लिंक:
https://www.bseindia.com/corporates/download/325308/IPO%20Prior/2DRHP_20260821021405.pdf
ॲटमबर्ग टेक्नॉलॉजीज लिमिटेडने आपल्या आयपीओसाठी बाजार नियामक सिक्युरिटीज अँड एक्स्चेंज बोर्ड ऑफ इंडिया (सेबी) कडे आपला ड्राफ्ट रेड हेरिंग प्रॉस्पेक्टस (डीआरएचपी) सादर केला आहे.
या आयपीओ मध्ये प्रत्येकी 10 रु. दर्शनी मूल्य असलेल्या इक्विटी शेअर्सचा 450 कोटी रु.पर्यंतचे फ्रेश इश्यू आणि प्रत्येकी 10 रु. दर्शनी मूल्य असलेल्या 76,542,051 इक्विटी शेअर्सची ऑफर फॉर सेल यांचा समावेश आहे.
कंपनीकडून मिळणाऱ्या निव्वळ उत्पन्नाचा प्रामुख्याने वापर काही कर्जांची पूर्णतः किंवा अंशतः परतफेड/पूर्वपरतफेड करण्यासाठी 90 कोटी रु., ब्रँडविषयी जागरूकता वाढविण्यासाठी आणि परफॉर्मन्स मार्केटिंग उपक्रमांसाठी 150 कोटी रु., तसेच संशोधन आणि विकासामध्ये गुंतवणुकीसाठी 100 कोटी रु. करण्यात येणार आहे. उर्वरित निव्वळ उत्पन्नाचा वापर सर्वसाधारण कॉर्पोरेट उद्देशांसाठी केला जाईल.
2012 मध्ये मनोज मीना यांनी स्थापन केलेल्या आणि त्यानंतर 2013 मध्ये सह-संस्थापक म्हणून सिबब्रत दास सहभागी झालेली ॲटमबर्ग ही डीप-टेक, संशोधन आणि विकास (R&D) केंद्रित कंपनी आहे. भारतीय घरांसाठी “ॲटमबर्ग” या ब्रँडअंतर्गत मिक्सर ग्राइंडर, वॉटर प्युरिफायर आणि कोल्ड-प्रेस्ड ज्यूसर यांसह अत्याधुनिक ग्राहकोपयोगी उपकरणे कंपनी विकसित करते. तसेच, आपली उपकंपनी ॲटमबर्ग इनोव्हेशन्स प्रायव्हेट लिमिटेडमार्फत विविध उद्योगांमधील व्होल्टास, गोदरेज आणि ब्लूस्टार यांसारख्या एंटरप्राइज ग्राहकांसाठी मोटर्स आणि कंट्रोलर्ससह मालकी हक्काधारित आणि महत्त्वपूर्ण घटकांची रचना, निर्मिती आणि पुरवठा कंपनी करते. कंपनीचे कामकाज दोन भागांमध्ये विभागलेले आहे: ग्राहकोपयोगी उपकरण व्यवसाय आणि मालकी हक्काधारित घटक विभाग.
स्केल्ड ग्राहकोपयोगी उपकरण कंपन्यांमध्ये भारतातील प्रीमियम फॅन्सच्या विभागात ॲटमबर्गचा बाजारातील हिस्सा सर्वाधिक आहे. या विभागात सरासरी विक्री किंमत 3,500 रु. पेक्षा जास्त असलेल्या पंख्यांचा समावेश होतो. किचन अप्लायन्सेस विभागातील वॉटर प्युरिफायर हे 2025 मध्ये सादर करण्यात आलेले कंपनीचे सर्वात नवीन उत्पादन आहे. रेडसीर अहवालानुसार, आर्थिक वर्ष 2026 मध्ये बाजारातील ऑपरेटिंग किमतीवर झालेल्या एकत्रित विक्री मूल्याच्या आधारे ॲटमबर्गचा बाजारातील हिस्सा अंदाजे 46.08% होता.
