असुरक्षित समुदायांच्या सक्षमीकरणात गतिशीलता या श्रेणीत मुंबईतील अनुभूती चॅरिटेबल ट्रस्ट विजेता घोषित
रस्ते सुरक्षेतील उत्कृष्टता आणि नाविन्य या श्रेणीत युनायटेड वे ऑफ मुंबई विजेता घोषित
चंद्रपूरच्या MITCON फोरम फॉर सोशल डेव्हलपमेंट संस्थेची परीक्षक मंडळाकडून प्रशंसा
पुणे (09 सप्टेंबर, 2026) — ब्रिजस्टोन इंडियाच्या मोबिलिटी सोशल इम्पॅक्ट अॅवॉर्ड्स 2026 च्या 6व्या आवृत्तीत महाराष्ट्रातील 3 स्वयंसेवी संस्थांना समाजासाठी केलेल्या उल्लेखनीय योगदानाबद्दल गौरविण्यात आले. असुरक्षित समुदायांच्या सक्षमीकरणात गतिशीलता या श्रेणीत विजेते ठरलेले अनुभूती चॅरिटेबल ट्रस्ट ही महिलांच्या नेतृत्वाखाली कार्यरत असलेली एक स्वयंसेवी संस्था असून, महाराष्ट्रातील भटक्या, विमुक्त आणि आदिवासी समुदायांसाठी काम करते. शिक्षण आणि नेतृत्व विकासाच्या माध्यमातून कुटुंबात शिक्षण घेणाऱ्या पहिल्या पिढीतील विद्यार्थ्यांना सक्षम करण्यावर ही संस्था विशेष भर देते. दुर्गम भागातील मुले आणि युवकांना शिक्षणाची सुविधा अधिक सुलभ करून देण्यासोबतच, संस्था मानसिक आरोग्य सहाय्य, करिअर मार्गदर्शन, लैंगिक न्यायाबाबत जनजागृती, आपत्तीप्रतिकारक क्षमता निर्माण करण्यासाठी प्रशिक्षण आणि सांस्कृतिक सक्षमीकरणासाठी विविध उपक्रम राबवते. आजपर्यंत अनुभूतीने प्रशिक्षण, समुपदेशन, शिष्यवृत्ती, फेलोशिप आणि जनजागृती कार्यक्रमांच्या माध्यमातून 8 लाखांहून अधिक व्यक्तींच्या जीवनावर सकारात्मक प्रभाव पाडला आहे. 45 हून अधिक संस्थांसोबतच्या भागीदारीद्वारे, ही संस्था विविध महानगरपालिका आणि ग्रामीण भागांमधील 600 हून अधिक युवकांशी नियमितपणे संपर्क साधते.
केवळ या प्रकल्पामुळेच 1,000 हून अधिक मुले आणि युवकांना मदत मिळाली आहे. यामध्ये 100% शिक्षण सुरू ठेवण्याचा दर साध्य झाला असून, 90% जणांना व्यसनमुक्त राहण्यास मदत झाली आहे. अनेक सहभागी आता त्यांच्या समुदायातून उच्च शिक्षण घेणारे आणि विविध शैक्षणिक व व्यावसायिक क्षेत्रांमध्ये संधी मिळवणारे पहिले विद्यार्थी ठरले आहेत.
रस्ते सुरक्षेतील उत्कृष्टता आणि नाविन्य या श्रेणीतील विजेते युनायटेड वे ऑफ मुंबई ही एक ना-नफा या तत्त्वावर चालणारी संस्था असून, समुदायांना एकत्रित करून आणि शहरी तसेच ग्रामीण भारतातील सामाजिक आव्हानांवर प्रभावी उपाययोजना राबवून लोकांचे जीवनमान सुधारण्यासाठी कार्य करते. 41 देशांमध्ये कार्यरत असलेल्या आणि 130 वर्षांहून अधिक सामूहिक अनुभव असलेल्या जागतिक युनायटेड वे नेटवर्कचा एक भाग म्हणून, ही संस्था शिक्षण, उपजीविका आणि आरोग्य या क्षेत्रांवर लक्ष केंद्रित करून अधिक सक्षम आणि संकटांना तोंड देण्यास समर्थ समुदाय उभारण्यासाठी कार्य करते.
