पुणे: श्री शिवाजी मराठा सोसायटी कॉलेज ऑफ आर्किटेक्चरचा पदवीप्रदान सोहळा उत्साहात संपन्न झाला. यावेळी विविध गुणदर्शन कार्यक्रमाचे आणि माजी विद्यार्थ्यांच्या सन्मान सोहळ्याचे देखील आयोजन करण्यात आले होते.
सहकारनगरमधील समाजभूषण विठ्ठलराव सातव हॉल मध्ये कार्यक्रम झाला. यावेळी प्रमुख पाहुणे महाराष्ट्र राज्याचे नगररचना विभागाचे उपसंचालक डी. एल वाघमोडे, संस्थेचे उपाध्यक्ष राजेंद्र जगताप, मानद सहसचिव विकास गोगावले, खजिनदार जगदीश जेधे उपस्थित होते.
कार्यक्रमाचे दिपप्रज्वलन प्रमुख पाहुणे व संस्थेचे पदाधिकारी यांच्या हस्ते झाले. कार्यक्रमामध्ये विद्यार्थ्यांनी विविध कला गुणांचे सादरीकरण केले. तसेच माजी विद्यार्थ्यांना सन्मानचिन्ह व प्रमाणपत्र देऊन गौरविण्यात आले. कार्यक्रमामध्ये माजी विद्यार्थ्यांचा मोठा सहभाग लाभला. महाविद्यालयाचे प्राचार्य डॉ. बजरंग सुतार यांनी आभार व्यक्त केले.