तंत्रज्ञानावर आधारित उत्पादन विकासाचा परिणाम उत्पादनांच्या विश्वासार्हतेतही दिसून येतो. आर्थिक वर्ष 2026 मध्ये भारतातील स्केल्ड ग्राहकोपयोगी उपकरण कंपन्यांमध्ये ॲटमबर्गच्या अत्याधुनिक BLDC सीलिंग फॅन पोर्टफोलिओचा उत्पादन बिघाड दर सर्वात कमी होता. यातून कंपनीच्या तंत्रज्ञान प्लॅटफॉर्मची तसेच एकात्मिक उत्पादन गुणवत्ता-नियंत्रण प्रक्रियांची क्षमता अधोरेखित होते. आर्थिक वर्ष 2024 ते 2026 दरम्यान कामकाजातून मिळणाऱ्या महसुलाच्या आधारे भारतातील सूचीबद्ध स्केल्ड ग्राहकोपयोगी उपकरण कंपन्यांमध्ये ॲटमबर्ग ही सर्वात वेगाने वाढणारी कंपनी आहे.
ॲटमबर्ग आपल्या उत्पादनांची विक्री ऑफलाइन आणि ऑनलाइन अशा दोन्ही माध्यमांचा समावेश असलेल्या सर्वचॅनेल वितरण मॉडेलद्वारे करते. ऑफलाइन माध्यमांमध्ये जनरल ट्रेड वितरक, किरकोळ विक्रेते, मॉडर्न ट्रेड चेन आणि संस्थात्मक भागीदारांचा समावेश होतो, तर ऑनलाइन माध्यमांमध्ये ई-कॉमर्स मार्केटप्लेस, क्विक-कॉमर्स प्लॅटफॉर्म आणि atomberg.com यांचा समावेश होतो.
31 मार्च 2026 रोजी कंपनीच्या जनरल ट्रेड नेटवर्कमध्ये अंदाजे 626 वितरक आणि थेट डीलर्स तसेच सुमारे 1,600 शहरे आणि गावांमधील 46,932 रिटेल टचपॉइंट्सचा समावेश होता. कंपनीची उपस्थिती भारतातील सर्व राज्यांमध्ये आहे. कंपनीच्या सेवा नेटवर्कचा विस्तार भारतातील 18,000 हून अधिक पिन कोडपर्यंत होता. विविध श्रेणींमधील इन्स्टॉलेशन आणि विक्रीनंतरच्या सेवांसाठी प्रशिक्षित इन-हाऊस एजंट्स आणि थर्ड पार्टी सेवा पुरवठादारांच्या मदतीने हे नेटवर्क कार्यरत आहे.
आर्थिक वर्ष 26 मध्ये, ॲटमबर्गच्या ऑफलाइन ग्राहकोपयोगी उपकरण व्यवसायाच्या महसुलात टियर 2+ शहरांचा सर्वाधिक 49.57% वाटा होता. त्यानंतर महानगरांचा 30.91% आणि टियर 1 शहरांचा 19.52% वाटा होता. यावरून कंपनीच्या विक्रीमधील भौगोलिकदृष्ट्या व्यापक वैविध्य दिसून येते.
ॲटमबर्गतर्फे महाराष्ट्रातील पुणे येथे भाडेतत्त्वावर घेतलेल्या दोन उत्पादन सुविधांचे कार्यान्वयन केले जाते. या सुविधा कंपनीच्या ग्राहकोपयोगी उपकरणे आणि मालकी हक्काधारित घटक व्यवसायांना सहाय्य करतात. आर्थिक वर्ष 2022 मध्ये कार्यान्वित झालेली आणि 2,83,000 चौरस फुटांपेक्षा अधिक क्षेत्रफळ असलेल्या चाकण सुविधा केंद्रात सीलिंग फॅन्स, टेबल, पेडेस्टल आणि वॉल फॅन्स, एक्झॉस्ट फॅन्स, मिक्सर ग्राइंडर्स, कोल्ड-प्रेस्ड ज्यूसर्स आणि स्मार्ट लॉकचे उत्पादन केले जाते. AIPL द्वारे संचालित चाकण-वराळे सुविधा केंद्र अंदाजे 159,000 चौरस फुटांमध्ये पसरलेले असून, विविध उपकरण क्षेत्रांमधील OEMs साठी मालकी हक्काधारित मोटर्स, इलेक्ट्रॉनिक असेंब्ली आणि संबंधित घटकांचे उत्पादन करते. या सुविधेत EMS, ऑटोमेटेड मोटर असेंब्ली, व्हर्टिकल इंजेक्शन मोल्डिंग, BMC मोल्डिंग, स्टेटर वाइंडिंग आणि रोटर असेंब्ली यांसारख्या क्षमता आहेत.