यांच्या प्रमुख उपक्रमांपैकी एक म्हणजे ViA सेफ मोबिलिटी प्रोग्रॅम आहे. 2019 पासून या कार्यक्रमाद्वारे 250,000 हून अधिक युवकांपर्यंत पोहोचून सुरक्षित, सर्वसमावेशक आणि शाश्वत वाहतुकीला प्रोत्साहन देण्यात आले आहे, विशेषतः शाळेत ये-जा करताना सुरक्षिततेवर भर देण्यात आला आहे. जनजागृती मोहिमा, प्रकल्पाधारित शिक्षण आणि युवक नेतृत्वाच्या माध्यमातून विद्यार्थी असुरक्षित रस्ते, वेगाने वाहन चालवणे, अपुरी पायाभूत सुविधा आणि सुलभतेशी संबंधित समस्या यांसारखी स्थानिक वाहतूकविषयक आव्हाने ओळखतात आणि त्यावर व्यावहारिक उपाय शोधण्यासाठी काम करतात.
युवकांना रस्ता सुरक्षा आणि शाश्वत वाहतुकीसाठी पुढाकार घेण्यास सक्षम करून, युनायटेड वे मुंबई शाळेत ये-जा करण्याचा प्रवास अधिक सुरक्षित करण्यासोबतच स्थानिक समुदायांमध्ये दीर्घकाळ टिकणारा सकारात्मक बदल घडवून आणत आहे.
चंद्रपूरमधील MITCON फोरम फॉर सोशल डेव्हलपमेंट या संस्थेला शिक्षण, कौशल्य विकास आणि CSR-आधारित सामाजिक उपक्रमांच्या माध्यमातून समुदायांचे सक्षमीकरण केल्याबद्दल परीक्षक मंडळाची प्रशंसा मिळाली आहे. ग्रामीण आणि शहरी भागातील वंचित समुदायांची रोजगारक्षमता वाढवणे, उद्योजकतेला प्रोत्साहन देणे, कायमस्वरूपी उपजीविकेला पाठबळ देणे आणि त्यांच्या एकूण कल्याणात सुधारणा घडवून आणणे यावर संस्थेचा भर आहे.
मोठ्या प्रमाणावर कौशल्य विकासाचे उपक्रम आखणे आणि त्यांचे व्यवस्थापन करण्यात या संस्थेने प्रबळ प्राविण्य मिळवले असून, अनेक राज्यांमध्ये विविध प्रकल्प यशस्वीपणे राबवले आहेत. पारदर्शकता, उत्तरदायित्व आणि मोजता येण्याजोग्या परिणामांप्रती वचनबद्ध राहून, MITCON फोरम कार्यान्वयनातील लवचिकतेसोबत स्पष्ट सामाजिक ध्येयाची सांगड घालते. यामुळे सर्वसमावेशक विकास आणि समुदाय सक्षमीकरणाला हातभार लावणारे प्रभावी आणि शाश्वत विकास कार्यक्रम राबविणे शक्य होते.
“उत्कृष्ट गुणवत्तेच्या माध्यमातून समाजसेवा करणे हे ब्रिजस्टोनच्या उद्देशाचे केंद्रस्थान आहे. मोबिलिटी सोशल इम्पॅक्ट अॅवॉर्ड्स हे गतिशीलतेचा वापर करून अर्थपूर्ण आणि दीर्घकाळ टिकणारा सामाजिक प्रभाव निर्माण करणाऱ्या व्यक्ती आणि संस्थांचा सन्मान करण्यासाठी समर्पित आहेत. भारतभर रस्ते अधिक सुरक्षित करण्यासाठी, समुदायांना सक्षम करण्यासाठी आणि सकारात्मक सामाजिक बदल घडवून आणण्यासाठी त्यांच्या प्रयत्नांना आणि योगदानाला गौरविण्यात आम्हाला अभिमान वाटतो,” असे ब्रिजस्टोन इंडियाचे व्यवस्थापकीय संचालक श्री. राजर्षी मोइत्रा यांनी सांगितले.
