🚩🚩 *भोर तालुक्यातील रावडी गावातील वासुदेव बळवंत फडके विद्यालयात अद्ययावत संगणक केंद्र उद्घाटन* 🚩🚩

भोर तालुक्यातील *वासुदेव बळवंत फडके स्मृती विद्यालय व ज्युनियर कॉलेज, रावडी* येथे नुकतेच संगणक आधारित अद्ययावत ई-शिक्षण केंद्र सुरू झाले. या उपक्रमाअंतर्गत शाळेला अत्याधुनिक संगणक तसेच स्मार्ट बोर्डाची सुविधा उपलब्ध झाली आहे.

या कार्यासाठी पुण्यातील विख्यात उद्योजक व Adisoft Technologies चे संचालक श्री. अजय प्रभू यांनी विशेष सहकार्य केले. सदर केंद्राचे *उद्घाटन पुण्यातील ज्येष्ठ सामाजिक कार्यकर्ते श्री. प्रकाश गोरे यांच्या हस्ते* संपन्न झाले.

या कार्यक्रमाचे समन्वयक म्हणून शिक्षण प्रसारक मंडळीचे नियामक मंडळ सदस्य *श्री. सुधीर काळकर* यांनी महत्त्वपूर्ण भूमिका बजावली. यावेळी त्यांनी विद्यार्थ्यांच्या शिक्षणातील आव्हाने व पालकांच्या कुटुंब व्यवस्थेवरील जबाबदाऱ्या याबद्दल मार्गदर्शन केले.

या उद्घाटन सोहळ्यास *राष्ट्रीय स्वयंसेवक संघ बारामती जिल्हा सहकार्यवाह श्री. संतोषजी गाडे*, पुण्यातील स्वयंसेवक व उद्योजक *उपेंद्र कुळकर्णी*, शाळेचे मुख्याध्यापक, महाराष्ट्र राज्य शिक्षक परिषद कार्यवाह भोर तालुका *श्री. विजयकुमार वाकडे* सर, समन्वयक शिक्षक *श्री. अमित साबळे* सर, इतर शिक्षकवृंद, पालक तसेच विद्यार्थी मोठ्या संख्येने उपस्थित होते.