पुणे: बालदिनानिमित्त मेडिकव्हर हॉस्पिटल, पुणे यांनी सामाजिक बांधिलकी जपत मुलांसाठी एक रंगतदार व सृजनशील चित्रकला स्पर्धेचे भव्य आयोजन केले. या उपक्रमाला पुण्यातील विविध शाळांकडून उत्स्फूर्त प्रतिसाद मिळाला.
इंटेलिजंट कॅडेट सीबीएससी स्कूल (इंद्रायणी नगर), वैष्णव माता स्कूल (इंद्रायणी नगर), सेवन स्टार किड्स स्कूल या शाळांमधील ४०० हून अधिक विद्यार्थ्यांनी चित्रकला स्पर्धेत जोशपूर्ण सहभाग नोंदवून कार्यक्रम यशस्वी केला.
स्पर्धेचे विषय विद्यार्थ्यांच्या कल्पनाशक्तीला चालना देणारे
मुलांच्या निरीक्षणशक्ती, कल्पनाशक्ती आणि सर्जनशीलता उजागर व्हावी यासाठी स्पर्धेसाठी तीन रोचक विषय ठेवण्यात आले होते—
मेडिकल ऑर्गन
फेव्हरेट कार्टून
अंडर द सी
प्रत्येक विषयावर मुलांनी रंग, रेषा आणि कल्पनाशक्तीचा मनमुराद वापर करत आकर्षक चित्रे साकारली. विशेषतः “मेडिकल ऑर्गन” या विषयातून विद्यार्थ्यांनी मानवी शरीर रचनेविषयी उत्सुकता दाखवली, तर “अंडर द सी” आणि “फेव्हरेट कार्टून” या विषयांमधून त्यांच्या स्वतंत्र कलात्मक दृष्टिकोनाचे दर्शन घडले.
या उपक्रमाद्वारे मुलांच्या कलाविष्कारास व्यासपीठ मिळालेच, पण त्याचबरोबर वैद्यकीय क्षेत्राविषयी मूलभूत व उपयुक्त ज्ञान देखील त्यांना मिळाले. स्पर्धेनंतर विद्यार्थ्यांसाठी शरीरावयव, आरोग्य आणि जीवनशैलीविषयी इंटरअॅक्टिव्ह (Interactive) माहिती सत्रांचे आयोजन करण्यात आले, ज्यामध्ये त्यांनी उत्सुकतेने प्रश्न विचारून विविध वैद्यकीय बाबी जाणून घेतल्या.
डॉ. व्यास मौर्य, केंद्र प्रमुख मेडिकव्हर हॉस्पिटल पुणे म्हणाले, “बालदिनानिमित्त मुलांसाठी काहीतरी अर्थपूर्ण आणि शैक्षणिक उपक्रम आयोजित करण्याचा आमचा प्रयत्न होता. मुलांनी दाखवलेली ऊर्जा, सर्जनशीलता आणि उत्साह मनाला भावणारा होता. ‘मेडिकल ऑर्गन’ या विषयातून मुलांनी वैद्यकीय क्षेत्राकडे पाहण्याचा दृष्टिकोन दाखवला, जो प्रशंसनीय आहे. अशा उपक्रमांमुळे मुलांच्या सर्वांगीण विकासाला चालना मिळते, तसेच आरोग्य-जागरूकता वाढण्यास निश्चितच मदत होते.”
स्पर्धेतील विजेत्या विद्यार्थ्यांना प्रमाणपत्रे व विशेष गौरवचिन्ह देऊन सन्मानित करण्यात आले. पालक, शिक्षक आणि उपस्थितांनी हॉस्पिटलच्या या उपक्रमाचे मनापासून कौतुक केले.
मेडिकव्हर हॉस्पिटलतर्फे भविष्यातही मुलांच्या शैक्षणिक, मानसिक आणि शारीरिक विकासासाठी विविध उपक्रम, कार्यशाळा आणि आरोग्य-जागरूकता कार्यक्रम आयोजित केले जाणार असल्याचे प्रशासनाने सांगितले