“मानसिक आरोग्य, पर्यावरण, पूर्वजांचे ज्ञान आणि भारतीय संविधान यांची समज विकसित करण्यासोबतच सर्वांगीण शैक्षणिक संधी उपलब्ध करून देत, आमच्या सर्व युवकांसाठी नेतृत्वाची वाटचाल घडवून आणण्याचे आमचे ध्येय आहे. यामुळे केवळ व्यक्तींचा विकास न होता, व्यापक परिवर्तनासाठी शेकडो नेतृत्वाची निर्मिती व्हावी, अशी आमची कल्पना आहे. गुन्हेगारीचा ठपका लावण्यात आलेल्या भटक्या-विमुक्त जमातींमधून आलेले हे युवक आज महाविद्यालये आणि विद्यापीठांमध्ये प्रवेश घेत आहेत, मुख्य प्रवाहातील कारकीर्दीचा पाठपुरावा करत आहेत, प्रशासन आणि माध्यमांशी संवाद साधत आहेत, तसेच आपल्या संस्कृती आणि कलांचे पुनरुज्जीवन करत आहेत. अशा प्रकारे ते भावी पिढ्यांसाठी ऐतिहासिक उदाहरणे निर्माण करत आहेत,” असे अनुभूती चॅरिटेबल ट्रस्टच्या संस्थापिका-संचालिका दीपा पवार यांनी सांगितले.
“युनायटेड वे मुंबई येथे आमचा विश्वास आहे की, ज्या आव्हानांना समुदायांना सामोरे जावे लागते, ती सोडवण्यासाठी त्यांना सक्रिय सहभागी होण्यासाठी सक्षम केले जाते, तेव्हाच दीर्घकाळ टिकणारा सामाजिक बदल घडून येतो. ब्रिजस्टोन मोबिलिटी सोशल इम्पॅक्ट अॅवॉर्ड्स आमच्या ViA सेफ मोबिलिटी ॲम्बेसेडर प्रोग्रामच्या माध्यमातून या दृष्टिकोनाची दखल घेत आहे. या कार्यक्रमाद्वारे युवकांना केवळ सुरक्षित वाहतुकीचे ज्ञानच दिले जात नाही, तर जोखीम ओळखण्याचा, विविध यंत्रणांशी संवाद साधण्याचा आणि बदलासाठी आवाज उठवण्याचा आत्मविश्वास व अधिकारही दिला जातो. या मान्यतेमुळे, संपूर्ण भारतातील समुदाय आणि संस्थांमध्ये टिकून राहू शकतील, ज्यांचा विस्तार करता येईल आणि जे रुजवले जाऊ शकतील असे आदर्श निर्माण करण्याच्या आमच्या वचनबद्धतेला बळकटी मिळते,” असे युनायटेड वे मुंबईचे वरिष्ठ उपाध्यक्ष – क्लायमेट अँड कम्युनिटी इम्पॅक्ट रेझिलन्सी, अजय गोवले यांनी सांगितले.
