किफायतशीर हरित एनबीएफसी म्हणून सोलफिन भारतातील वितरित स्वच्छ ऊर्जा परिसंस्थेत तंत्रज्ञानाधारित सौर वित्तपुरवठ्याचा विस्तार करत असताना इन्व्हेस्टमेंट-ग्रेड रेटिंगमुळे संस्थात्मक स्रोतांकडून कर्ज उभारण्याची कंपनीची क्षमता अधिक बळकट झाली आहे.
राष्ट्रीय, 9 जुलै 2026: भारतातील सर्वात वेगाने वाढणाऱ्या हरित वित्तपुरवठा करणाऱ्या एनबीएफसींपैकी एक असलेल्या सोलफिन सस्टेनेबल फायनान्स प्रायव्हेट लिमिटेडने इन्व्हेस्टमेंट-ग्रेड केअर A- क्रेडिट रेटिंग मिळवल्यानंतर संस्थात्मक स्रोतांद्वारे 500-600 कोटी रु. चे कर्ज उभारण्याची तयारी सुरू केली आहे. भारतभर स्वच्छ ऊर्जा वित्तपुरवठ्याला गती देण्यासाठी जवळपास 1,000 कोटी रु. चे भांडवल वितरित करण्याचा कंपनीचा मानस आहे. कंपनीने नुकतीच 280 कोटी रु. ची इक्विटी गुंतवणूक प्राप्त केली असून काम सुरु झाल्यानंतरच्या पहिल्याच पूर्ण आर्थिक वर्षात नफा कमावण्याचा टप्पाही गाठला आहे. या घडामोडींमुळे भारतातील वेगाने विस्तारत असलेल्या वितरित अक्षय ऊर्जा परिसंस्थेला पाठबळ देण्यासाठी उभारण्यात आलेल्या संस्थात्मक पाठबळ असलेल्या हरित वित्तपुरवठा प्लॅटफॉर्मच्या दिशेने कंपनीच्या प्रवासातील हा एक महत्त्वपूर्ण टप्पा ठरला आहे.
भारताने 2030 पर्यंत जीवाश्म इंधनाव्यतिरिक्त 500 GW ऊर्जा क्षमता उभारण्याचे उद्दिष्ट ठेवले असताना, परवडणारा, वेळेवर उपलब्ध होणारा आणि विशेषीकृत वित्तपुरवठा हा देशाच्या स्वच्छ ऊर्जा परिवर्तनातील सर्वात महत्त्वाच्या सक्षम घटकांपैकी एक ठरत आहे. तांत्रिक प्रगती आणि सरकारच्या अनुकूल धोरणांमुळे सौरऊर्जेचा स्वीकार वेगाने वाढला असला, तरीही घरगुती ग्राहक, एमएसएमई, व्यावसायिक उद्योग आणि प्रकल्प विकासक किती वेगाने अक्षय ऊर्जा उपायांचा स्वीकार करू शकतील हे मोठ्या प्रमाणात वित्तपुरवठ्यावर अवलंबून आहे. याच आव्हानाला प्रतिसाद देण्यासाठी विशेषकरून हरित मालमत्तांकरता विकसित केलेला तंत्रज्ञान-प्रथम वित्तपुरवठा प्लॅटफॉर्म उभारण्याच्या उद्देशाने सोलफिनची स्थापना करण्यात आली.
स्थापनेपासून सोलफिनने विकसित करण्यात आलेल्या शिस्तबद्ध कर्ज जोखीम मूल्यमापन प्रक्रिया पद्धती, डेटा-आधारित पतमूल्यांकन प्रणाली आणि पूर्णपणे डिजिटल कर्ज प्रक्रियेवर आधारित एक वेगळी वित्तपुरवठा परिसंस्था उभारली आहे. आज कंपनी वारी एनर्जीजसारख्या आघाडीच्या उत्पादकांसह ईपीसी कंपन्या, डीलर्स, ओईएम आणि इतर भागीदारांचा समावेश असलेल्या 1,350 हून अधिक परिसंस्था भागीदारांसोबत कार्यरत आहे. निवासी, व्यावसायिक व औद्योगिक (C&I), समूह गृहनिर्माण संस्था, ईपीसी आणि डीलर या विभागांसाठी वित्तपुरवठा उपाय उपलब्ध करून देत आहे. कंपनीच्या एकात्मिक तंत्रज्ञान प्लॅटफॉर्ममुळे निवासी कर्ज मंजुरीसाठी लागणारा कालावधी काही आठवड्यांवरून काही दिवसांवर आला आहे, तर जटिल व्यावसायिक आणि औद्योगिक वित्तपुरवठ्याचा कालावधीही लक्षणीय पद्धतीने कमी करण्यात कंपनीला यश आले आहे.
