पुणे: दि.२१ जून
शनिवार पेठेतील एन. ई. एम.एस शाळेच्या विद्यार्थ्यांना प्रत्यक्ष पंढरपूरला पायी जाणे शक्य झाले नाही, तरी विद्यार्थ्यांनी दिंडी क्रमांक ४३ यांचा मुक्काम असलेल्या हसबनीस बखळ येथील, गाडगीळ शाळेत माऊलींची सेवा केली.
मुख्याध्यापिका श्रीमती हेमांगी देशमुख व शिक्षकांच्या समवेत जाऊन वारकऱ्यांना प्रश्न विचारून त्यांचे अनुभव जाणून घेतले व शाळेत स्वतः बनवलेल्या शेंगदाण्याच्या लाडूंचे पर्यावरण पूरक कागदी पिशव्यांमधून वाटप केले.
ह. भ. प गोविंद महाराज केंद्रे आळंदी यांचे उत्तराधिकारी ह.भ.प विष्णु महाराज केंद्रे यांच्याशी विद्यार्थ्यांनी संवाद साधला व त्यांचे आशीर्वाद घेतले.
श्री संतोष नामजोशी यांच्या सहकार्यातून हा उपक्रम यशस्वीरित्या पार पडला.
