मुंबई, दि. 15 : उपमुख्यमंत्री अजित पवार यांनी त्यांचे जनसंपर्क अधिकारी दिवंगत संजय देशमुख यांच्या कुटुंबीयांची वरळी येथील ‘दर्शना’ या शासकीय निवासस्थानी सांत्वनपर भेट घेत त्यांना धीर दिला.
शनिवारी (दि. 12 जुलै) संजय देशमुख यांचे हृदयविकाराच्या तीव्र झटक्याने निधन झाले. दहा वर्षांहून अधिक काळ त्यांनी उपमुख्यमंत्री अजित पवार यांचे जनसंपर्क अधिकारी म्हणून काम पाहिले. त्यांच्या निधनाने एक कर्तव्यनिष्ठ, संवेदनशील आणि शांत स्वभावाचा सहकारी हरपल्याची शोकभावना उपमुख्यमंत्री अजित पवार यांनी व्यक्त केली. यावेळी उपमुख्यमंत्री अजित पवार यांनी देशमुख यांचे वडील, आई, पत्नी, मुलीसह देशमुख कुटुंबीयांशी संवाद साधून त्यांना धीर दिला.
*****
