मुंबई, १ सप्टेंबर २०२६: ऑडी या जर्मन लक्झरी कार उत्पादक कंपनीने आज भारतात ऑल-न्यू ऑडी क्यू३ च्या बुकिंगला सुरुवात केली आहे. ही एसयूव्ही १,००,००० रूपये या सुरुवातीच्या बुकिंग रक्कमेसह ऑडी इंडियाची वेबसाइट, ‘मायऑडी कनेक्ट’ अॅप्लिकेशनवर किंवा ऑडी इंडियाच्या डीलरशिपद्वारे बुक केली जाऊ शकते.
ऑडी इंडियाचे ब्रँड डायरेक्टर श्री. बलबीर सिंग धिल्लों म्हणाले, “आज आम्हाला ऑल-न्यू ऑडी क्यू३ ची बुकिंग सुरू करताना अत्यंत आनंद होत आहे. ही नवीन कार आजच्या ऑडी ग्राहकाला हव्या असणाऱ्या सर्व गोष्टींचा उत्तम संगम आहे. आकर्षक व आधुनिक डिझाइन, अत्याधुनिक तंत्रज्ञान, डायनॅमिक परफॉर्मन्स आणि दैनंदिन वापरासाठीची उपयुक्तता. ही कार पूर्णपणे ऑडीचीच वैशिष्ट्ये जपून आहे. तरीही अधिक वैशिष्ट्यपूर्ण, अधिक सोपी आणि आजच्या ग्राहकांच्या जीवनशैलीशी जोडलेली आहे. नवीन क्यू३ बाबत ग्राहकांमध्ये प्रचंड उत्सुकता पाहायला मिळाली आहे आणि आमचा एसयूव्ही पोर्टफोलिओ अधिक दृढ करण्याच्या दिशेने हे बुकिंग सुरू होणे महत्त्वाचा टप्पा आहे.”
नवीन ऑडी क्यू३ आकर्षक डिझाइन, विश्वासार्ह कार्यक्षमता आणि दैनंदिन वैविध्यततेचा मेळ साधत ऑडीच्या ‘क्यू’ श्रेणीतील आपले स्थान अधिक दृढ करते. दमदार २.०-लिटर पेट्रोल इंजिनची शक्ती असलेली ही ऑल-न्यू ऑडी क्यू३ ऑडीच्या प्रसिद्ध क्वाट्रो ऑल-व्हील ड्राईव्ह तंत्रज्ञानासह आणि या सेगमेंटमधील अनेक पहिल्या वैशिष्ट्यांसह बाजारपेठेत उपलब्ध होणार आहे.