ॲटमबर्गने सातत्याने नाविन्यपूर्णतेवर आधारित उत्पादन विकासामध्ये गुंतवणूक केली आहे. याला 254 अभियंत्यांच्या मजबूत संशोधन आणि विकास टीमचे पाठबळ आहे. 31 मार्च 2026 रोजी हे अभियंते कंपनीच्या कायमस्वरूपी कर्मचाऱ्यांच्या एकूण संख्येच्या 25.32% होते. आर्थिक वर्ष 2026 मध्ये कंपनीने संशोधन आणि विकास यावर 86.79 कोटी रु. खर्च केले. हे कामकाजातून मिळणाऱ्या महसुलाच्या 6.71% इतके आहे. रेडसीर अहवालानुसार, भारतातील सूचीबद्ध स्केल्ड ग्राहकोपयोगी उपकरण कंपन्यांमध्ये महसुलाच्या टक्केवारीनुसार हा सर्वाधिक संशोधन आणि विकास खर्च होता. हा खर्च स्पर्धक कंपन्यांच्या 1% पेक्षा कमी असलेल्या सरासरीच्या तुलनेत लक्षणीयरीत्या अधिक आहे. यावरून तंत्रज्ञान आणि उत्पादनातील नाविन्यपूर्णता यावर ॲटमबर्गचा असलेला मजबूत भर अधोरेखित होतो.
आर्थिक वर्ष 2026 मध्ये कामकाजातून मिळणारा महसूल 1293.77 कोटी रु. होता. आर्थिक वर्ष 2025 मधील 959.51 कोटी रु. आणि आर्थिक वर्ष 2024 मधील 796.98 कोटी रु.च्या तुलनेत तो अधिक आहे. वर्षासाठीची रीस्तेटेड तूट आर्थिक वर्ष 2024 मधील 1,99.08 कोटी रु.वरून आर्थिक वर्ष 26 मध्ये 148.88 कोटी रु.पर्यंत कमी झाली आहे.
ऑनलाइन माध्यमांमधून मिळणारा महसूल आर्थिक वर्ष 2024 मधील 234.51 कोटी रु.वरून आर्थिक वर्ष 2026 मध्ये 456.45 कोटी रु.पर्यंत वाढला, तर ऑफलाइन माध्यमांमधून मिळणारा महसूल याच कालावधीत 562.47 कोटी रु.वरून 820.11 कोटी रु.पर्यंत वाढला. ग्राहकोपयोगी उपकरण व्यवसायाच्या महसुलात ऑनलाइन माध्यमांचा वाटा अंदाजे 35.76% होता, जो स्पर्धक कंपन्यांच्या ऑनलाइन वाट्याच्या तुलनेत लक्षणीयरीत्या अधिक आहे.
ॲटमबर्ग आर्थिक वर्ष 2026 मध्ये फॅन्स, किचन अप्लायन्सेस, वॉटर प्युरिफिकेशन आणि स्मार्ट होम उत्पादनांच्या अंदाजे 4.60 अब्ज डॉलर अशा संरचनात्मकदृष्ट्या विस्तारत असलेल्या एकूण उपलब्ध बाजारपेठेत (TAM) कार्यरत आहे. वाढते उत्पन्न, शहरीकरण, प्रीमियम उत्पादनांकडे वाढता कल आणि ऊर्जा-कार्यक्षम तंत्रज्ञानाची वाढती मागणी यामुळे या बाजारपेठेला चालना मिळत आहे. वॉटर प्युरिफायर्स (~1.30 अब्ज डॉलर) आणि मोटराइज्ड फूड प्रिपरेशन (~0.80 अब्ज डॉलर) यांसारख्या प्रमुख संलग्न श्रेणींमध्ये अद्याप बाजारपेठेतील प्रवेश कमी असून, या श्रेणींमध्ये प्रीमियम उत्पादनांकडे वेगाने कल वाढत आहे.
आयसीआयसीआय सिक्युरिटीज लिमिटेड, अव्हेंडस कॅपिटल प्रायव्हेट लिमिटेड आणि आयआयएफएल कॅपिटल सर्व्हिसेस लिमिटेड (पूर्वी आयआयएफएल सिक्युरिटीज लिमिटेड म्हणून ओळखली जाणारी) हे या इश्यूचे बँकर्स आहेत.