“ब्रिजस्टोन मोबिलिटी सोशल इम्पॅक्ट अॅवॉर्ड्स 2026 च्या माध्यमातून आमच्या प्रयत्नांची दखल घेतल्याबद्दल आणि चंद्रपूरमधील ताडोबा-अंधारी व्याघ्र प्रकल्पातील पांगडी गेट येथे मानव-वन्यजीव संघर्ष टाळण्यासाठी मदत करून चिरस्थायी सामुदायिक प्रभाव निर्माण करण्याच्या आमच्या दृष्टिकोनाला पाठिंबा दिल्याबद्दल मी ब्रिजस्टोन इंडियाचे मनःपूर्वक आभार मानतो. या प्रकल्पाच्या माध्यमातून उद्योगाभिमुख तांत्रिक कौशल्य प्रशिक्षण देऊन मर्यादित रोजगाराच्या संधी, भौगोलिक विलगीकरण आणि वनाधारित उपजीविकेवरील अवलंबित्व यांसारख्या समस्यांवर उपाय करण्याचा प्रयत्न केला जात आहे. व्यावसायिक प्रशिक्षणासोबतच लाभार्थींना जीवन कौशल्यांचे शिक्षण, डिजिटल आणि आर्थिक साक्षरतेचे प्रशिक्षण, कार्यस्थळासाठी आवश्यक तयारी, करिअर समुपदेशन, रोजगार मिळवून देण्यासाठी सहाय्य, नियोक्त्यांशी संपर्क आणि उद्योजकतेसाठी पाठबळ दिले जाते. ही मान्यता वंचित समुदायांना सक्षम करण्यासाठी आणि शाश्वत उपजीविकेच्या संधी निर्माण करण्यासाठी आमची वचनबद्धता अधिक मजबूत करते,” असे MITCON फोरम फॉर सोशल डेव्हलपमेंटचे संचालक आणि सीईओ, डॉ. गणेश खामगल यांनी सांगितले.
2021 मध्ये ब्रिजस्टोन इंडियाने सुरू केलेल्या मोबिलिटी सोशल इम्पॅक्ट अवॉर्ड्सचा उद्देश अशा नाविन्यपूर्ण उपाययोजना जाणून घेणे, त्यांना मान्यता देणे आणि त्यांना प्रोत्साहन देणे हा आहे, ज्या शाश्वत गतिशीलता क्षेत्रात सामाजिक आव्हानांवर उपाय शोधतात आणि ना-नफा तत्त्वावर काम करणाऱ्या संस्थांच्या माध्यमातून सर्वसमावेशक विकासाला चालना देतात. हा उपक्रम सर्वांसाठी सुरक्षित आणि शाश्वत गतिशीलतेच्या माध्यमातून सामाजिक प्रगतीला चालना देण्याच्या ब्रिजस्टोनच्या ध्येयाचे प्रतिबिंब आहे.
मोबिलिटी सोशल इम्पॅक्ट अवॉर्ड्स हे ब्रिजस्टोन E8 वचनबद्धता* मधील “एम्पॉवरमेंट”, “इझ”, “इमोशन” आणि “एफिशियन्सी” या मूल्यांचे प्रतिबिंब आहेत. या मूल्यांद्वारे सर्वांसाठी सुलभता आणि प्रतिष्ठा सुनिश्चित करणाऱ्या समाजाच्या निर्मितीसाठी योगदान देण्याची ब्रिजस्टोनची कॉर्पोरेट बांधिलकी अधोरेखित होते (एम्पॉवरमेंट); गतिशीलतेच्या जीवनात आराम आणि मानसिक समाधान आणणे (इझ); गतिशीलतेच्या जगात उत्साह निर्माण करणे आणि आनंद पसरवणे (इमोशन); तसेच गतिशीलतेतील प्रगतीच्या माध्यमातून उत्पादकता वाढवणे (एफिशियन्सी) यांचा त्यात समावेश आहे. MSIA सारख्या उपक्रमांच्या माध्यमातून ब्रिजस्टोन “उत्तम गुणवत्तेसह समाजाची सेवा करणे” या आपल्या ध्येयाला पुढे नेत आहे. भारतभर सकारात्मक बदल घडवून आणणे आणि अधिक सुरक्षित व सर्वसमावेशक समुदायांची निर्मिती करणे यासाठी संस्था सातत्याने प्रयत्नशील आहे.
