पुणे, दि.२७ : माहे मे २०२६ मध्ये पक्की अनुज्ञप्ती मिळण्याच्या दृष्टीने पिंपरी-चिंचवड उप प्रादेशिक परिवहन कार्यालयातर्फे खेड, मंचर, जुन्नर, वडगाव मावळ आणि लोणावळा येथे मासिक दौऱ्याचे आयोजन करण्यात आल्याची माहिती पिंपरी चिंचवड उप प्रादेशिक परिवहन अधिकारी यांनी दिली आहे.
पक्क्या अनुज्ञप्तीच्या चाचणीसाठी ४, ५ आणि ६ मे रोजी खेड, ११, १२ आणि १३ मे रोजी मंचर, १८, १९ आणि २० मे रोजी जुन्नर, २२, २५ आणि २६ मे रोजी वडगाव मावळ आणि २८ आणि २९ मे रोजी लोणावळा येथे मासिक दौऱ्याचे आयोजन करण्यात आले आहे. पक्क्या अनुज्ञप्तीसाठी ३० एप्रिल रोजी सायं. ६ वाजता कोटा उपलब्ध होणार आहे, असेही कळविण्यात आले आहे.
