श्रीमंत नानासाहेब पेशवे यांच्या समाधीचे जीर्णोद्धार कार्य प्रगतीपथावर ….श्रीमंत नानासाहेब पेशवे यांचे विद्यमान वंशज पुष्कर सिंह पेशवा यांच्या प्रमुख उपस्थितीत श्रीमंत नानासाहेब पेशवे यांच्या समाधी ठिकाणी यंदाचा दीपोत्सव

पुणे
(प्रतिनिधी)
पाञ्चजन्य फाउंडेशन ही संस्था गेल्या काही वर्षांपासून इतर सामाजिक उपक्रमांसोबत पूना हॉस्पिटल समोर नदीपात्रातील श्रीमंत नानासाहेब पेशवे समाधीच्या जीर्णोद्धाराचे कार्य करीत आहे.या समाधी जीर्णोद्धार कार्या विषयी पुणेकरांमध्ये जागृकता निर्माण व्हावी व सर्वांचे सहकार्याने हे कार्य पुढे यशस्वी व्हावे यासाठी फाउंडेशनतर्फे दिवाळीत समाधी परिसरात दीपोत्सवाचे आयोजन करण्यात येते. या वर्षीचा दीपोत्सव पेशव्यांचे विद्यमान वंशज पुष्करसिंह पेशवा यांच्या उपस्थितीत साजरा करण्यात आला.पुष्कर सिंह पेशवा म्हणाले जितक्या लवकर या समाधीचा जीर्णोद्धार होईल तितके चांगले.समीर कुलकर्णी म्हणाले त्यांचे फाऊंडेशन,मनपा मधील अधिकारी,नदी काठ सुधार प्रकल्पातील अधिकारी,खासदार मेधा कुलकर्णी आणि रचनाकार ह्यांची एकत्रित बैठक होईल व कृती आराखडा तयार केला जाईल.यावेtळी पाञ्चजन्य फाउंडेशनचे विश्वस्त सिद्धार्थ राजे,समीर कुलकर्णी, राजस जोशी,चंद्रभूषण जोशी व रश्मिन कुलकर्णी यांनी उपस्थित असणाऱ्या पुणेकरांना समाधीच्या जीर्णोद्धार कार्यात सहभागी होण्याची विनंती केली आहे.