भारत आणि जागतिक स्तरावर व्यवसाय, गुंतवणूक आणि आर्थिक घडामोडींना आकार देणाऱ्या विषयांवर चर्चा करण्यासाठी कॉर्पोरेट आणि आर्थिक परिसंस्थेतील नेत्यांना सिटी इंडिया परिषद एकत्र आणते.
सखोल बाजारपेठेतील कौशल्य, जागतिक कनेक्टिव्हिटी आणि बाजारपेठांमधील धोरणात्मक संधींमध्ये प्रवेश याद्वारे क्लायंटला पाठिंबा देण्यासाठी हा मंच सिटीची दीर्घकालीन वचनबद्धता प्रतिबिंबित करतो.
भारतीय कंपन्यांच्या जागतिक स्तरावर जाण्याच्या आकांक्षांना सिटीचे जागतिक नेटवर्क समर्थन देते आणि बहुराष्ट्रीय कंपन्यांना भारतातील संधींशी जोडते.
मुंबई – मुंबईतील जिओ वर्ल्ड कन्व्हेन्शन सेंटर येथे 3 आणि 4 जून रोजी सिटी ग्रुपकडून त्यांचा प्रमुख उपक्रम इंडिया कॉन्फरन्स 2026 चे आयोजन करण्यात आले आहे. या परिषदेत 1,000 हून अधिक ग्राहक, 40 हून अधिक CXOs आणि 120 हून अधिक कॉर्पोरेट संस्था सहभागी होतील; ज्यांचे एकत्रित बाजार भांडवल अंदाजे 1.8 ट्रिलियन अमेरिकन डॉलर्स इतके आहे.
कॉर्पोरेट आणि वित्तीय क्षेत्रातील विविध घटकांमधील प्रमुखांना एकत्र आणणारी ही परिषद, चर्चासत्रे, नेटवर्किंग आणि ज्ञानाची देवाणघेवाण या माध्यमातून परस्परसंवादाच्या तसेच सहभागाच्या संधी निर्माण करेल.
भारत आणि जागतिक स्तरावर व्यवसाय, गुंतवणूक आणि आर्थिक घडामोडींना नव्याने आकार देणाऱ्या घटकांचे चिकित्सक परीक्षण करण्यासाठी एक मंच म्हणून हा दोन दिवसीय कार्यक्रम काम करेल. या सत्रांमध्ये स्थूल-आर्थिक दृष्टिकोन, धोरणात्मक वातावरण, भांडवली बाजार, गुंतवणुकीचे उदयोन्मुख कल, कृत्रिम बुद्धिमत्ता (AI), डिजिटल पायाभूत सुविधा आणि नावीन्य यांसारख्या विविध विषयांचा समावेश असेल.
सिटीचे (Citi) आशिया दक्षिण क्लस्टर आणि बँकिंग प्रमुख अमोल गुप्ते म्हणाले: “सिटी इंडिया परिषद जागतिक अर्थव्यवस्थेतील भारताच्या महत्त्वपूर्ण आणि वाढत्या भूमिकेवर प्रकाश टाकते; तसेच, जागतिक गुंतवणूकदार आणि व्यवसायांचा भारताच्या भविष्यावर असलेला विश्वासही ती प्रतिबिंबित करते. सिटीच्या भारतातील प्रवेशाला पुढील वर्षी 125 वर्षे पूर्ण होत असताना, भारतातील अत्यंत महत्त्वाकांक्षी कॉर्पोरेट्सना जागतिक संधींशी आणि बहुराष्ट्रीय कंपन्यांना भारतातील संधींशी जोडण्याचे कार्य अविरतपणे सुरू ठेवल्याचा आम्हाला सार्थ अभिमान वाटतो — ही परिषद याच प्रवासाच्या अगदी केंद्रस्थानी आहे.”
सिटी (Citi) चे भारत सीईओ, बँकिंग प्रमुख आणि भारतीय उपखंड सब क्लस्टर प्रमुख, के. बालसुब्रमण्यम म्हणाले: “महत्त्वाचे सरकारी अधिकारी, वरिष्ठ ग्राहक, प्रमुख गुंतवणूकदार आणि विचारवंत अशा लोकांचा समावेश असलेल्या या परिषदेचे यजमानपद भूषवताना सिटीला अत्यंत आनंद होत आहे. एक गुंतवणूक केंद्र म्हणून असलेले भारताचे महत्त्व ही परिषद अधोरेखित करेल, अशी अपेक्षा आहे; तसेच, बाजारातील अस्थिरतेच्या काळातही गुंतवणूकदारांना भारताच्या दीर्घकालीन विकासाच्या प्रवाहात सहभागी होण्याची संधी उपलब्ध करून देईल.
जागतिक बँक म्हणून आणि भारतात उपलब्ध असलेल्या आमच्या अग्रगण्य संस्थात्मक बँकिंग मंचाच्या माध्यमातून, विविध देशांतील दृष्टिकोन, धोरणात्मक भांडवल आणि परिवर्तनकारी कल्पनांना एकमेकांशी जोडण्याचे कार्य सिटी करते. ही परिषद म्हणजे आमच्या याच वचनबद्धतेचा एक स्वाभाविक विस्तार आहे. आम्हाला आशा आहे की, या परिषदेत सहभागी होणारा प्रत्येक व्यक्ती आपल्यासोबत नवीन दृष्टिकोन, अधिक दृढ संबंध आणि ‘भारतातील संधीं’विषयीची खात्री घेऊन परत जाईल.”
मार्केटचे संपूर्ण ज्ञान, जागतिक संपर्कजाळे आणि विविध बाजारपेठांमधील धोरणात्मक संधींची उपलब्धता—यांच्या माध्यमातून आपल्या ग्राहकांना साहाय्य करण्याच्या सिटीच्या दीर्घकालीन कटिबद्धतेचे प्रतिबिंब म्हणजे सिटी इंडिया कॉन्फ
रन्स.
***
