· २५,४०० चौरस फूट जागेवर पसरलेले हे सेंटर पीपीएस मोटर्सचे देशभरातील १५१ वे महिंद्रा टचपॉईंट ठरले आहे, ज्यासह पुणे आणि आसपासच्या परिसरातील त्यांचे नेटवर्क ९ टचपॉईंट्सपर्यंत विस्तारले आहे
पुणे (महाराष्ट्र), ऑक्टोबर १५, २०२६: पीपीएस मोटर्स या भारतातील सर्वात मोठ्या ऑटोमोबाइल रिटेल समूहाने पुण्यातील सासवड येथे नवीन महिंद्रा सर्व्हिस सेंटरचे उद्घाटन केले. यामुळे महाराष्ट्रातील त्यांची उपस्थिती अधिक दृढ झाली आहे, तसेच या भागातील ग्राहकांसाठी दर्जेदार वाहन सेवेची उपलब्धता सुलभ झाली आहे. महिंद्रा अँड महिंद्रा लिमिटेडचे वरिष्ठ अधिकारी जसे कस्टमर केअर अँड सीएक्सचे एसव्हीपी आणि हेड सेल्स पवन कुमार, कस्टमर केअरचे व्हीपी आणि हेड सचिन गुप्ता, झोनल हेड कस्टमर केअर – वेस्ट झोन मनोज कुमार, आरसीसीएम – पुणे रिजन समिरा महापात्रा, तसेच पीपीएस ग्रुपचे सीईओ, पीपीएस- महिंद्रा (महाराष्ट्र, कर्नाटक, तामिळनाडू आणि केरळ) सुप्रीत आर., चीफ ऑफ स्टाफ पक्षल शाह, सीओओ, पीपीएस- महिंद्रा महाराष्ट्र इन्शा मसीह आणि दोन्ही कंपन्यांमधील इतर वरिष्ठ प्रतिनिधींच्या उपस्थितीत या सेंटरचे उद्घाटन करण्यात आले. पीपीएस ग्रुपचे भारतातील १५१ वे महिंद्रा टचपॉईंट असलेले हे नवीन वर्कशॉप पुणे आणि आसपासच्या परिसरातील त्यांचे नेटवर्क ९ महिंद्रा टचपॉईंट्सपर्यंत वाढवते.
सासवडजवळील खालद येथे नव्याने उद्घाटन करण्यात आलेले हे अत्याधुनिक पीपीएस मोटर्स वर्कशॉप २५,४०० चौरस फूट जागेवर पसरलेले आहे. हे वर्कशॉप पुणे परिसरातील सर्वात मोठे उपनगरीय ऑटोमोबाइल सर्व्हिस वर्कशॉप ठरले आहे. प्रगत डायग्नोस्टिक आणि दुरुस्ती उपकरणांनी सुसज्ज असलेल्या या सेंटरमध्ये १८ बेज आहेत, ज्यामध्ये १३ सर्व्हिस बेज आणि पाच स्वतंत्र बॉडीशॉप बेजचा समावेश आहे आणि या सेंटरची दरवर्षी ४,५०० हून अधिक वाहनांची सर्व्हिसिंग करण्याची क्षमता आहे. महाराष्ट्रातील सर्वात मोठ्या आणि समृद्ध कृषी समुदायांपैकी एकाचे पाठबळ लाभलेला आणि महिंद्रा ग्राहकांचा वाढता आधार असलेला सासवड परिसर बाजारपेठेची मोठी संधी उपलब्ध करतो. हे नवीन सेंटर सासवड आणि आसपासच्या परिसरातील महिंद्रा वेईकल मालकांसाठी सेवेची सहज उपलब्धता वाढवण्यासाठी, ग्राहकांची सोयीसुविधा सुधारण्यासाठी आणि त्यांच्या विक्रीपश्चात सेवांच्या वाढत्या गरजा पूर्ण करण्यासाठी धोरणात्मकरित्या सज्ज करण्यात आले आहे.
या उद्घाटनाबाबत मत व्यक्त करत पीपीएस मोटर्सचे मॅनेजिंग डायरेक्टर राजीव संघवी म्हणाले, “आम्हाला पुणे परिसरातील सर्वात मोठी उपनगरीय ऑटोमोबाइल सर्व्हिस वर्कशॉप असलेल्या आमच्या १५१ व्या महिंद्रा टचपॉईंटचे उद्घाटन करताना अत्यंत अभिमान वाटत आहे. भारतातील सहा राज्यांमधील प्रबळ नेटवर्कच्या पाठबळासह आम्ही आमच्या ग्राहकांना सातत्याने उत्कृष्ट मूल्य देण्यासाठी एकत्रितपणे कार्य केले आहे. महिंद्राची तंत्रज्ञानाने प्रगत उत्पादने आणि ग्राहक-केंद्रीत दृष्टिकोन, तसेच ग्राहकांच्या गरजांची आमची सखोल समज यांसह आम्ही आमच्या ग्राहकांना श्रेणीतील सर्वोत्तम मालकीहक्काचा अनुभव देण्याचा एकत्रित प्रयत्न करत आहोत.”
पीपीएस-महिंद्राने स्थानिक पातळीवर कामकाज सुरू केल्यापासून केवळ २ वर्षांच्या कालावधीत पुणे प्रांतामध्ये एकत्रितपणे ६,२०० हून अधिक महिंद्रा वेईकल्सची विक्री केली आहे.
