटप्लेसवर ५०० दशलक्षपेक्षा अधिक नोंदणीकृत ग्राहक आहेत आणि ८०+ वर्गवारींमध्ये १५० दशलक्षपेक्षा अधिक उत्पादने उपलब्ध आहेत. आज या प्लॅटफॉर्मवर शॉप्सी विक्रेत्यांसह १.४ दशलक्षपेक्षा जास्त विक्रेते आहेत. भारतीयांना तंत्रज्ञान आणि नावीन्यपूर्णतेद्वारे मौल्यवान अनुभव देऊन त्यांचे सक्षमीकरण करण्याचा व आनंद देण्याचा वसा घेतलेल्या फ्लिपकार्टने उद्योजकांच्या तसेच एमएसएमईंच्या अनेक पिढ्यांचे सबलीकरण करून हजारो रोजगार निर्माण केले आहेत. फ्लिपकार्टने कॅश ऑन डिलिव्हरी, नो कॉस्ट ईएमआय, ईझी रिटर्न्स आणि यूपीआयसारख्या सेवा सुरू केल्या आहेत. या ग्राहककेंद्री नावीन्यपूर्ण गोष्टींमुळे सर्व ग्राहकांना डिजिटल पेमेंट उत्पादनांचा लाभ मिळतो आणि लाखो भारतीयांना ऑनलाइन खरेदी परवडणाऱ्या दरात सहजसाध्य होते.
अधिक माहितीसाठी कृपया येथे लिहा media@flipkart.com
