विमाननगर, पुणे (प्रतिनिधी) :
मातृत्व आणि पितृत्वाचे स्वप्न पाहणाऱ्या असंख्य दांपत्यांच्या जीवनात आशेची नवी किरणे निर्माण करणाऱ्या क्रिस्टा आयव्हीएफ फर्टिलिटी सेंटर, पुणेचा चौथा वर्धापनदिन विमाननगर येथे उत्साहपूर्ण वातावरणात साजरा करण्यात आला. प्रसिद्ध अभिनेत्री जुई गडकरी यांच्या विशेष उपस्थितीत झालेल्या या सोहळ्यात क्रिस्टा आयव्हीएफच्या उपचारातून पालकत्वाचा आनंद मिळवलेल्या अनेक दांपत्यांचा विशेष भेटवस्तू देऊन सन्मान करण्यात आला.
क्रिस्टा आयव्हीएफ ग्रुपचे *संस्थापक श्री. धीरज जैन* आणि *संचालक डॉ. नीता जैन* यांच्या मार्गदर्शनाखाली संस्थेने गेल्या चार वर्षांत फर्टिलिटी उपचार क्षेत्रात उल्लेखनीय वाटचाल केली आहे. या कालावधीत ३० हजारांहून अधिक आनंदी परिवारांच्या प्रवासात क्रिस्टा आयव्हीएफ सहभागी झाले, हा महत्त्वाचा टप्पा संस्थेने गाठला आहे.
आयव्हीएफ उपचार ही केवळ वैद्यकीय प्रक्रिया नसून, त्यामागे प्रत्येक दांपत्याची आशा, प्रतीक्षा, भावनिक संघर्ष आणि पालकत्वाचे स्वप्न जोडलेले असते. हीच भावना लक्षात घेऊन आधुनिक वैद्यकीय उपचारांसोबत रुग्णांना मानसिक आधार, समुपदेशन, आपलेपणा आणि विश्वास देण्यावर क्रिस्टा आयव्हीएफचा विशेष भर राहिला आहे.
अभिनेत्री जुई गडकरी यांनी केले क्रिस्टा आयव्हीएफचे कौतुक
या प्रसंगी *अभिनेत्री जुई गडकरी* यांनी क्रिस्टा आयव्हीएफच्या कार्याचे कौतुक केले. पालकत्वाचा प्रवास हा प्रत्येक दांपत्यासाठी अत्यंत भावनिक आणि आयुष्य बदलून टाकणारा अनुभव असतो. वैद्यकीय क्षेत्रातील प्रगतीमुळे आज अनेक कुटुंबांना नव्या आशेची आणि आनंदाची संधी मिळत आहे. अशा वेळी रुग्णांच्या भावनांचा आदर राखून त्यांना विश्वास आणि सकारात्मक आधार देणाऱ्या संस्थांची भूमिका अत्यंत महत्त्वाची आहे, असे त्यांनी सांगितले.
क्रिस्टा आयव्हीएफच्या चार वर्षांच्या यशस्वी प्रवासाबद्दल शुभेच्छा देताना भविष्यातही अधिकाधिक कुटुंबांच्या जीवनात आनंद फुलविण्याची अपेक्षा जुई गडकरी यांनी व्यक्त केली.
पालकत्वाचा आनंद मिळालेल्या दांपत्यांचा भावपूर्ण सन्मान
वर्धापनदिन सोहळ्याचे विशेष आकर्षण ठरले ते क्रिस्टा आयव्हीएफच्या उपचारातून पालकत्वाचा आनंद मिळवलेल्या दांपत्यांचा भावपूर्ण सन्मान. पुणे आणि परिसरातील विविध भागांतून आलेल्या दांपत्यांनी आपले अनुभव व्यक्त करत क्रिस्टा आय वी एफ परिवाराप्रती कृतज्ञता व्यक्त केली.
“आमच्यासाठी हा केवळ उपचार नव्हता, तर पालकत्वाच्या आमच्या स्वप्नाला मिळालेली नवी दिशा होती,” अशा भावना अनेक पालकांनी व्यक्त केल्या. डॉक्टर, परिचारिका, समुपदेशक आणि क्रिस्टा आय वी एफ च्या संपूर्ण टीमने दिलेला वैद्यकीय तसेच मानसिक आधार या प्रवासातील महत्त्वाचा भाग ठरल्याचे त्यांनी सांगितले.
