गेली ५ वर्ष न्यूज स्टोरी टुडे पोर्टल ची निर्मिती करणाऱ्या सौ अलका भुजबळ यांनी, अत्यंत प्रतिकूल परिस्थितीवर मात करीत,वयाच्या ६२व्या वर्षी नुकतेच न्यूज स्टोरी टुडे यू ट्यूब चॅनल सुरू केले आहे. या बद्दल त्यांचा सानपाडा जेष्ठ नागरिक संघाच्या मासिक आनंद मेळ्यात संघाचे अध्यक्ष मारुती कदम,संघाच्या उपाध्यक्षा डॉ विजया गोसावी आणि दुसऱ्या जेष्ठ सदस्या भानुमती शाह यांच्या हस्ते पुष्पगुच्छ देऊन सत्कार करण्यात आला. यावेळी संघाचे पदाधिकारी आणि सदस्य मोठ्या संख्येने उपस्थित होते.
न्यूज स्टोरी टुडे या यू ट्यूब चॅनेलवर “ओळख” या सदरात पहिलीच मुलाखत ही दोन विशेष मुलांची आई असलेल्या सौ अर्चना पाटील यांची घेण्यात आली आहे.सौ अर्चना पाटील यांची मुलगी कर्णबधिर असूनही आज ती आंतरराष्ट्रीय कीर्तीची भरतनाट्यम नृत्यांगना आहे. तर स्वमग्न असलेला मुलगा चक्क गणित विषयात पी एचडी करीत आहे.
सौ अलका भुजबळ यांनी घेतलेल्या या मुलाखतीत सौ
अर्चना पाटील यांनी त्यांची, त्यांची पतीची जिद्द , मुलांचा प्रतिसाद आणि नातेवाईकांचा झालेला असह्य त्रास हा सर्व संघर्ष अतिशय निर्लेपपणे उलगडून दाखविला आहे.
