मुंबई, 09 जून 2025 – आदित्य बिर्ला रिअल इस्टेट लिमिटेड (पूर्वीची सेंच्युरी टेक्सटाइल्स अॅण्ड इंडस्ट्रीज लिमिटेड) ची पूर्ण मालकीची उपकंपनी बिर्ला इस्टेट्स प्रायव्हेट लिमिटेड (BEPL) ने वर्ल्ड बँक समूहाचा सदस्य असलेल्या इंटरनॅशनल फायनान्स कॉर्पोरेशन (IFC) कडून गुंतवणुकीसाठी करारांवर स्वाक्षऱ्या केल्याची घोषणा केली. या गुंतवणूकीतून बिर्ला इस्टेट्सची संपूर्ण भारतात शाश्वत आणि उच्च दर्जाची बांधकाम विकासकामे करण्याची बांधिलकी अधोरेखित होते. अंदाजे 50 दशलक्ष (420 कोटी रु.) अमेरिकन डॉलर इतकी ही गुंतवणूक बिर्ला इस्टेट्सच्या दोन मुख्य प्रकल्पांमध्ये करण्यात येणार आहे: सुमारे 148 कोटी रु. पुण्यातील मांजरी प्रकल्पासाठी (सुमारे 3.13 दशलक्ष चौ.फुट विक्रीयोग्य क्षेत्र) आणि सुमारे 272 कोटी रु. बिर्ला इस्टेट्सच्या ठाण्यातील प्रकल्पासाठी (सुमारे 6.43 दशलक्ष चौ.फुट विक्रीयोग्य क्षेत्र).
हे प्रकल्प बिर्ला इस्टेट्सच्या मालकीच्या आणि नियंत्रणाखालील दोन विशेष उद्देश वाहक कंपन्यांद्वारे (Special Purpose Vehicles – SPVs) विकसित केले जाणार आहेत. IFC ही गुंतवणूक या SPVs मध्ये करेल. दोन्ही प्रकल्पांच्या विकासासाठी त्या प्लॅटफॉर्म म्हणून काम करतील. या रचनेनुसार, बिर्ला इस्टेट्स या SPVs मध्ये 56% आर्थिक सहभाग ठेवेल, तर IFC चा 44% आर्थिक सहभाग राहील.
बिर्ला इस्टेट्सचे व्यवस्थापकीय संचालक आणि मुख्य कार्यकारी अधिकारी श्री. के. टी. जितेंद्रन म्हणाले, “शाश्वत आणि उच्च दर्जाच्या रिअल इस्टेट विकासाद्वारे शहरी जीवनशैलीला पुर्नआकार देण्याच्या आमच्या कार्यात मौल्यवान गुंतवणूकदार म्हणून IFC चे स्वागत करताना आम्हाला अभिमान वाटत आहे. ही गुंतवणूक आमच्या विकास तत्वज्ञानाला मान्यता देते आणि जबाबदारीने विस्तार करण्याची आमची क्षमता मजबूत करते. IFC चा शाश्वत गुंतवणुकीतील जागतिक अनुभव आणि आमची खोलवरची बाजारपेठीय समज यांचा समन्वय करून आम्ही भारतीय रिअल इस्टेटमध्ये नवीन मापदंड स्थापित करण्याचे उद्दिष्ट ठेवत आहे.”
IFC चे दक्षिण आशिया विभागासाठीचे प्रादेशिक संचालक इमाद एन. फखुरी म्हणाले, “गृहनिर्माण हा रोजगार, आनंद, आर्थिक विकास यासाठीचा एक प्रभावी प्रेरक घटक आणि IFC साठी एक मुख्य प्राधान्यक्रमाची गोष्ट आहे. बिर्ला इस्टेट्ससोबतची आमची भागीदारी विशेषतः पहिल्यांदाच घर घेणाऱ्या ग्राहकांवर लक्ष केंद्रित करून भारतातील वाढत्या लोकसंख्येसाठी शाश्वत, उच्च दर्जाच्या गृहनिर्माणाची उपलब्धता आणि पोहोच वाढवून गृहनिर्माण क्षेत्रातील दरी भरून काढेल. ही गुंतवणूक रोजगार निर्माण करेल, भारताच्या नेट-झीरो आकांक्षांशी सुसंगत सर्वसमावेशक शहरी विकासास चालना देईल आणि या महत्त्वाच्या क्षेत्रात खाजगी क्षेत्राचा सहभाग वाढवेल.”
बिर्ला इस्टेट्स भारतातील सर्वाधिक मागणी असलेल्या रिअल इस्टेट बाजारपेठांमध्ये आपले स्थान सातत्याने वाढवत आहे. आर्थिक वर्ष 25 च्या अखेरच्या तिमाहीत कंपनीने NCR, बंगळुरु या प्रमुख बाजारपेठांमध्ये 5 प्रकल्प सुरू केले आणि पुणे बाजारपेठेत पदार्पण करत सर्वाधिक तिमाही विक्री नोंदवली.
