पुणे, दि. 30 (जिमाका, वृत्तसेवा): महाराष्ट्र संशोधन, उन्नती व प्रशिक्षण प्रबोधिनी (अमृत) तर्फे राज्यातील खुल्या प्रवर्गातील आर्थिकदृष्ट्या दुर्बल घटकांतील लक्षित गटातील उमेदवारांसाठी महाराष्ट्र लोकसेवा आयोग (MPSC) गट-ब (अराजपत्रित) सेवा मुख्य परीक्षा व मुलाखत पूर्वतयारीसाठी प्रोत्साहनपर अर्थसहाय्य योजना (सन २०२५-२६) राबविण्यात येत आहे.
सन २०२५-२६ मधील गट-ब संयुक्त पूर्व परीक्षा-२०२५ उत्तीर्ण उमेदवारांकडून ऑनलाईन अर्ज मागविण्यात येत असून इच्छुकांनी www.mahaamrut.org.in या संकेतस्थळावर अर्ज सादर करावा. अर्ज भरण्यापूर्वी सूचनांचे पालन करणे आवश्यक आहे.
या योजनेअंतर्गत पात्र उमेदवारांना मुख्य परीक्षेच्या तयारीसाठी रु. १०,००० तर मुलाखतीच्या तयारीसाठी रु. ५,००० इतके अर्थसहाय्य दिले जाणार आहे. योजनेविषयीची सर्व माहिती अमृतच्या अधिकृत संकेतस्थळावरच प्रसिद्ध केली जाईल.
ऑनलाईन अर्ज करण्याचा अंतिम दिनांक २७ एप्रिल २०२६ असा आहे. अधिक माहितीसाठी संबंधित जिल्हा अमृत कार्यालयाशी संपर्क साधावा.असे आवाहन अमृतचे व्यवपकीय संचालक यांनी केले आहे.
0000
