पुणे, २० मार्च २०२५ : होंडा मोटरसायकल आणि स्कूटर इंडिया (HMSI) ने पुणे, महाराष्ट्र येथे रस्ते सुरक्षा जनजागृती अभियानाच्या माध्यमातून रस्ते सुरक्षेवर आपला भर पुन्हा अधोरेखित केला. या उपक्रमात रेडियंट इंटरनॅशनल स्कूल, श्री जे. आर. गुंजाळ इंग्रजी माध्यमिक शाळा आणि ज्युनियर कॉलेज, गव्हर्नमेंट कॉलेज ऑफ इंजिनिअरिंग अँड रिसर्च आणि ग्रामोन्नती मंडळ आर्ट्स, कॉमर्स अँड सायन्स कॉलेज या संस्थांमधील २२०० हून अधिक विद्यार्थी आणि कर्मचारी सहभागी झाले आणि जबाबदार रस्ते वर्तनाविषयी मूलभूत ज्ञान प्राप्त केले.
लहान वयातच रस्ते सुरक्षा शिक्षणाची सवय लागावी या उद्देशाने HMSI ने हा उपक्रम राबवला. केवळ जनजागृती करून थांबण्यापेक्षा हा उपक्रम विद्यार्थ्यांमध्ये दीर्घकालीन सकारात्मक वर्तनशील बदल घडवण्यावर केंद्रित आहे. लहानपणीच योग्य रस्ते वर्तनाची सवय लावल्याने ते जबाबदार रस्ते वापरकर्ते होऊ शकतात आणि त्यांच्या आजूबाजूच्या लोकांवरही चांगला प्रभाव टाकू शकतात. शाळा, महाविद्यालये आणि शासकीय व अशासकीय संस्थांबरोबर सहकार्य करत HMSI रस्ते सुरक्षेला दैनंदिन जीवनाचा अविभाज्य भाग बनवत आहे.
या अभियानामध्ये सुरक्षित वाहन चालवण्याचे धडे, धोका ओळखण्याचे प्रशिक्षण, खेळ, प्रश्नमंजुषा, हेल्मेट जनजागृती आणि राइडिंग ट्रेनर मॉड्यूल्स यांचा समावेश करण्यात आला. हे सर्व इंटरॅक्टिव्ह आणि व्यावहारिक उपक्रम असल्यामुळे विद्यार्थ्यांना केवळ रस्ते सुरक्षा नियम शिकण्यास मदत झाली नाही, तर रस्त्यावर असताना जबाबदारीची जाणीवही निर्माण झाली.
HMSI ने रेडियंट इंटरनॅशनल स्कूल, श्री जे. आर. गुंजाळ इंग्रजी माध्यमिक शाळा आणि ज्युनियर कॉलेज, गव्हर्नमेंट कॉलेज ऑफ इंजिनिअरिंग अँड रिसर्च आणि ग्रामोन्नती मंडळ आर्ट्स, कॉमर्स अँड सायन्स कॉलेज यांचे या उपक्रमाच्या यशस्वी आयोजनासाठी मनःपूर्वक आभार मानले. विद्यार्थ्यांचा आणि कर्मचाऱ्यांचा उत्स्फूर्त सहभाग जबाबदार रस्ते वर्तनाबद्दल जागरूकता निर्माण करण्यास आणि सुरक्षित रस्त्यांसाठी कार्य करण्यास उपयुक्त ठरला.
HMSI ने आपल्या सातत्यपूर्ण रस्ते सुरक्षा मोहिमेच्या माध्यमातून आतापर्यंत महाराष्ट्रातील सुमारे ३ लाख नागरिक आणि विद्यार्थ्यांपर्यंत पोहोचून त्यांना रस्ते सुरक्षा विषयक व्यावहारिक ज्ञान प्रदान केले आहे. अशा उपक्रमांच्या मदतीने HMSI रस्ते सुरक्षा जनजागृती निर्माण करत राहील आणि सर्वांसाठी जबाबदार वाहन चालवण्याच्या सवयी प्रोत्साहित करत राहील.
होंडा मोटरसायकल आणि स्कूटर इंडिया यांची रस्ते सुरक्षेसाठी सीएसआर वचनबद्धता:
२०२१ मध्ये, होंडाने २०५० सालासाठी जागतिक दृष्टीकोन जाहीर केला ज्यामध्ये होंडा मोटरसायकल आणि ऑटोमोबाईल्सच्या सहभागाने होणाऱ्या अपघाती मृत्यू शून्यावर आणण्याचे लक्ष्य ठेवले आहे. भारतात, HMSI हे उद्दिष्ट साध्य करण्यासाठी कार्यरत आहे आणि २०३० पर्यंत अपघाती मृत्यूंची संख्या निम्म्यावर आणण्याच्या भारत सरकारच्या दिशानिर्देशांनुसार काम करत आहे.
हे उद्दिष्ट गाठण्यासाठी २०३० पर्यंत मुलांमध्ये रस्ते सुरक्षेसाठी सकारात्मक मानसिकता विकसित करणे आणि त्यानंतरही त्यांचे शिक्षण सुरू ठेवणे आवश्यक आहे. शाळा आणि महाविद्यालयांमधील रस्ते सुरक्षा शिक्षण केवळ जनजागृतीसाठी नसून विद्यार्थ्यांच्या मनामध्ये सुरक्षिततेची संस्कृती रुजवण्यासाठी आणि त्यांना रस्ते सुरक्षा दूत बनवण्यासाठी आहे. हे शिक्षण भावी पिढीला जबाबदार नागरिक होण्यासाठी सक्षम बनवते आणि समाज अधिक सुरक्षित करण्यासाठी त्यांचा महत्त्वपूर्ण सहभाग निश्चित करते.
HMSI ही अशी कंपनी बनू इच्छिते जी समाजाला आवश्यक वाटेल आणि म्हणूनच ती समाजाच्या सर्व स्तरांपर्यंत रस्ते सुरक्षा जनजागृती पोहोचवण्यावर भर देत आहे. शालेय विद्यार्थ्यांपासून ते कॉर्पोरेट कर्मचारी आणि संपूर्ण समाजासाठी वेगवेगळ्या गरजा लक्षात घेऊन अनोख्या कल्पनां
च्या माध्यमातून <span lang=”HI” style=”font
