पुणे, दि.११: नोंदणी व मुद्रांक विभागात गट-ड संवर्गातील २८४ पदे भरतीची प्रक्रिया सुरु असून उमेदवारांच्या कागदपत्र पडताळणीअंती निवड यादी, प्रतिक्षा यादी, निवडीसाठी नकार दिलेल्या उमेदवारांची यादी, अपात्र उमेदवारांची यादी तसेच कागदपत्र पडताळणीसाठी गैरहजर उमेदवारांची यादी https://igrmaharashtra.gov.in या संकेतस्थळावर प्रसिद्ध करण्यात आली आहे.
या विभागातील गट-ड पदभरतीसाठी आय.बी.पी.एस. कंपनीमार्फत जुलै- २०२५ मध्ये परीक्षा घेण्यात आली होती. उत्तीर्ण झालेल्या उमेदवारांमधून सामाजिक व समांतर आरक्षणानुसार आणि गुणवत्तेनुसार कागदपत्र पडताळणी करण्यात आली असून निवड झालेल्या उमेदवारांना नियुक्तीच्या अनुषंगाने समुपदेशनासाठी बोलावण्यात येणार आहे. त्याबाबत नोंदणी व मुद्रांक विभागाच्या संकेतस्थळावर स्थळ व तारीख लवकरच प्रसिद्ध करण्यात येईल, अशी माहिती राज्याचे नोंदणी महानिरीक्षक व मुद्रांक नियंत्रक रविंद्र बिनवडे यांनी कळविली आहे.
0000