या प्रसंगी क्रिस्टा आयव्हीएफच्या वरिष्ठ फर्टिलिटी कन्सल्टंट डॉ. मुग्धा रुस्तगी बोरावके यांच्यासह क्रिस्टा आयव्हीएफचे सर्व कर्मचारी उपस्थित होते. खराडी महिला संघटनेचे प्रतिनिधी तसेच पुणे आणि परिसरातील अनेक रुग्ण व त्यांचे कुटुंबीयही या सोहळ्यात सहभागी झाले होते.
अत्याधुनिक तंत्रज्ञानासोबत मानवी संवेदनशीलतेवर भर
अत्याधुनिक तंत्रज्ञान, अनुभवी वैद्यकीय तज्ज्ञ, प्रशिक्षित कर्मचारी आणि रुग्णकेंद्री उपचारपद्धती यांच्या माध्यमातून क्रिस्टा आयव्हीएफने फर्टिलिटी उपचार क्षेत्रात आपली स्वतंत्र ओळख निर्माण केली आहे.
बदलत्या काळानुसार फर्टिलिटी उपचार क्षेत्रातील तंत्रज्ञान आणि संशोधन वेगाने पुढे जात आहे. या बदलांचा स्वीकार करून अधिक प्रभावी आणि आधुनिक उपचार उपलब्ध करून देण्यावर संस्थेचा विशेष भर आहे.
पुण्यापुरते कार्य मर्यादित न ठेवता देशभरातील अधिकाधिक दांपत्यांपर्यंत आधुनिक फर्टिलिटी उपचार पोहोचविण्याच्या दिशेने क्रिस्टा परिवाराची वाटचाल सुरू आहे. “रुग्णांचा विश्वास हीच संस्थेची खरी ताकद आहे,” ही भावना यावेळी अधोरेखित करण्यात आली.
समाजासाठी मातृत्वाचा सकारात्मक संदेश
आजच्या बदलत्या जीवनशैलीत अनेक दांपत्यांना पालकत्वाच्या प्रवासात विविध अडचणींचा सामना करावा लागतो. अशा परिस्थितीत वंध्यत्व किंवा फर्टिलिटीशी संबंधित समस्यांकडे नकारात्मक किंवा लाजेच्या दृष्टिकोनातून न पाहता, ही एक वैद्यकीय समस्या असून योग्य तज्ज्ञांचा सल्ला आणि उपचार घेणे हा सकारात्मक मार्ग आहे, असा महत्त्वपूर्ण सामाजिक संदेश या सोहळ्यातून देण्यात आला.
पालकत्वाचे स्वप्न पाहणाऱ्या कोणत्याही दांपत्याने निराश होऊ नये. एकमेकांना भावनिक आधार द्यावा आणि गरज भासल्यास योग्य वैद्यकीय तज्ज्ञांचे मार्गदर्शन घ्यावे. मातृत्व ही केवळ महिलेची जबाबदारी नसून संपूर्ण कुटुंबाच्या भावविश्वाशी जोडलेला एक सुंदर प्रवास आहे, हा सकारात्मक संदेशही यावेळी देण्यात आला.
क्रिस्टा आयव्हीएफच्या चार वर्षांची वाटचाल ही केवळ ३० हजारांहून अधिक आनंदी परिवारांची आकडेवारी नसून, हजारो कुटुंबांच्या जीवनात आलेल्या आशा, आनंद आणि नव्या सुरुवातीची कहाणी आहे. एका कुटुंबाच्या जीवनात चिमुकल्या पावलांचे आगमन घडवून आणणे ही केवळ वैद्यकीय यशाची बाब नसून, त्या कुटुंबाला मिळालेली आयुष्यभराची नवी उमेद आहे.
त्यामुळे क्रिस्टा आयव्हीएफचा चौथा वर्धापनदिन हा संस्थेच्या यशाचा उत्सव न ठरता ‘आशेपासून आनंदापर्यंत’ पोहोचलेल्या हजारो कुटुंबांच्या भावनिक प्रवासाचा उत्सव ठरला.
अधिक *माहितीसाठी..9266337181*
