पुणे, ३ नोव्हेंबर २०२५:
मेडिकव्हर केएलई हॉस्पिटल, पिंपरी येथे गंभीर प्रसूतीनंतरच्या गुंतागुंतींवर यशस्वी उपचार घेतलेल्या एका ३५ वर्षीय महिलेचा पूर्णपणे बरा होऊन डिस्चार्ज देण्यात आला आहे. रुग्णाला २१ ऑक्टोबर २०२५ रोजी प्रवरा मेडिकल ट्रस्ट, लोणी येथे सिझेरियन शस्त्रक्रिया करण्यात आली होती. त्यानंतर प्रकृती बिघडल्यामुळे तिला २४ ऑक्टोबर २०२५ रोजी गंभीर अवस्थेत मेडिकव्हर केएलई हॉस्पिटलमध्ये हलविण्यात आले.
रुग्णाला प्री-एक्लॅम्पसिया, प्लॅसेंटल अब्रप्शन, आणि ३६ आठवड्यांवर गर्भातील बाळाचा मृत्यू झाल्याचे निदान झाले होते. त्यासोबतच ती प्रसूतीनंतरचा अतिरक्तस्त्राव (PPH), अकस्मात मूत्रपिंड निकामी होणे (AKI), सेप्सिस, डिसेमिनेटेड इंट्रावॅस्क्युलर कोअग्युलेशन (DIC) आणि थ्रोम्बोटिक मायक्रोअँजिओपथीचा संशय अशा गुंतागुंतींनी ग्रस्त होती.
डॉ. रिजवान अब्दुल हकीम मलिक (फिजिशियन आणि डायबेटोलॉजिस्ट) यांच्या नेतृत्वाखाली आणि डॉ. शरयू राजेंद्र मिरजी (प्रसूती व स्त्रीरोग तज्ञ), डॉ. दीपक पाटील (प्लास्टिक सर्जन), आणि डॉ. पवन वाखरे (नेफ्रॉलॉजिस्ट) यांच्या बहुविषयक टीमच्या सहकार्याने रुग्णावर अत्यंत जटिल उपचार करण्यात आले. यात सेंट्रल लाईन व डायालिसिस कॅथेटर इन्सर्शन, हिमोडायलिसिस, आणि २४ ते २९ ऑक्टोबरदरम्यान चार वेळा प्लाझ्माफेरेसिस (प्लाझ्मा एक्स्चेंज) यांचा समावेश होता.
रुग्णावर अतिदक्षता विभागात (ICU) सतत निरीक्षण ठेवण्यात आले. अॅडव्हान्स्ड लाइफ सपोर्ट, अँटिबायोटिक थेरपी, आणि अनेक रक्त संक्रमण (ट्रान्सफ्युजन) यांच्या मदतीने तिची प्रकृती हळूहळू सुधारली. पुढे सर्व जीवनमानक चाचण्यांमध्ये स्थिरता आल्यावर तिला सामान्य वॉर्डमध्ये हलविण्यात आले.
३१ ऑक्टोबर २०२५ रोजी पुनर्विलोकनासाठी व सहाय्यक उपचारासाठी ती थोड्या कालावधीसाठी पुन्हा दाखल झाली होती. २ नोव्हेंबर २०२५ रोजी स्थिर रक्तदाब, समाधानकारक आरोग्य व आहार सहनशक्ती या निकषांवर तिचा डिस्चार्ज करण्यात आला. तिला घरी योग्य काळजी घेण्यास, संतुलित आहार घेण्यास व ७ नोव्हेंबर २०२५ रोजी आउटपेशंट विभागात फॉलोअपसाठी येण्याचा सल्ला देण्यात आला आहे.
या यशस्वी उपचाराबाबत बोलताना डॉ. रिजवान अब्दुल हकीम मलिक म्हणाले,
“या प्रकरणात रुग्णाचा जीव वाचविणे हे वेळेवर व समन्वयित बहुविषयक उपचाराचे फलित आहे. तिच्या प्रकृतीत झालेली सुधारणा आमच्यासाठी अत्यंत आनंददायी असून आम्ही तिच्या पुढील आरोग्यपूर्ण आयुष्याबाबत आशावादी आहोत.”
मेडिकव्हर केएलई हॉस्पिटलने या यशासाठी क्रिटिकल केअर, नेफ्रॉलॉजी, गायनॅकोलॉजी आणि नर्सिंग टीमचे समर्पित योगदान कौतुकास्पद असल्याचे नमूद केले आहे