कंपनीने नुकत्याच झालेल्या 280 कोटी रु. इक्विटी उभारणीतून आपला ताळेबंद अधिक मजबूत केला असून काम सुरु केल्यानंतरच्या पहिल्याच पूर्ण आर्थिक वर्षात नफा मिळवला आहे. यातून कंपनीच्या व्यवसाय मॉडेलची स्थिरता आणि वाढीबाबतचा शिस्तबद्ध दृष्टिकोन अधोरेखित होतो.
केअर A- रेटिंगसह या महत्त्वपूर्ण टप्प्यांमुळे सोलफिनला अधिक मजबूत संस्थात्मक विश्वासार्हता प्राप्त झाली असून, विकासासाठी आवश्यक भांडवलापर्यंत अधिक सुलभ प्रवेश मिळाल्याने कंपनी विस्ताराच्या पुढील टप्प्यात प्रवेश करण्यासाठी सक्षम झाली आहे.
या घडामोडीबाबत भाष्य करताना सोलफिन सस्टेनेबल फायनान्सचे सह-संस्थापक गौतम कौशिक आणि प्रमोद महांता म्हणाले, “भारताचा स्वच्छ ऊर्जा संक्रमणाचा प्रवास केवळ उत्पादनावर नव्हे, तर वित्तपुरवठ्यावर उभा राहणार आहे. देशभर वितरित अक्षय ऊर्जेचा विस्तार होत असताना, भांडवलाची उपलब्धता वाढत्या मागणीच्या अनुरूप राहील याची खात्री करण्यासाठी विशेषीकृत वित्तीय संस्थांची भूमिका अत्यंत निर्णायक असेल. आमची अलीकडील इक्विटी उभारणी, नफ्याचा टप्पा आणि आता मिळालेले केअर A- रेटिंग हे आम्ही उभारलेल्या संस्थेची एकत्रितपणे पुष्टी करतात. आम्ही अशी संस्था उभारली जी तंत्रज्ञान, शिस्तबद्ध अंडररायटिंग आणि सक्षम कॉर्पोरेट गव्हर्नन्स यांचा प्रभावी संगम साधत मोठ्या प्रमाणावर वित्तपुरवठा करण्यास सक्षम आहे. या रेटिंगमुळे संस्थात्मक स्रोतांकडून जबाबदारीने कर्ज उभारण्याची आमची क्षमता लक्षणीयरीत्या वाढली आहे. विशेषतः टियर 2 आणि टियर 3 बाजारपेठांमध्ये भारतभरातील घरमालक, एमएसएमई, उद्योग, ईपीसी आणि चॅनेल भागीदारांना, जलद, पारदर्शक आणि परिणामकारक वित्तपुरवठा उपाय अधिक व्यापकपणे उपलब्ध करून देण्यास आम्हाला मदत होईल.”
या रेटिंगमधून भारतातील आघाडीच्या अक्षय ऊर्जा कंपन्यांपैकी एक असलेल्या कंपनीचे प्रवर्तक वारी ग्रुपकडून मिळालेले धोरणात्मक पाठबळही प्रतिबिंबित होते. या पाठबळामुळे सोलफिनला या क्षेत्रातील सखोल कौशल्य आणि मजबूत परिसंस्थेचा लाभ मिळाला आहे. या एकात्मिक दृष्टिकोनाच्या बळावर सोलफिनने तंत्रज्ञान, क्षेत्रातील सखोल ज्ञान आणि वितरण भागीदारी यांचा प्रभावी मेळ साधणारा विशेषीकृत हरित वित्तपुरवठा प्लॅटफॉर्म उभारला आहे. भारताच्या ऊर्जा संक्रमणातील सर्वात मोठ्या आव्हानांपैकी एक असलेल्या परवडणाऱ्या आणि कार्यक्षम वित्तपुरवठ्याच्या उपलब्धतेतील दरी भरून काढण्याच्या दिशेने हा प्लॅटफॉर्म कार्यरत आहे.
