मुंबई, ९ सप्टेंबर २०२६: पेट्रोनास ग्रुपचा भाग आणि प्रगत ऑटोमोटिव्ह व औद्योगिक ल्युब्रिकंट तंत्रज्ञानातील एक विश्वासू नाव असलेली पेट्रोनास ल्युब्रिकंट्स इंडिया आणि भारतातील सर्वात मोठी व्यावसायिक वाहन उत्पादक कंपनी टाटा मोटर्स यांनी वापरलेल्या ऑटोमोटिव्ह ल्युब्रिकंट्सच्या जबाबदार संकलन आणि पुनर्वापरासाठी (रिसायकलिंगसाठी) सामंजस्य करारावर (एमओयू) स्वाक्षरी केली आहे. दोन्ही कंपन्या महाराष्ट्र आणि तामिळनाडूमध्ये एकाच वेळी एक संरचनात्मक आणि विस्तारयोग्य (स्केलेबल) मॉडेल प्रायोगिक तत्त्वावर राबवतील. हा सहयोग शाश्वततेच्या एका महत्त्वाच्या आव्हानाला सामोरे जाण्यासाठी दोन उद्योग क्षेत्रांतील दिग्गजांच्या परस्परपूरक क्षमतांना एकत्र आणतो. हे भारताच्या विकसित होत असलेल्या एक्सटेंडेड प्रोड्यूसर रिस्पॉन्सिबिलिटी (ईपीआर) चौकटीच्या पालनालाही पाठिंबा देते आणि देशाच्या चक्रीय अर्थव्यवस्थेच्या आकांक्षांना पुढे नेते.
“पुनर्प्रक्रिया केलेल्या बेस ऑइलचा (री-रिफाइंड बेस ऑइलचा) पुन्हा नवीन ल्युब्रिकंट्समध्ये समावेश केला जातो, तेव्हाच वापरलेल्या तेलाच्या बाबतीत खऱ्या चक्रीयतेची सुरुवात होते. टाटा मोटर्ससोबत आमचा सहयोग वापरलेल्या तेलाच्या चक्रीयतेसाठी स्केलेबल मॉडेल तयार करण्याच्या दृष्टीने महत्त्वाचे पाऊल आहे आणि आमच्या ऑपरेशन्समध्ये कार्बन फूटप्रिंट लक्षणीयरीत्या कमी करण्यासाठी आम्ही काम करत असताना आमच्या चॅनेल नेटवर्कची ताकद दर्शवते,” असे प्रायोगिक प्रकल्पाचा शुभारंभ करताना पेट्रोनास ल्युब्रिकंट्स इंडियाचे इंडिया एमडी श्री. बीनू चंडी म्हणाले.
“टाटा मोटर्समध्ये, शाश्वततेला प्रोत्साहन देणाऱ्या पद्धती आणि सहयोग या चक्रीय अर्थव्यवस्थेच्या तत्त्वांना पुढे नेण्यासाठी आणि संपूर्ण ऑटोमोटिव्ह व्हॅल्यू चेनमध्ये अर्थपूर्ण पर्यावरणीय प्रभाव निर्माण करण्यासाठी अविभाज्य आहेत. पेट्रोनास ल्युब्रिकंट्स इंडियासोबत आमच्या सहयोगाद्वारे, आम्ही वापरलेल्या ऑटोमोटिव्ह ल्युब्रिकंट्सचे संकलन, पुनर्प्राप्ती (रिकव्हरी) आणि पुनर्वापर (रिसायकलिंग) यासाठी संरचनात्मक फ्रेमवर्क प्रस्थापित करण्याच्या दिशेने महत्त्वपूर्ण पाऊल उचलत आहोत. हा प्रायोगिक उपक्रम जबाबदार संसाधन व्यवस्थापनाच्या आमच्या कटीबद्धतेशी जुळणारा आहे आणि भारताच्या व्यापक शाश्वततेच्या आकांक्षांना पाठिंबा देतो. आमच्या दोन्ही कंपन्यांच्या परस्परपूरक क्षमता आणि कौशल्यांना एकत्र आणून, दीर्घकालीन मूल्य निर्माण करू शकणाऱ्या आणि संपूर्ण उद्योगाच्या प्रगतीला हातभार लावू शकणाऱ्या स्केलेबल युज्ड-ऑइल रिसायकलिंग मॉडेलच्या व्यवहार्यतेचे मूल्यांकन करण्याचे आमचे उद्दिष्ट आहे,” असे टाटा मोटर्स लिमिटेडचे स्पेअर्स आणि नॉन-वेईकल बिझनेसचे प्रमुख श्री. विक्रम अग्रवाल म्हणाले.
हा उपक्रम धोकादायक कचरा म्हणून वर्गीकृत केलेल्या वापरलेल्या ल्युब्रिकंट्सचे संकलन आणि साठवणुकीपासून ते रिसायकलिंगपर्यंत व्यवस्थापन करण्यासाठी संघटित आणि मागोवा घेण्यायोग्य (ट्रेसेबल) यंत्रणा प्रस्थापित करेल, जिथे वापरलेल्या तेलाचे उच्च-गुणवत्तेच्या री-रिफाइंड बेस ऑइलमध्ये रूपांतर केले जाऊ शकते. पेट्रोनास ल्युब्रिकंट्स इंडिया प्राधिकृत आणि विशेष संकलन यंत्रणेद्वारे वापरलेल्या ल्युब्रिकंट्सचे एकत्रीकरण आणि वाहतूक प्रायोगिक तत्त्वावर करेल, ते अधिकृत, नोंदणीकृत रिसायकलर्सपर्यंत पोहोचतील याची खात्री करेल, तर टाटा मोटर्स संरचनात्मक संकलन सक्षम करण्यासाठी आणि संपूर्ण परिसंस्थेमध्ये जबाबदार विल्हेवाटीला प्रोत्साहन देण्यासाठी आपल्या व्यापक अधिकृत सेवा नेटवर्कचा वापर करेल. संसाधनांची कार्यक्षमता सुधारून आणि पर्यावरणीय धोका कमी करून हा प्रायोगिक उपक्रम जबाबदार कचरा व्यवस्थापनाचे मापदंड प्रबळ करण्याचा आणि भारताच्या चक्रीय, संसाधन-कार्यक्षम अर्थव्यवस्थेकडे होणाऱ्या व्यापक संक्रमणास पाठिंबा देण्याचा प्रयत्न कर
तो.