ब्रिजस्टोन इंडियाविषयी
ब्रिजस्टोन इंडिया प्रायव्हेट लिमिटेड ही टायर आणि रबर क्षेत्रातील जागतिक आघाडीची कंपनी असलेल्या ब्रिजस्टोन कॉर्पोरेशनची समूह कंपनी आहे. सुरक्षित आणि शाश्वत मोबिलिटीसाठी उपाय उपलब्ध करून देण्यासाठी कंपनी आपल्या तज्ज्ञतेचा आणि अनुभवाचा उपयोग करते. महाराष्ट्रातील पुणे येथे मुख्यालय असलेल्या या कंपनीत सुमारे 3,000 कर्मचारी कार्यरत आहेत. नाविन्यपूर्ण तंत्रज्ञानाच्या माध्यमातून विकसित केलेल्या प्रीमियम टायर्स आणि अत्याधुनिक उपाययोजनांचा वैविध्यपूर्ण उत्पादन पोर्टफोलिओ कंपनीकडे आहे. जगभरातील लोकांच्या प्रवासाच्या, राहणीमानाच्या, कामाच्या आणि दैनंदिन जीवनशैलीच्या पद्धती अधिक सक्षम आणि सुलभ करण्यासाठी हे तंत्रज्ञान महत्त्वपूर्ण भूमिका बजावते.
ब्रिजस्टोन कॉर्पोरेशनचीविषयी:
ब्रिजस्टोन ही टायर आणि रबर क्षेत्रातील जागतिक आघाडीची कंपनी असून, सुरक्षित आणि शाश्वत मोबिलिटीसाठी उपाय उपलब्ध करून देण्यासाठी आपल्या तज्ज्ञतेचा उपयोग करते. टोकियो येथे मुख्यालय असलेल्या या कंपनीत जगभरात सुमारे 1,30,000 कर्मचारी कार्यरत आहेत आणि कंपनी 150 हून अधिक देश व प्रदेशांमध्ये व्यवसाय करते. नाविन्यपूर्ण तंत्रज्ञानाच्या आधारावर विकसित केलेल्या प्रीमियम टायर्स आणि अत्याधुनिक उपाययोजनांचा वैविध्यपूर्ण उत्पादन पोर्टफोलिओ ब्रिजस्टोनकडे आहे. जगभरातील लोकांच्या प्रवासाच्या, राहणीमानाच्या, कामाच्या आणि दैनंदिन जीवनशैलीच्या पद्धती अधिक सक्षम करण्यासाठी हे उपाय महत्त्वपूर्ण भूमिका बजावतात.
ब्रिजस्टोन समूहाने आपले ध्येय साकार करण्यासाठी “ब्रिजस्टोन E8 कमिटमेंट” ही कॉर्पोरेट बांधिलकी निश्चित केली आहे. या ध्येयाचा उद्देश आहे: “2050 पर्यंत शाश्वत सोल्यूशन्स कंपनी म्हणून ब्रिजस्टोन सामाजिक मूल्य आणि ग्राहकांसाठीचे मूल्य सातत्याने निर्माण करत राहील.” भविष्यातील पिढ्यांचा विश्वास संपादन करत समूहाच्या व्यवस्थापनाला दिशा देण्यासाठी ही बांधिलकी मुख्य आधार म्हणून काम करेल. “ब्रिजस्टोन E8 कमिटमेंट”मध्ये “E” अक्षराने सुरू होणाऱ्या ब्रिजस्टोनच्या आठ वैशिष्ट्यपूर्ण मूल्यांचा समावेश आहे—Energy (ऊर्जा), Ecology (पर्यावरणीय संवर्धन), Efficiency (कार्यक्षमता), Extension (विस्तार), Economy (अर्थव्यवस्था), Emotion (भावना), Ease (सुलभता) आणि Empowerment (सक्षमीकरण). शाश्वत समाजाच्या निर्मितीस हातभार लावण्यासाठी समूह आपल्या विशिष्ट उद्दिष्टे आणि प्रक्रियांच्या माध्यमातून कर्मचारी, समाज, भागीदार आणि ग्राहकांसोबत मिळून ही मूल्ये
निर्माण करण्यासाठी कटिबद्ध आहे.
